平淡的除夕

今日係2007年嘅最後一日, 朝早十萬個唔願意起身, 返到公司感覺好靜唔係好想做野, 下晝我就幫下d同事搞下夜晚嘅大食會, 搞到6點幾終於有得食啦, 我食到差唔多7點就走人啦


返到屋企飲左碗湯就睇下電視, Pong未夠12點就瞓左啦, 我d/l左茶煲阿四, 所以我同伯母就睇到大結果, 差唔多1點, 之後我先去除夕夜就係咁過左, 2008新一年新開始, 希望咩都好好好好好好好好好啦!!!!!!

平淡的星期六, 日

昨日29號短週所以唔洗返工, 12點出旺角搵Pong食Lunch, 食飽去左銀行中心3/f d旅行社度睇d package, 攞左d資料, 行左一陣坐車返青衣搵媽媽, 返到去又打緊麻雀, 咁我就幫佢整電話啦, 頂!!!鎖左機, 原來插唔到第二台嘅咭, 咁我就打比Pong啦, 佢叫我打去客戶服務中心, 叫我落門市比$400按金, 到合約期滿就會比返我, 即刻坐車去葵芳, 搞掂左之後行左去新都會, 我記得以前有間三聯, 行左兩個圈都唔見, 問下人原來搬左

媽媽的禮物

今日放工出左旺角搵Pong, 之後去食牛根丸河, 行左去smartone度睇電話, 因為Pong係佢地嘅專貴客戶, 所以send左個sms比佢話出指定部手機, 就可以只係簽多唔知幾多個月約就可以帶佢返屋企, 咁我地今日就去問下有無貨啦, 得銀色有, 黑色無喎, 媽媽部手機已經壞左啦, 佢又提過想要, 而且佢又唔需要咩功能嘅, 只要打得出同打得入就得啦, 所以我就要左啦

wii fit

今日返工真係忙到爆呀, 放工好唔好彩比人捉住左, 要我幫佢打野, 7點先放工, 出到旺角搵Pong佢上網訂左野, 所以去地鐵站攞, 搞掂之後都玩唔到bodycambat啦, 所以又無去做運動, 去左睇玩具, 都無咩玩具想買, 之後去左信和, 終於比我買左wii fit啦, 超級開心, 仲平左$10添, 嘩!!!塊野都幾重喎, 咁我地就返屋企啦, 返到屋企食飯, 食飽飯Pong個舊同學打比佢, 又叫佢出去飲野, 又唔比我去, 本來買左wii fit我係超級開心, 出去飲野又唔同我去, 食屎啦!!!!!!!!!!!!!!

Buffet

昨日11點幾Pong落街買早餐比我食, 食完打機打到1點半換衫去做運動, 做左個幾鐘就去沖涼, 諗住唔食野, 因為要留個肚夜晚食多d, 但我竟然肚仔餓, 返到屋企食左包薯片, 飲左罐可樂, 咁我就開始扮靚靚啦, 6點幾出左門口, 坐215X去尖沙咀, 好耐都無試過追巴士啦, 真係攰死

撐枱腳

昨日係平安夜, 4點鐘我就放工, 返左屋企, 等Pong返到觀塘我地就落街買打邊爐嘅材料, 今晚得我地兩個, 佢爸媽弟弟返左樟木頭, 係街市買完就去百佳買, 買下買下就買左$300, 兩個人食$300, 真係第一次

放早

今日返工簡直就係free啦, 因為d manager又無返工, 老闆11點嘅時候又走埋, 又多同事請假, 所以得返幾丁友, 除左上晝比較多電話之外, 下晝簡直靜到烏”英”飛過都聽到, 2點幾嘅時候仲收到個好消息添, 就係今日會放4點吖, yeah, 從來都未試過平安夜可以收早架, 真係開心啦

20071223

今日Pong要返早, 10點幾佢打黎噪醒我, 咁我就起身梳洗, 11點半出到旺角, 去左大快活食早餐, 食完就去做運動, 今日勁少人, 1點幾做完沖涼, 之後張d污糟衫放係Pong公司度, 就坐地鐵去中環啦, 去左猿人頭度, 勁多人架, Pong送左聖誕禮物比我呀

第二次啦

今日長週要返工呀, 1點鐘就即閃, 出左旺角搵Pong食Lunch, 食飽飽我就去買六合彩佢就返去做野, 買左$60, 諗住去做運動, 點解周公急call, 所以都係坐車返屋企, 返到屋企換埋衫就攤上床瞓

有左

10點幾Z小姐走埋黎比左份聖誕禮物我, 每位女同事都有一份, 而我個份就係史迪仔folder真係多謝佢啦

今日放工就即閃, 因為要返媽媽度食飯做節, 我一返到去梗係整下我d靚相先啦, 差唔多8點家姐返到黎就開飯啦, 哥哥都係無到, 唉!!!!算啦, 大家一路傾一路食又一路睇下電視真係好開心, 爸爸就開始做物理治療, 希望可以幫到佢啦, 食飽飽睇完兩妻時代就走啦, 家姐同姐夫走先, 咁我就問媽媽家姐係咪有左, 原來真係喎, 因為我見佢又著鬆身衫同埋飲清水, 搞掂野就幫媽媽攞埋垃圾去掉啦

返到屋企12點幾啦, 明天長週要返工

知道姐姐有左我好開心, 但唔知點解另一方面我覺得自己我孤獨咁呀

小玩意

今日臨放工先多野做, 所以做到7點先走, 之後出旺角搵Pong, 佢買左個小玩意, 係好似用黎包玻璃個D膠咁, 禁落去有D拍拍聲, 不過梗係無真個D膠咁好玩啦, 我細個好鐘意玩架

有無貢耐

昨晚放工出左旺角搵Pong, 之後去左m記食野, 食飽飽就去salon, Pong就剪+染, 我就諗緊剪好定係負離子直髮好, 上到去我都係楝染+剪, 由7點9坐低, 等到8點半先開始同我染, 我搽好顏色先到Pong, Pong今次要漂, 好似無咩人幫手咁, 洗完頭就去剪頭髮, 10點半我就搞掂, 但Pong剛剛先搽顏色, 等下等….等到12點3先走得, 真係等到我個頭有d痛

"九菜"呀

明明昨日打左篇野, 但點解唔見左嘅, 頭先諗住從新打過, 打好左按了立即發表, 但點知唔得嘅成篇野又無晒, 搞到我以家無晒心機, 下次都係係word到打左先啦, 安全d好

