2007年2月28日 星期三

芝麻飽

昨天又要返蛋糕課啦,好似隔左成兩個禮拜lu,今次阿sir教芝麻飽ar。聽到個名都覺得好食ar。

2007年2月27日 星期二

眼眉條

尼兩個月我隻左眼就不段咁眼眉條,有時上眼皮,有時下眼皮
究竟有咩事會發生呢??左吉右凶定係左凶右吉呢??

2007年2月24日 星期六

初七

前幾日係屋企見到隻龍貓好慘ar,因為其餘兩隻都有屋,而得一隻無,所以我同Pong就去紅蘿蔔度睇下有無屋岩佢,之後就買左一毎黃色嘅有一個好細個洞。

我返到屋企梗係急不及待咁比佢用啦,初初仲以為個洞太細怕佢入唔到添,點知原來佢都幾鐘意喎。
好辛苦先影到尼張相嘅,因為我一攞起相機佢又會走出黎。


每年嘅屋企人都會約親戚來食飯,因為我爸爸今日生日。Pong無陪我黎,因為佢班朋友叫佢食飯,其實我一早就同佢講左今日要去食飯,點知佢都係去左朋友度,其實我真係有d唔開心架,因為佢好似唔係咁重視我屋企人咁。

2007年2月23日 星期五

悠長假期

26號返工啦,尼個新年長假又放完lu,真係唔係咁想添。。。

年三十嘅朝早就同Pong搭車返深圳再坐車去章木頭,一開始就買左一大堆零食,差不多每日都係食、睇碟、瞓,真係肥左幾廿磅ar。

其係我返去都係想食一樣野,叫做沙鍋粥,雖然係街边度食,比人覺得嘅感覺好唔乾淨,但其實眼不見為乾淨啦。不過...我返左去4日,佢4日都無開ar,真係有d唔開心,第一日仲差d無野食添ar,平時開到好夜食市9點幾就唔做生意,等新年的來臨,一到12點煙花爆竹真係响過不停,好恐怖。

初二那晚Pong嘅爸媽都返左來,一齊去食晚飯,鎚骨...真舒服,不過我地就晚都走lu,Pong爸媽昨天先回來

Pong初四已經返工啦,得我一個真係好無聊,都唔知做咩好。

我地係章木頭度搭火車去深圳,當我地係深圳出閘時,好多人排隊等出閘,之後我見到有個香港男仔入左張票,但點知比個大陸人出左閘喎,但個大陸人隻手係無拿住票喎,點知我見到個香港男仔傻左咁企係度,不過有樣野好奇怪,就係個大陸男人無買票點入閘呢??

有時我真係唔想話內地人的不是,不過佢地有時真係好黑人憎架。。。

2007年2月16日 星期五

團年飯

昨晚返屋企食團年飯ar,返到去第一時間梗係拆信啦,見到有個包裹,拆開原來係個孖寶兄弟裡的冬菇


嘻嘻!!係一個唔係識左好耐的朋友寄比我的,好得意ar。



2007年2月15日 星期四

情人節2007

昨日係情人節,原先我諗住唔出街係屋企食飯就算啦,不過返到屋企同Pong坐係度又無事做,見到隻龍貓連水樽都無,所以我地就去旺角買個水樽比佢啦。都唔知點解隻龍貓又唔係我,點解要我地買喎...

真係好鬼多人ar,但我行到百老匯戲院附近見到一大堆人圍住唔知睇咩,我咁八掛梗係去睇啦,點知比我見到好大隻聖班納ar,佢仲帶住口水堅添。

因為太多人睇的關係我好辛苦先影到兩張相,一張仲好唔清添...



