剛剛收到姐姐個e貓, 我就急不及待要同大家分享下...
昨日放工Pong要返學, 咁我就一個人出旺墮角, 去電腦中心幫Pong攞個藍芽去維修, 放低左之後去食左串魚蛋, 食飽就去做運動, 攞埋毛巾去到更衣室放低d野, 先發覺唔記得帶鎖匙, locker裡面有對波鞋, 如果對波鞋唔係locker裡面我買個鎖就可以換衫做運動, 結果還返條毛巾, 之後就坐小巴返屋企
唉!!!想做都無得做
星期六Pong放工去左旺角, 係先達會合, 之後去左買薯條食, 勁多人排隊, 比完錢仲要排隊攞薯條, 我同Pong一人一個
前幾日聽我公司嘅總經理講話會炒人, 尼個消息係無咩人知, 佢仲同我講話近年尾先咁做, 佢都覺得好煩, 其實我聽到個心都好唔安樂, 好唔知點咁, 咁又係公司做完一個project, 又無新嘅, 要咁多人黎做咩喎
昨日星期日7點半我就起身擦牙, 之後叫醒Pong同佢爸媽去飲茶, 可能星期六做左負離子, 要就住就住咁瞓, 所以咪一早起左身, 換完衫8點幾去飲茶, 9點幾等巴士入天水圍, 咁大個女好似入左兩次天水圍咋, 仲要係7-8年前添, 行左分鐘終於見到個牌啦, 而且仲好曬添呀
星期四放工無野做, Pong又要去打籃球, 所以我打比媽媽話返去食飯, 好掛住佢呀, 差唔多成個月無見啦, 媽媽要煮飯, 梗係做阿姨嘅陪你玩啦, 塊面爆晒拆紅晒, 抱左佢一陣, 佢嘔左少少奶出黎, 原來我件衫都有, 放低佢係張床度, 我掛住照相無同佢傾計就係咁噪, 之後我就同佢講野, 佢笑得好搞笑, 媽媽話佢日日都係咁, 原來佢蝦人抱, 唔知點解好鐘意聽佢喊, 佢嘅喊聲好得意
昨日放工幾左幾位同事去唱K, BOOK左7點半, 咁我地出到尖咀未夠鐘陪另一個同事去睇鞋, 7點3行去美麗華樓下嘅Red box唱k, 個度d食物就麻麻地啦, 都無咩款揀嘅
Pong尼幾個月又開始同佢嘅中學同學去打籃球, 初時打成日就整親, 試過整到腳指公爆晒甲腫晒, 好恐怖, 最勁一次眼鏡都斷開兩邊, 之後佢就醒目帶con打, 但周不時都會扭傷
星期六1點放工係屋企樓下食雲吞麵, 返到屋企就用Pong部notebook打機, 由2點幾打到5點幾, 之後瞓到7點起身食飯, 食飽飯我就無得打啦, 因為比Pong打, 佢打到10點熄左機, 11點我地落左樓下嘅網吧, 我真係第一次去咋, $20 3個鐘, 係網吧打機都幾好, 因為唔會lag機同hold機, 但就噪左d囉, 坐我隔離嘅男仔, 開到個喇叭鬼咁大聲, 打到2點45分我地就走啦, 沖埋涼3點幾瞓覺啦
唉!!!好慘呀, 前幾下晝部電腦都好地地, 只不過要開兩次先開到機, 之後到夜晚連開機都開唔到啦, 昨日Pong弟弟睇過, 因為部電腦係佢嘅, 而且佢係I.T人, 原來燒左個火牛, 所以尼排都要用住Pong部notebook打機, 不過又打唔得耐, 因為佢都要打嘛, 唉!!!真係黑仔啦
好早之前已經約左昨晚返大陸食飯, 真係好耐無返啦, 6點幾放工諗住坐火車去上水Pong黎接我, 入左閘之後先記得睇戲個日攞左張身份證出黎唔記得放返入銀包, 唔怪得知朝早出門口嘅時候就覺得好似有野未攞, 但又諗唔起係咩, 感覺怪怪地咁啦
昨日放工返屋企,
9點幾沖完涼去APM吉野家,
Pong又食個火鍋, 佢真係好好彩係最後一個, 食飽野行到11點半就係戲院出面坐等入場