20071216回港

9點幾就伯母就叫我地起身, 9點半就擦牙洗面換衫, 之後就出去飲茶, d野食麻麻, 無咩食, 到12點幾就好似咩都無得食咁, 1點到就慢慢行返去, 我地去左洗頭, 好舒服, 之後就去會所度按腳, 又係好舒服, 間房好靚, 梗係啦間房貴d架, 太約3點幾就去無名餃子館度食野, 佢d野好好食架, 食飽飽又係慢慢行, 行到車站買左夜晚9點半鐘

20071215樟木頭

10點幾就起身, 之後執埋野就出旺角, 約左醫生11點3, 睇完醫生買六合彩食少少野就坐火車去羅湖, 跟住係東門行左一陣, 其實想去書城, 但又唔係好想行個袋好重, 所以搭地鐵返羅湖買火車票去樟木頭, 勁多人排隊, Pong排緊隊嘅時候, 竟然有個阿婆(香港人), 係度係咁同Pong傾計, 已經唔理佢啦, 佢就越講就越攝入條隊度, 結果比佢打左尖係後面, 跟住仲有兩個人就到Pong啦, 又有個大陸女人想打尖喎, 咁我地咪望住佢囉, 咁Pong一手擋住佢唔比行入黎, 買完票之後就夠鐘上車, 太多人啦, 所以我地無位坐, 買左包熱浪同橙汁食, 唔洗半個鐘就到啦

投明狀

今日放工就搭車返屋企啦, 因為昨日約左世伯&伯母落樓下大排檔食飯(我請), 食飽之後就返屋企睇電視, 11點沖涼, 11點半就換衫去APM, 睇12點

抉擇

明天短週唔洗返工, 而Pong亦請到假, 我11點約左睇醫生, 不過就諗左幾個地方去玩, 1.返樟木頭瞓一晚, 星期日食埋飯夜晚返黎, 2.去迪士尼 (我地未去過), 3. 去深圳一天遊, 行下書城, 4. 係屋企瞓下覺或者行下街


本來我好想去迪士尼, 但要去睇e生, 下晝先去到, 所以應該都唔會去啦

20071212

今日8點先出門口, 要搭地鐵同火車, 返到公司9點1, 食完包包就做野, 下晝同同事去飲茶, 因為有個同事昨日生日, 食飽返到公司又係做, 公司之前訂左嘅月曆&枱墊係4點幾時送黎, 勁多, 之後三個女仔夾手夾腳搞掂佢, 搞到5點半, 6點鐘就走人

蛇羹

昨日係公司無咩特別事, 6點就即閃, 出左旺角搵Pong, 之後去左買六合彩, 去左香格里拉食米線, 食飽飽就行一陣旺角, 真係好想買wii fit呀, 跟住就去做運動啦, 今日唔玩body combat啦, 因為個miss都唔好玩嘅, 做下機又跑下步, 一路跑一路睇電視唔覺唔覺咁又做左45分鐘喎, 再划多一陣艇就去沖涼啦, 沖完涼行一陣旺角就坐車返觀塘啦

無無聊聊又一day

今日又係坐地鐵轉火車, 返工公司都係9點, 雖然唔鐘意, 但真係好快, 食埋個包就開始做野啦, 到下晝個肚開始痛, 慘啦包藥又無帶, 起身時又無咩事咁咪唔帶囉, 之後問同事借左粒必理痛食住先, 到5點幾開始好返d

聽說你愛我

今日有d唔舒服, 所以無去做運動, 去左apm行下搵野食, 我地兩個人去左飲茶, 我都好耐無飲啦, 兩個人食左8碟野, 真係勁！食飽就行下apm啦, 我覺得佢d佈置好唔靚, 聖誕節竟然用天鵝, 所以都唔影佢啦

長週日

今日返工上下網又到1點放工啦,之後出左旺角新世紀買左支hand cream,買完就去香格里拉食野,食完叫Pong攞本雜誌比我之後就返屋企,睇左一陣就瞓覺,瞓到6點幾起身,換衫出旺角搵Pong等埋佢一齊返肥媽度食飯,因為家姐曬左D相,遲d會放上網到時比大家睇下啦

不知所謂

11點嘅時候阿Z小姐又走黎問G今個聖誕有無活動搞, 佢地傾左好耐, 我就一係扮忙, 一係行開左, 我聽到佢地對話中

20071207

今日返到公司都係9點, 同事又出晒去開會得返幾丁友, 所以特別寧靜&舒服

20071205

今日十萬個唔願意起身, 結果拖到8點半, 8點9出門口, 返到公司9點3, 唔算多野做啦, 做做下又可以上網睇下野, 5點幾G.M.已經走左, 所以我6點鐘即閃

玩電話

昨晚2點幾剛好正進入夢香, 突然聽到電話響, 當我攞起時已經收左線, 但係無電話no., 咁我就放返係床頭諗住繼續瞓, 頂....佢又係響左兩下收線, 連續左四次, 有一次我係聽左, 不過佢聽到我把聲就收線, 妖！我真係頂佢個pk, 之後我就熄左電話啦, 隔左一陣我就開返, 之後pk都無再玩啦

真係咁多人死唔你去死

大肚腩

下晝4點Pong打比我話佢同事又問佢返唔返大陸食飯, 之後我同佢講其實我都諗住問你明天返唔返啦, 不過佢竟然早過我啫

20071202

今日10點幾起身之後出旺角嘅M記食野, 食完野就去做運動, 2點做完就係旺角行左一陣食左章魚小丸子就搭地鐵去中環, 每次行中環我都一定睇一個袋, 今次亦都唔例外, 而且我仲試咩左一次, 睇左兩次, 之後Pong都讚成我買, 嘻嘻...咁我梗係買左啦, 而且我仲送左條電話繩比Pong添, 買完野梗係去買六合彩啦, 我買左40蚊

聖誕活動

係11月頭我公司有位Z小姐(係公司做左5年到), Z小姐就叫我問會計小姐今個聖誕有咩活動, 因為每年聖誕J小姐(即以前我尼個位個小姐)都會問G.M搞聖誕活動, 之後就係J小姐搵地方啦籌備嘅

我好變左心呀

昨晚做運完動, 沖完涼之後係更衣室度可能比d冷氣凍親, 所以返到屋企就係咁流鼻水啦, 雖然病病地, 但我都打機打到1點先瞓

無事啦

昨晚已經無事啦, 我仲出左旺角等Pong放工返屋企添, 不過返到佢屋企覺得好唔知點咁囉

明天一定會更好

係星期二因為我嘅疏忽令到Pong屋企發生左一件好嚴重嘅事, 當我返到屋企嘅時候見到伯母我覺得好內疚, 而Pong亦都好嬲我

20071126

因為有私人野做所以下晝請左假, 搞掂D野之後差唔多五點, 跟住打左一陣網球, 我個樣呀, 靚唔靚&似唔似呢??