睇完狗就去左影貼紙相啦,好多人 ar,影相又要排,用較剪都要排,所以我都係影咭算啦,反而咭係無人影。

影完都無咩心機去行啦,所以都係搭車返屋企,我地都係係屋企樓下買麥記好d,唔洗等ar,咁都幾開心呀。


屋企無scanner ar,所以用相機影,有少少模糊。




2007年2月14日 星期三

門徒


昨日係公司諗住上網係百老匯度訂票睇門徒,有我最愛的劉德華ar,一入到去,嘩!好的座都比人揀晒lu,仲要貴五蚊添ar,情人節真係搶錢日。
返到屋企食完飯大家坐係度睇電視,Pong話好想睇,見到零晨12點幾仲有位,佢就好快手咁訂左啦,12點ar睇完都2點幾lu。
睇完成套戲我都唔覺得累,可能因為我太鐘意劉德華啦,再加上有吳彥袓添,睇完心情都開心d,整體黎講真係幾好睇,如果比我再睇一次我都會睇。

契女



佢係我個fd第四隻養嘅狗,係佢唔知第二定第三隻同狗配種而生出的狗狗啦,佢叫Kelly係隻女仔,由佢一出世到以家我都係未見過佢....嘻嘻。

佢好慘比婆婆〈我個fd〉改左個花名叫做咖哩包包,希望佢下次生日可以見到佢真面目啦...


2007年2月13日 星期二

翻生ar

2007年2月10日星期六,原本我係放6點架,不過我返左寫字樓幫個會計做野,所以我3點就放左工啦,放左工我出左旺角行街,嘩!鬼咁多人,所以行左一陣就走左,去左尖沙咀的Tiffany度買禮物比Pong,慘啦!都咁多人,買完好快咁走lu。

我一個人行到6點幾等佢放工出尼搵我,去左ucc coffee度一路食公司三文治一路等佢,佢黎到仲叫左個套餐食,佢個飯好好味ar我都食左好多,食完野行左一陣佢就買左條褲啦,幾快ar,之後就坐地鐵去銅鑼灣,因為隻介子唔岩size而尖沙咀又無貨,所以走到咁鬼死遠。

返度觀塘去左apm買票睇戲,因為我睇預告見到隻猴子好得意所以想去睇,以前剛剛同Pong拍拖時都好鐘意夜媽媽去睇戲

成套戲我比較喜歡隻恐龍同猴子,都幾好笑

2007年2月10日 星期六

公司晚宴

昨晚嘅晚宴終於圓滿結果lu,雖然大奬有成100份,但我一份都無份,我發覺做工作人員永遠都係抽唔到奬嘅,最後尾老闆攞現金出黎抽,但都無我份...黑仔,究竟有無放到我個名係個抽奬箱到架??

身為工作人員嘅我返到屋企之後唔知點解隻腳到鬼痛,點解ar

2007年2月9日 星期五

20070209

今日公司食飯,我係第一次參加咋,唔知今晚係點呢??我淨係知有成100件禮物用來抽獎ar,個大奬係錢ar,不過抽到又會比同事掘請食飯嘅

所以公司嘅同事都叫我著得靚d喎,搞到我昨晚放左學要走去買衫囉,唉!!咁心急買衫一定會好難揀,所以我都揀左好耐ar,好彩最尾都比我揀到啫...

好開心ar,好其待今晚ar

2007年2月5日 星期一

禮物

係上個禮拜我已經收左倩人節禮物啦,好開心ar,係一隻介子ar


2007年2月3日 星期六

羨慕

唉!人地星期六一係長短週,一係唔洗返,而我就要坐到6點先走得,我好慘呀不過如果manager走左我都可以偷走嘅,而且老闆都好少会係度,又唔會打返黎嘅
星期六又無野做,搞到我鬼死咁悶點算好呢??

2007年2月2日 星期五

遲到

今日我又遲到啦,其实我差唔多日日都遲到3至四個字,但係我係夏天嘅時候真係好少架喎
唔知公司幾時會有人出聲「阿林小姐呀〈me〉,你可唔可以準時d呢,你日日都遲3、四個字。」me:「係...知道,对唔住。〈當你唱歌〉」