星期四放工Pong又係旺角等我,
我坐緊火車時佢突然話去睇戲,
又係APM,我覺得我地都係要搬返去觀塘,
對apm百老匯情有獨鐘,
趕到去7點半,好彩都買到理想的座位,
未夠鐘行下街,Pong仲可以買到對鞋,同藍芽添,
仲去返以前屋企樓下食餃子添
今晚要出旺角打邊爐為同事farewell,
唉!!!!算啦!!唔再多講lo,
自己做返自己野算啦!!
好彩一直以黎嘅幾位舊女同事仲係度啫...
以家仲有d喉嚨痛添
琴日真係好鬼嬲
Pong借左駕車比人,我已經好唔鐘意,
可能我有太多借完野比人之後嘅不快經歷,
不過最嬲都唔係尼個
有日放工諗住做運動,
點知我又懶唔想去,
之後揸車去左元朗食野
叫士林台灣麵
尼個餃子麻麻地
星期六我唔洗返工朝早同佢食完早餐9點幾返屋企再瞓過,
Lunch佢返左屋企叫我起身陪佢食飯,
下晝上網訂票睇戲,
又係apm,始終都係apm d凳最好坐,
7點幾出發又係揸車,
原來觀塘d日泊同夜泊都好平架
同事走完一個又一個,
今個月尾又有同事要走啦...唉!!!
真係完全唔同晒啦,
以前公司嘅女仔都算好好,
不過女仔嘛,難免有不愉快事嘅,
但好快就會無事囉
以家d女仔好似分左二黨咁,
一黨就係舊人另一黨就係新黎個三個,
因為新黎兩個工作態度極度欠佳,
之前淨係覺得大隻先係咁,
搞搞下另一個都係,再遲d第三個都會啦,
以家先明白咩叫物以類聚啦
前幾日買左個袋可以手扲可以斜咩嘅,
第二日就即刻用,
但係斜咩用唔夠三個字左邊膊頭就開始痛,
我諗都係因為部7D搞到我咁,
唔通真係要買背囊???用背囊夏天真係好鬼熱架
自從個大隻同事黎左之後,
佢真係好鬼多是非,
成日同另一個新女同事細細聲講,
雖然我知唔關我事,
但我唔鐘意尼種感覺,
以前真係好少尼d問題,
真係自從佢黎左之後就係咁,
有時我同另外個同事吹水,
佢又要搭把咀埋黎,
最唔鐘意就係咁樣
同埋頭先又發生左d野,
一向都係我同另外個同事收fax嘅,
咁頭先新女同事收左比大隻同事,
大隻同事就睇左好耐,
咁我問佢邊個嘅,
大隻同事就話係我部門嘅,
咁佢就扲走左,
比fax主人睇到,我諗fax主人應該有話佢,
之後fax嘅主人就走黎同我講,
話大隻同事都唔只一次張d fax周圍問佢部門嘅人,
之後大隻就同新女同事細聲講
好煩好煩好煩好煩好煩好煩
發覺人大左樣樣都係$$$$$$$$$
就連興趣都要用$$$$$$$
玩相機要$$$
車又要用$$$
琴日同Pong同事食飯
佢地係度講車
真係聽到我一頭霧水
但都係離不開個$$$$$$$$
有錢就咩都得
無錢就咩都唔得
唉!!都係行下山...
係屋企hea下好啦
都係留個錢係身邊有安全感d
幾時中六合彩呢???
上個禮拜六5月29號又同世伯伯母去行山,
10點幾係屋企坐車去荃灣食早餐,
11點幾開始行啦
5月27號公司係洲際食Buffet
為兩個同事fawell,
個度d龍蝦同三文魚真係ok,
不過太多人排隊都唔想食,
我都係食左三輪野就收皮啦,
第一輪同第三輪我都係甜品,
真係好好味架,
不過Buffet始終都唔係咁岩我食,
因為我食少少又覺得飽,
又唔想成日行黎行去
好好耐之前講過我嘅電器部今年接唔到野做,
消防部就接左好多好多,
公司係尼幾個月前後走左+將會走有3個人,
而將會請3個人,但得兩個位,
咁就將電器部兩個人調左上角樓,
得返我一個孤身作戰,
咁即係我後面就要比個新人坐,
琴日我終於爭取到坐後面啦,
即係以後都無人可以望到我做緊咩啦
yeah...
頭先一個上晏已經搞掂晒啦...