又係咁啦

尼幾日都病病地啦, 係咁流鼻水, 昨晚做完運動返到黎觀塘租左隻出埃及記, 睇左少少就瞓啦, 因為諗住今日一定會去郊遊

20071123

今日8點就起左身, 落到巴士站都係等左一陣就有車啦, 去到大圍見仲有時間, 所以行左去M記度買魚柳包食, 今日都好清閒, 因為太部份嘅同事都去晒開會, Lunch食飽飽之後就開工啦, 4點幾個同事要出街所以我要幫佢做文件, 4點之後又回復返寧靜啦

真的想飛你

昨晚放工出旺角搵Pong, 行左一陣就去左吉野家食飯, 佢又打邊爐啦, 食完飯又係行街, 去左朗豪坊, 我仲帶左相機影左幾張相, 但聽日先有得相, 咁中間發生左d唔愉快嘅事啦, 不過9點8就去戲院等入場, 我諗都full晒啦

懶惰日

今日好多野做呀, 一樣未做完又有第二樣, 所以今日嘅時間都過得好快, 6點鐘準時放工, Pong就去左中環攞眼鏡, 我就搭車出旺角, 係花園街買左三串辣魚蛋之後去搵Pong同佢一齊食, 真係越食越好味

好煩呀！

我公司有個manager佢成日都執d細微細眼嘅野, 搞到d野改完又改, 明明做個左個一樣野出黎係比我地方便d睇嘅, 但又比佢改到勁複雜勁難睇

20071120

今日好多野做, 所以食完Lunch之後就覺得好快就6點啦, 雖然多野做, 但工作永遠都做唔完嘛, 所以6點2我就走人啦

假日的晚餐

昨晚太夜瞓啦, 所以今日無去郊遊, 而且又無去做運動, 我地成12點幾先起身, Pong爸佢地飲完茶返黎見我地起左身, 所以炒上海年糕比我地食, 其實我由細到大都未食完架, 係自從同左Pong一齊先食咋, 因為佢屋企係上海人, 所以間唔中都有得食嘅

燒烤

昨日係短週所以唔洗返工, 11點幾出旺角搵Pong食Lunch, 食完我就去左銅鑼灣一個人行街, 唔知咩事勁多人, 行到4點鐘就坐車返屋企啦, 返到屋企一陣Pong打比我叫我落樓啦, 因為佢楂公司車黎車我, 之後再接佢其中兩個同事去燒野食

Ricoh GX100

今日返工終於都多返D野做啦, 所以時間都過得好快, 6點鐘就準時放工, 之後就搭地鐵出旺角搵Pong, 一路食面包一路行去做運動, 點知都係唔上bodypump去左睇相機, 諗住9點先去上bodycombat

影相

近日公司無咩做, 所以成日都會周圍睇下其他人嘅Blog
, 比我見到原來好多人都會成日影相, 張d作品post上黎, 搞到我近日心思思好想快d買返部相機, 想學下佢地張自己嘅作品放上Blog, 不過相機個方面就

好攰呀

今日又唔願起身, 到8點3先起身擦牙, 搞到又要搭地鐵轉火車返工, 貴過搭巴士好多架, 返到公司都係9點1唔洗扣錢啦

汗

昨日好難先捱到6點,6點2走人,出旺角搵Pong,去左大家食度食麵,食完麵諗住行一陣就去做運動,行完信和之後諗諗下都係返屋企啦,行經馬會梗係買返個發達夢啦,之後就坐車返屋企啦

暖笠笠

昨日返工又係無咩做, 真係好鬼悶, 好難先捱到6點鐘, 6點15分, 本來諗住出旺角做運動, 點解Pong提意去小肥羊, 我梗係話好啦, 咁我就係大圍站等Pong一齊坐火車返深圳啦
去到小肥羊門口, 又要等位, 兩個人點左9碟野, 仲比個服務員話我地一定食唔晒, 所以減左一樣, 我好勁呀, 由頭帶到尾無停過, 以Pong食食下就打下機

手痛

昨日做完運動行完街, 返到屋企食飯睇電視, 睇完茶煲阿四之後我又打網球啦, 打到1點幾先瞓

Shopping Day

今朝10點半我就起身啦, 因為要去做運動囉, 係旺角食完早餐11點9就行去換衫啦, 玩12點2嘅bodycombat, 真係好耐無黎啦, 雖然好耐無做, 但體力還可以支持到

打網球

昨日下午放工之後出左旺角搵Pong食Lunch, 食完就搭車返觀塘, 本來諗住去apm行下, 不過周公話掛住我所以都係返屋企先啦, 返到屋企換完衫就瞓覺啦

慶祝

昨日又有同事生日啦, 放工office一班同事十幾人, 連埋佢地嘅舊舊同事去左上環食日本野, 佢地話個座大廈係無間道黃秋生比人掉落街個度喎, 我真係無咩印象, 去到先知係要除鞋個d, 好彩對襪都乾淨啫, 好開心呀, 一路食一路影相, 一路飲, 好鬼多刺身, 最尾仲有火鍋, 不過個火鍋我就無食啦, 因為食刺身都飽啦

中左啦

今日返工又係無咩做, 捱到6點15分

放工, 搭火車出旺角搵Pong, 上左佢公司等佢, 之後去左康年買菠蘿包, 一路行去花園街, 又去食辣魚蛋, 行到去聯合再行返轉頭坐小巴, 經過街市附近嘅馬會梗係去買六合彩啦, 我買左一張電腦, 之後再買張自劃, 買左成$40架

返到屋企一路食一路睇電視, 睇完"通天"我就對六合彩, 結果自劃個張分開中, 電腦個張有一注中左4個字呀, 我以家嘅心情簡直就係超級興奮....好難形容, 因為我第一次中獎, 就算買咩咩咩獎券都係, 等我明天又再買過先

Yeah! Yeah! Yeah! Yeah!

牛排

唔知點解尼排無之前咁忙, 可能我已經習慣左啦

昨晚遲左15分鐘走. 出到旺角Pong仲開緊會, 咁我就行去左花園街度食勁辣魚蛋, 真係好好味

梳毛毛

昨晚放工Pong無端端話要黎大圍接我之後一齊坐車返屋企

佢仲買左我最鐘意嘅康年菠蘿包比我上車食添, 返到屋企我就上網等食飯, 食飽飽睇電視, 一路睇一路食橙

大收穫的星期日

昨晚諗住今日一早起身去大嶼山郊遊, 點知一瞓就瞓到12點幾先起身, 跟住就換衫出街, 出街之前同Pong玩左鋪Boxing先出門口, 玩到出晒汗

沒有約會的星期五

搽左兩日藥膏我額頭上的暗瘡已經無左啦, 不過有一樣野我要講明先, 就係Pong話我知尼隻藥膏其實係用黎搽濕疹同汗癬架, 唔係真正的暗瘡膏

掂檔

昨晚放工我無返屋企休息, 同左Pong去尖沙咀行街街, 行到OK就走去買燒賣同魚蛋, 但我完全無左味覺, 真係慘...行到8點幾就坐車返屋企, 今日伯母無煮飯, 煮左上海湯麵, 都ok好食架, 之後仲炒左d比我帶返工添, 食完我就攤係sofa度睇電視, Pong就幫我落街買傷風藥同埋買左枝搽皮膚嘅藥膏比我, 枝藥膏佢有搽開都幾好, 但已經過左期

佢睇住我食左藥之後就繼續玩電腦, 睇完"通天"就走去沖完涼搽埋藥膏就去瞓覺

今朝起身手軟腳軟咁行去, 照照鏡見到我粒千年大媽瘡無咁重啦, 同埋我張近M到會生到成頭暗瘡, 昨晚搽完之後無咁紅同細粒左啦...真係洗得喎


今日成朝個口都鬼死個淡, 食Lunch個飯盒又係淡, 我諗今晚都去唔到玩bodycombat啦

病左

前前日開始轉涼, 而我個日朝早又無著外套, 所以有少少鼻水, 直到昨日返到公司就開始又打丐嚔啦, 可能係因為公司個冷氣, 開得細坐房嘅人又覺得焗, 開得大我地又凍, 真係想死

今日起身個喉嚨又唔係好舒服, 不過好彩坐房嘅人今日出左街, 我可以開細d個冷氣

今日已經有兩個同事S.L啦, 返埋聽日我就放假啦, 我要捱埋佢

打邊爐

昨日5點幾Pong打比我話佢朋友約我地去打邊爐, 我梗係話好啦, 差唔多7點我就返到觀塘, 佢就係巴士站等我, 跟住就行去工業區個邊嘅好味王, 可能今日係平日又落雨, 所以無咩人, 我地食左好多野, 一路食一路吹, 我就一路睇電視, 四個人仲飲左6枝啤酒添, 睇完奸人堅之後我地都埋單走人啦, 一齊行左去apm, 我同Pong就行一陣因為食得好飽要行下消化下, 而佢地就各自返歸啦

返到屋企仲可以睇到通天幹探, 睇完就去沖涼, 沖完涼上左一陣網就瞓覺啦

20071028

今日10點半已經起左身啦, 咁早起身梗係去做gym啦
又係我喜歡嘅教練呀, 做gym之前係觀塘嘅大快活度食個早餐先啦

20071027

下晝1點鐘放工,搭80號係屋企樓下食左碗牛根河就返屋企,返到去換左衫之後就睇台劇惡女阿楚,睇到3點幾就瞓覺,6點鐘Pong打比我叫我起身換衫,佢就搭緊車返黎,6點半約左佢d朋友係小巴站等,途中買左一人一張六合彩,我地一行五人搭小巴去西貢燒野食,今日都唔算多人,燒到10點半大家都好飽,咁就停左落黎吹下水,吹到11點到就走啦,行返出去坐小巴,返到屋企換完衫,我就同Pong玩wii,玩boxing時我竟然流晒汗,塊面都紅晒,真係好過去做gym呀,玩左一陣都係頂唔順要去沖涼...之後玩多一陣牧場物語,就到佢弟弟玩啦

好開心

前幾日我同Pong講話我地好耐無燒野食,由上年除夕到以家,係昨日做運動之前佢同我講,佢朋友仔打比佢約佢今日出黎食飯,Pong就咁佢不如去燒野食啦,哈哈

佢應承左,希望唔會有咩特別事臨時取消啦

20071026

逢星期五嘅早上大部份嘅同事都出去開會,所以特別寧靜,而且唔知係咪我做野特別快,所以好快就做完野之後就上網

3點幾d同事都開完會返黎啦,佢地又比野我做啦,一做就做到6點,6點15分走人,搭火車出旺角搵Pong之後去食牛根丸河,食完行一陣旺角,8點半就去換衫,9點鐘玩bodycombat 

懶惰

昨日下午同Pong講好左放工去做gym,點知到到5點幾嘅時候就同Pong講,不如返屋企啦,明天我都係一定會去嘅,所以放左工之後都係搭80號返屋企啦,返到屋企8點鐘食飯,做緊奸人堅嘅時候我就去沖涼,之後就睇"通天",睇完就去瞓覺啦,因為尼幾日都好似唔夠瞓咁

遙遠的晚餐

昨晚6點15分走人, 係大圍火車站等Pong之後就上深圳啦, 我地去左巴蜀風, 但係唔係去開個間, 今次尼間係愛國路好大有四層, 不過我就覺麻麻地啦, d餸黎到都唔熱嘅, 裝修又麻麻, 下次都係去返振興路個間啦

忙碌的早上

因為昨日請假嘅關係, 今日返到公司勁多野做, 好似做唔完咁, 一路做一路就有人比d新野你做, 又話急又話嘜, 好似怕我做唔死咁

晚餐

今日伯母同世伯返左大陸, 所以屋企無飯食, 咁我地7點鐘就落街買餸, 買左一包芝士腸同肥牛, 之後就去apm嘅吉之島買左包日本麵, 再買左盒三文魚, 返到屋企食左盒三文魚, 食完Pong就開始整野食...

MoMo再見

2007年10月21日7點鐘收到護士電話,佢話MoMo好似快唔得,

叫我去睇下佢,當我出門口時,我又再收到護士電話佢已經去左啦,

所以我就立即趕去,如果我早少少去到的話,我咪可以陪住佢囉

去到診所我見MoMo已經瞓左係台上面唔再郁,我企左一陣,

護士同我講,MoMo去時一d都唔辛苦,所以佢地無幫佢急救

當時仲有個女人,佢隻狗狗cancer,

十幾歲所以比佢安樂死,

佢仲叫我唔好咁傷心,要放低...

無胃口

尼排無咩胃口,心情又好差,成日都唔係好想食野,但又要迫自己食...

希望MoMo快d好返啦,如果唔係我個心好唔安樂呀

周身痛

昨日做完運動之後今日做背脊好鬼痛呀,今日Pong嘅同事又約左佢返大陸食飯,唉!!!!我無我份啦

律政英雄

昨日11點幾Pong叫我係網上訂票睇律政英雄, 睇嘅時候係早上11點幾, 嘩!!!!9點幾個場已經full晒, 所以我又係買左午夜場

情況轉下

今日11點幾阿媽打比我,話MoMo流d分泌物出黎,所以下晝我就請左假,再帶佢去獸醫度,獸醫再幫佢驗多次血,睇佢o唔ok先,驗血報告出左,可以做但係始終都有個危險係度,我聽到尼度就忍唔住喊左出黎...

"0"

頭先做做下野諗住睇下個blog啦,點知去到主頁度見到我個名見到我張相,但全部都係零呀,仲叫我重新開過,好彩隔左一陣無事啫,如果唔係我真係無晒心機再寫blog啦...

累積左我咁多回憶一下子無晒, 我真係@#%#@

20071015

昨日朝早對眼好似兩隻雞蛋咁所以好辛苦, 連con都唔想帶, 帶左眼鏡, 到下午隻眼好返好多啦, 無咁紅無咁腫...

心情超down

前幾日媽媽話我知MoMo唔食野, 咁我以為係因為佢脫左隻大牙所以食唔到, 咁我就叫媽媽第日買西莎啦, 第日媽媽唔得閒, 咁我就做完運動2點幾返去啦買埋西莎, 返到去一開門又聽到佢把老牛聲, 開左西莎, 佢有聞但都唔係好想食, 等到3點半帶佢去荃灣獸醫到睇, 醫生話佢可能子官發炎, 叫我照X光同抽血, 我話好, 等到4點幾可以睇報告啦, 佢真係脹大左, 而且個心臟有唔正常咁脹大, 醫生話要做手術, 但佢又話佢咁老做都未必係100%會好, 怕佢負荷唔到...

逢星期五的約會

到6點就即刻走人, 搭地鐵出旺角, 係東海堂買左個面包, Pong話唔做gym所以我自己一個去, 行到一半佢又打比我又話等埋佢, 真係一時一樣...

好返啦

前幾日我口裡吊鐘附近生左粒超大痱滋,之後咀唇仲生多兩粒添,簡直想死,不過飲左兩日蜜糖水,今日已經好返啦

C+偵探

終於有野寫啦...

星期二放工去左尖沙咀,因為我前幾日同Pong講話我想去UCC度食野,食完野8點之後就行下街,行左一陣就坐車返觀塘去amp買票,買票時排我前面有個男人,佢係度揀,佢揀位好似揀老婆咁,連隔離都買完佢都仲未比錢,見到個售票姐姐面都黑晒

證實

頭先終於都頂唔順用燈光照照個喉嚨,原來我唔係喉嚨痛嘅痛呀, 而係近住吊中嘅左邊生左粒超大粒嘅野,我就覺得似非滋,Pong就覺得係龍,好恐怖呀,點算呀

好短呀

今日係短週所以唔洗返工, 11點起身出旺角搵Pong食lunch, 食完野去左朗豪坊行左一陣, 一路行一路諗剪唔剪頭髮好, 行到1點Pong要返工, 我就決定去剪啦, 上到去我剪開個女仔1點半先返工, 所以去左旺角中心行到1點9到再上去, 又洗下頭, 等下咁搞到4點3, 真係坐到腰骨痛

痛痛痛

由前前日開始我個喉嚨就好鬼痛,尤其係每朝早起身嘅時候,感覺好似比好多支針咁吉住,喉嚨左邊好似生左粒野,自己又睇唔到...

放假過後

今日100個唔願意起身, 我叫Pong擦完牙先好叫我, 返到公司9點10分, 好彩未到15分唔洗扣錢啫, 行到埋自己個位, oh........點知咁多野架？？食完個餐肉包之後我就密密手咁做到1點, 終於都清左一半啦....

2點啦, 又要開始做野啦...

平淡的生日

今日11點幾起身,擦完牙伯母比左封利是我,之後我就換衫出旺角搵Pong食lunch,我地去左the spaghetti house食野,食完佢送左我去搭小巴就走啦,我返到屋企睇下blog,睇到VickiE話the sims好玩所以d/l左黎玩,一玩就玩到5點半,之後就出旺角搵Pong一齊去做gym,做gym之前梗係食$10四包嘅撈撈撈啦,好耐無食啦,食完就去換衫,7點50分玩body combat,8點50分玩完啦,

做好人

頭先去左屋企樓下中銀入錢機入錢,排我後面有個女人,佢放低左個電話係台面之後係個袋度搵野,唔知係咪前面個男人太耐所以個女人走左,但佢留低左個電話,仲行得好快叫都叫唔住,咁我個心就諗究竟我唔理好呀,定係攞比d職員呢,定係自己袋呢...嘻嘻,到我入完錢之後我就同食蕉講有個人留低左個電話,之後我就走左啦...

國慶日

10點鐘就比Pong噪醒左,跟住就換衫出旺角,去左金魚街嘅康年茶餐廳就食野,個度d野真係ok好食,坐低左叫埋野食,之後見到吳家樂同佢老婆剛剛食完係櫃台埋緊單,佢好鬼高,有個侍應叫佢企係門口影左張相添,食飽飽就同Pong返左佢工作嘅地方,因為佢有d野做,佢做到3點幾走啦,我地行左去家樂上面嘅板前度食壽司,食飽飽就搭巴士出尖沙咀,唔知咩事頭碼好鬼多警車同人,之後我地就周圍行,行到6點幾就搭車走啦,竟然一樣野都無買喎

相機呀, 相機

尼幾日都無咩好寫, 都係返工放工咁...


今日10點起左身, 10點半出門口, 搭小巴出旺角去左大快活食早餐, 食到11點半慢慢行去"C", 玩12點10分嘅body combat, 等緊嘅時候Pong問我仲想唔想學泰拳, 我梗係想啦, 不過無人陪我學咋, 1點10玩完, Pong去做機我就行下路, 行左半個鐘度我就去沖涼先, 2點幾沖完涼走左去睇相機...好想買呀, 睇左好幾間, body shop落上嘅電器鋪玩左一陣相機添...

中秋節翌日

8點鐘佢爸媽阿姨已經出左去飲茶, 因為伯母同阿姨約左人10點做facial, 咁我同Pong就11點半起身. 一起身擦完牙就開始食零食, 到12點半我地就同世伯出門口去搵伯母同阿姨, 之後出去食野, d野食超咸, 食到2點幾間酒樓已經開始熄燈, 我地都走啦, 去左超市但停電所以都係返屋企, 我同Pong去洗頭, 洗完頭返屋企, 返到屋企佢又攞書睇, 我就瞓覺, 瞓到5點幾睇合約情人, Pong睇睇下都瞓著左, 到6點幾就開始換衫執野, 7點幾就搭$2車出章木頭食飯, 去食三杯鴨, 幾好食架, 我第三次去食, 食完飯搭9點22分嘅火車返羅湖啦, 返到屋企成12點, 沖完涼打左一篇Blog就瞓覺啦...

中秋節

25號放4點, 但我4點45分先走, 因為Pong係公司突然比人捉住左, 之後我係大圍火車站等佢搭火車到羅湖, 其實都唔係好多人咋, 過左關搭火車返章木頭, 20分鐘到, 之後去超市掃零食, 買左3大袋都係$11x咋, 不過攞到我地兩個死死下, 無法啦要食就要辛苦d啦, 之後就去搭康湖渡假村嘅專車, Pong有住客證所以唔洗錢, 我就要比$2, 返到屋企執緊零食時佢爸爸媽媽同阿姨已經返到啦

20070925

祝各位人月兩團圓！！

唔知今日有無得放早呢？？今晚我會返章木頭.............嘻嘻

20070923

今日10點半起身梳洗完之後就食左個菠蘿包, 11點10分出門口同Pong一齊去做gym, 12點10分開始玩body combat, 到1點10分就玩完, 之後Pong做左一陣機, 我就去行下路, 唔知係咪朝早只係食左個包, 所以一路行一路肚餓, 1點半就去沖涼, 之後就搵左間麵店食左碗麵, 食完就搭車返屋企, 返到屋企換完衫就攤上床瞓覺, 6點半起身去九龍灣同Pong D fd食飯, 因為其中一個女仔生日, 去左德福6/f嘅魚一丁食日本野, d野真係ok喎, 10個人食$1083, 不過如果兩個人食一定唔抵, 9點幾食完野去左飲糖水, 佢有兩個fd食榴槤飄香, 我同Pong嗅到都想死, 仲要張我地兩個夾係中間, 食到10點幾就各自返屋企啦

剝佢光豬

今日家姐回門攞燒豬返屋企食飯, 所以我就一早11點幾起身去旺角搵Pong食完飯賣埋沖涼液就返屋企同兩隻大小魔怪沖涼剷毛, 點知兩點鐘返到去, 阿媽已經同佢地沖好涼啦, 咁我就同佢地剷毛啦

我無偷懶

昨晚我好準時放工, 之後出旺角搵Pong佢係火車站等我, 因為佢要去奇華度攞月餅, 之後去左麥當當, 因為下午食完月餅頂住個胃所以我只係食左幾條薯條, 之後就去做gym啦, 梗係去玩body combat啦, 嘩!!!好似好耐無去咁呀

7點50分開始, 8點50分玩完, 之後就去沖涼啦, 因為我要趕返屋企睇歲月風雲, 睇完歲月梗係接住睇"味"啦, 我覺得田雞同谷德召好好笑

生果籃

臨近中秋,公司已經收左8個生果籃啦,有4個會計姐姐轉送左比其他公司,尼幾日下午3點幾都係食生果,昨日我地開左個超大嘅月餅一齊食,鐘意食月餅嘅我食左三小舊,死啦頂住個胃添,好辛苦,之後我決定今年中秋唔食月餅啦,以家仲有好多生果係雪櫃呀,都唔知幾時先食得完,唔知仲有無公司送生果籃呢？？

鐵板燒

2007年9月19星期三放工又無去做gym啦,Pong話返工比人搞到心情唔好所以要食下野喎,我地就簡左女人街裡面有間叫龜井嘅鐵板燒,其實我係第二次去食,因為我覺得食鐵板燒好鬼貴。

20070918

7點鐘放工, 都係無去做gym, 返到屋企8點幾先食得飯, 食完飯又係例牌去apm, 行到去滿記Pong問我飲唔飯糖水, 我梗係話好, 就叫左個白咩咩咩紫米露, 佢就叫左杏仁茶加紫米露, 真係好食完之後就行左去吉之島掃貨啦, 執下執下又執左$2xx, 仲買左好大盒嘅士多啤梨添, 返到屋企仲可以睇歲月風雲, 睇埋味分高下就去沖涼, 之後食左粒士多啤梨吹埋個頭就準備瞓覺囉

飲糖水

昨日Pong本來返左工, 但辛苦到要搭車返屋企, 所以夜晚無去做gym, 我就做到7點先放工, 返到屋企食完飯, 睇完歲月風雲就同Pong落樓下飲糖水, 佢飲左碗熱嘅杏仁茶, 我飲左碗凍嘅椰汁紫米露...飲完就去apm行左一陣就返到屋企, 沖完涼吹埋個頭, 12點就瞓覺囉
初初識Pong嘅時候成日12點幾落街飲糖水嘅...所以先搞到肥左好多, 不過都係之前個間好味d

20070916

由昨晚開始Pong已經病緊啦, 勁打丐嚏同流鼻水, 所以無去做gym瞓到12點先起身, 之後食佢媽媽煮嘅粥, 到3點幾落街搵中醫睇, 但d中醫都休息啦, 諗住睇西醫, 點知又無帶醫療咭, 張醫療咭係佢公司比佢架, 睇醫生唔洗錢架, 所以就返屋企攞囉, 返到屋企記得佢上次睇中醫張藥方仲係度, 所以就去執藥囉, 執完藥返到屋企叫左佢媽媽煲藥, 到5點幾就飲得, 之後佢又走左去瞓覺, 6點半我叫佢起身問佢同唔同我返屋企食飯, 因為前晚媽媽打比我嘅, 到最尾我都係叫佢唔好去啦, 死下死下咁, 我就自己出左門口啦

斷背

昨晚Pong放左工去左深水步買usb手指比我, 因為我昨日同佢食lunch時講過可以方便我係公司攞野返屋企做, 7點幾Pong返到黎, 買左支2G嘅比我仲係推蓋嘅, 之後仲話我知佢買左迫上斷背山添, 仲係零晨12點呀...

圓滿結束

四點去到酒樓, 化妝姐姐一早就等梗我地, 入到新娘房個個姊妹都即刻除晒鞋, 因為實在太痛同太攰啦

 家姐化完妝Set好頭, 之後就到我啦, 我化完就到兩位媽媽, 唉!!兩位媽媽雖然早到, 但一黎到就打麻雀, 連衫都未換, 真係激死, 之後我地就出去, d親戚都開始到啦, 著完褂就換婚紗, 係換褂之前我張條鍊比左家姐囉, 不過無帶, 要換婚紗啦, MC叫家姐換晚裝, 但家姐想著婚紗影多d相, 件婚紗左幾靚嘅, 因為係好長嘅拖尾, 有條額鍊, 好似公主咁, 真係好靚

差唔到八點關晒燈, 睇以前嘅相, 嘻嘻....有我同家姐影嘅相呀, 好細好細個, 之後就慢慢行入黎上台, 到兩個証婚人, 即我爸同佢爸啦...簽完名錫完咀咀, 就開始食野囉d野雖然好食, 但個件唔知咩令到我實在太辛苦, 所以食左好少野, 食完第二道菜家姐又要換啦, 換左件晚裝, 我梗係第一時間要去影相啦, 敬酒啦, 我係後面攞裙尾, 敬埋酒, 佢地兩公婆梗係周圍同人飲啦, 差唔到11點先企係外面送客

送完客我同另一個姊妹執野, 12點幾先搭地鐵走囉...返到屋企成一點幾啦 

男家記

係車上面伴郎好忙咁打電話, 要等齊車, 因為攝影師要影我地五駕車, 好似大約2點去到男家屋企啦, 超細有d兄弟姊妹要係酒樓食住野先, 留低我同伴郎同兩個姊妹幫手攞茶, 拜完神又到飲茶時間同埋攞禮物啦, 搞完一大輪野, 就開飯啦, 其實我一d都食唔落, 但佢屋企人比左好大碗飯我, 唔食又唔知點喎, 食完飯就坐係仲睇左家姐嘅婚紗相添, 影到我家姐好肥呀, 不過d景真係好靚, 越坐就越眼瞓, 最慘set左個頭, 如果唔係我一定瞓下先, 到4點叫返d兄弟上黎執野出發茶樓啦

出門記

昨日我7點鐘起身, 去左搵家姐, 我攤係張床度等家姐比人化完妝之後先去換衫, 嘻嘻...個化妝師話我似十幾歲呀, 我地有8個兄弟姊妹, 原本11點個新郎應該上到黎, 但拖下拖下到11點半先到, 擺明就拖時間啦, 不過都仲玩到3個遊戲, 第一個遊戲都幾三級架, 我地個個姊妹都笑到碌地, 玩完遊戲梗係接我家姐啦, 我爸爸帶佢行出黎個一刻感動到流淚呀, 搞到我都想喊添, 之後梗係比茶爸爸媽媽飲啦, 仲有攞禮物啦, 搞掂好晒就出門啦, 我梗係攞住紅色傘啦, 其他姊妹就掉米, 落到樓下勁多人望呀, 之後等齊車就出發去男家囉

時間

我發覺近日嘅時間過得越黎越快, 第一話咁快我姐姐嘅大日子明天就到啦, 第二每日好快就到Lunch time同埋放工, 每日嘅工作時間都好似唔夠咁, 昨晚我仲O.T.左半個鐘添, 半個鐘對一個平時準時嘅人黎話已經好多啦

健身 20

好似上個月上完健身堂之後教練一直都無問我地幾時上埋最後一堂, 頭先佢打比我問我, 我話過兩日先答佢, 其實我同Pong都唔係好想上, 因為怕佢又sell我地, 所以最後果堂決定豪比佢, 費事煩呀

唔do

今日8點半先起身, 所以要搭地鐵轉火車返工, 返到公司好彩都係9點05分啫, 我地過左15分鐘先扣錢嘅, 15分之後仲未見個女仔返工, 我就打比A/C啦, 佢地都無接過佢電話. 大約30分鐘A/C打比我話個女仔打返黎話辭職, 我心當好呀, 唔洗左住個地球轉呀

200700909

今日10點幾起身, 之後出旺角大快活食早餐, 食完就去做gym, 去打bodycombat, 玩完一點沖埋涼差唔多兩點, 行左一陣旺角之後就去食野, 跟住就返屋企啦, 係屋企無聊到6點半同Pong & 佢媽媽去周生生度買金, 買比我家姐, 嘻嘻...其實咁大個女我係第一次送禮物比佢架 (講出黎真係有d羞愧), 尼兩日金價升得好犀利, 好彩佢媽媽識人係金鋪做, 平左d手功囉, 佢係一條鐲形嘅鍊黎嘅...都ok啦, 唔太老土嘅

嚇到鼻哥窿都無肉

今日短週唔洗返工, 12點幾起身去旺角搵Pong, 之後就一個人去做gym, 行樓梯機行左45分鐘就沖涼走人啦, 上到更衣室見阿媽打黎, 所以覆返個電話比佢, 佢話東東流血, 之後我就沖完涼就搭車返青衣, 返到屋企又見到東東瞓係度唔郁喎, 所以即刻行去摸下佢, 睇下邊樹流啦, 結果我睇黎睇去都無血跡, 唉!!!原來係阿婆滴左d餸汁係地下而且d餸汁係茄汁黎, 嘩!!!!我仲一路搭車一路幾鬼死咁驚呀.......真係比個阿媽嚇死啦, 之後見佢無事我就同佢兩隻怪物剪下指甲, 到5點半就走啦, 出左旺角搵Pong, 仲係金魚街買左包魚仔返屋企比龜龜食添

20070907

今日女仔雖然無返, 但都無影響我d咩, 有野就做, 無野做就睇下blog, 下晝我請左假, 因為約左家姐四點試伴娘裙, 1點半走人, 出左旺角搵Pong食lunch, 食完搭車返到屋企差唔多三點啦, 之後睇左半個鐘換換愛就出去啦, 行左出門口先記得唔記得帶鞋, 搞到又要行返轉頭, 去到竟然四點半, 又遲到添, 唔洗好耐就走得啦, 出左旺角等Pong, 我一個人行新天地同旺角中心, 我係旺角中心二樓竟然比我見到件窿窿衫可以係家姐結婚那天朝早著, 所以等Pong放工帶佢黎睇下, 如果佢覺得ok我就買, 結果佢都覺得ok喎, 成為$80

又請假

今日我9點05分返到公司，唉！個新女仔又無返工啦，星期一開始返工直到以家請左三日假，之後會計姐姐打比我話，個女仔今日屋企人入左醫院喎，吓！究竟佢有無心做架？無心做就出聲啦，搞到我想比野佢做都唔夠膽，費事教完佢之後又話唔做，浪費晒我一片苦心呀。
個女仔係之前見果d大少少，所以個G.M覺得大少少應該定性d，但以家......唉！！

20070906

一到6點即閃, 因為Pong約左同事一齊返大陸食飯, 好開心呀

Sick Leave

今日係星期二, 我孤軍作戰已經係第二日啦, 好彩暫時都無咩大問題啫, 星期一時有個女仔返工, 但今日9點幾都仲未見人, 所以會計小姐就打比佢, 佢話病左要S.L., 明天會返工, 不過我都係預佢唔返好d, 但係我梗係想佢返啦, 可以做少d野架



我d同事就係度講笑, 話我梗係比太多野佢做, 嚇親人啦

20070902

今日雖然係放假, 但係我地都一早起身

20070831

今日係小姐嘅last day, 所以lunch成班同事連經理, 老闆都一齊去飲茶, 唔洗講梗係有大食大啦, 到3點幾有人請飲野, 小姐亦都攞左3盒西餅, 之後幾個女仔影左幾張相, 話咁快就6點啦, 我梗係準時放工啦

20070828

今日都係小姐教我做野, 我開始可以掌握得好啦, 一到6點唔理三七廿一梗係即閃啦(好員工準時返工準時放工嘛), 出到旺角我地無去做gym, 去左pizza hut食晚餐呀

忙死左

今日9點返到公司, 食完個餐肉飽就開始做野,  一做做到1點鐘, 又開飯啦, 食完飯我都無抖過又繼續做野, 話咁快就6點鐘, 6點10先走

20070826

Pong要幫佢爸爸出街, 所以9點就出左門口, 我就9點15分起身換衫出旺角, 佢係旺角街市得我之後去左大快活食早餐, 食完就去做gym, 我地去到10點50分, 我就用極快速咁換衫, 因為11點要玩body pump, 我落到去剛剛, 我仲幫Pong霸定位, 之後12點10分玩body combat, 1點幾玩完啦, 諗住做一陣機, 點知Pong話佢件衫好臭, 所以要沖涼走啦, 之後就去左朗豪坊嘅i.t, 雖然佢減價, 但我只係買左個Nike嘅護腕咋$20, 之後咩都買唔到, 因為實在太亂太多人啦, 3點行左去先達附近嘅越興苑食野, 食完就搭車返屋企啦

打邊爐

前幾日Pong已經約左佢d舊同學昨晚食飯, 而我本來諗住唔跟佢去, 點知昨日我真係做到, 想放工就即刻見到佢, 所以我就唔去做運動同佢一齊去, 佢地約左7點係觀塘工業區個間好x王度食, 到8點鐘先叫野食, 真係好肚餓呀, 佢地一路食一路吹, 我就係度聽同 笑, 佢地多數都係講八掛野, 所以幾好聽架, 太約10點就埋單走人, 行左去apm Pong就提意去滿x度飲糖水, 我都好耐無飲過啦, 我就叫左碗黑糯米, 好好味架, 佢地一吹就吹到11點幾差唔多12點, 之後就各散東西, 我同Pong就去左租跟蹤, 返到屋企就睇戲, 2點幾就瞓囉

頭都爆

由今日開始直至31號我就要跟小姐做野, 其實同我以家做緊嘅差唔多, 不過真係好煩覆, 唉！以家先交低左一樣, 仲有好幾樣呀, 真係小d心機都唔得。希望直至佢走我可以全部記晒入腦啦, 我怕第時有野問都唔知問邊個好咋, 到時我就再無得依賴人啦。
下晝食完飯又要再努力過啦。

唔知點好

話說我公司有個clerk辭左職做到今個月月尾, 頭先個G.M同我講叫我試下做佢D野, 佢叫我諗下明天答覆佢, 如果我做到的話, 會加我人工, 幾多就未知。

唉！原本應該係開心事, 但我怕自己做唔掂, 因為差不多全公司嘅文件都係佢負責嘅, 但係機會唔係成日有, 點好呀

好難頂

由昨日開始為左減肥已經轉左個細飯盒, 同埋朝早只係飲超難飲嘅0脂肪古朱力奶粉, 佢味道好好, 難飲在d粉點溝都唔溶, 成日都凝固埋一舊, 不過難飲都要頂啦, 鬼叫自己賴左咩, 為有減少食量啫。

好難頂

由昨日開始為左減肥已經轉左個細飯盒, 同埋朝早只係飲超難飲嘅0脂肪古朱力奶粉, 佢味道好好, 難飲在d粉點溝都唔溶, 成日都凝固埋一舊, 不過難飲都要頂啦, 鬼叫自己賴左咩, 為有減少食量啫。

星期天

放假應該係屋企瞓晝d, 但我9點鐘就起身擦牙換衫出去做gym啦, 因為我已經三日無做啦, 唔可以再懶啦。搭小巴出到旺角去左m記度食早餐, 10半未夠就上左去換衫, 11點玩body pump係我喜歡嘅教練教, 玩到12點, 12點10就玩body combat都係佢教, 所以我都玩...嘻嘻。

好睇

星期六下晝放工就返左屋企, 瞓到Pong放工返黎, 我地都無去做運動, 大約7點半就食飯, 食飽飯佢例牌要去apm行街街, 行行下佢話想睇戲, 所以買左不能說的秘密啦, 買完返左屋企hea到11點半就出門口啦, 去到戲院又買燒賣同燒狗, 不過真係幾好食架。

Cool

前幾日我公司嘅G.M叫左我入佢房吹左一陣, 佢話我好cool喎, 跟住尼幾日我都諗緊尼個問題, 我覺得我淨係同D唔熟嘅人唔講野囉, 有時我唔想講野真係一句野都唔講囉, 不過我都好有禮貌每朝都會同人講早晨架。

矛記性

每日放工我都會check下自己有無留低野, 星期四晚我都係咁做, 上左巴士先記得無攞飯盒, 不過好彩屋企仲有一個, 超大個不過都用住先啦。點知昨晚行到半路先知無攞飯盒, 唉！搞到我今日無得帶飯啦, 連佢媽媽都問我做咩事咁無記性, 連續兩日都無攞。