星期日返左青衣同阿婆食生日飯,第一時間梗係同晉晉玩啦
話說公司星期一改制度咁我尼幾日起身都早左,
但點知屯門公路塞車,兩日都有人撞車
星期一個日早左兩班車去到開叉橋個度開始慢駛,
今日放工返到黎屋企睇下缸魚,魚缸白冒冒一片D水奶白色,好似去左大冒山咁,原來係世伯無野做幫佢地換水,佢見到個泥底好污糟就搞下佢,結果泥底D污糟野浮晒出黎,跟住再睇下D BB魚唔見晒嘅,原來佢用左個超大玻璃杯裝住放左一窗台...唉!!!
星期四個日放工唔想做運動,出荃灣百老匯買飛睇戲,因為我用信用咭D分換左百老匯卷,咁以前係APM係百老匯嘛,以家最近屯門嘅百老匯就係荃灣,Pong放左工沖埋涼就出黎搵我,行左吉之島都無野好行嘅,8點幾去左泰國人海南雞飯度食野,麻麻地啫,食完仲有一個鐘,睇下貓貓狗狗,見到我小學同學,佢係寵物店做,SAY左個HI就走啦
公司前幾日出左張通告7月27號要改制度,
取消15分鐘遲到,即係以家9點01分返到公司就叫遲到要扣錢,
以後9點後就唔可以再食早餐,
今日林海峰talk show我願意優先訂票啦
我由9點打到12點終於比我打到,
真係打到想死
死啦, 個缸生菁苔, 仲一日比一日嚴重...點算好???
昨日做完gym12點幾返到屋企望下個魚缸多左兩條魚,初初都唔係咁鐘意,因為始終都係新缸,但係望望下佢地又幾得意,因為佢地成日游係d角落度好怕死咁
星期日11點幾係屋企附近食左d野,坐差唔多1個鐘頭車出旺角,尼一個鐘頭車我真係瞓著左,仲好好瞓添,之後再轉地鐵去TST行街街,天氣真係好熱又多人,又話經濟差,條街咁鬼多人,仲見住佢地一袋二袋咁,行到2點幾又坐車出旺角去CALI JOIN返個MEMBER,4月個次完左之後有人就咁打比Pong叫佢黎join返仲比平佢喎,今次join左一年先不過係all club終於可以周圍去啦,但係就要成日帶住對鞋囉
星期五約左家姐姐夫媽爸婆去青衣城食潮州野,9點先去食話平d喎,所以返左屋企先同晉晉玩下啦,真係差唔多成個月無見啦,真係掛屎人啦
昨晚出旺角金魚街係為左買隔離箱比衰魚同埋買左幾舊裝飾物比佢地,行完金魚街就係旺角行下街,係cd鋪門口好多人睇mj演唱會,唉!!在生時又唔睇,到死左先黎珍惜,條街太熱啦所以係女人街旁邊搵間餐廳食野,食完野就坐車返屋企啦
養左魚5日,第一日佢地全部游埋一齊又唔食野,第二日下晝死左一條,畏野比佢地都有野,咁都放心d
星期四放工返屋企,世伯又比左D驚喜我地,就係買左個魚缸啦,其實我都幾鐘意架,因為細路個時屋企有好大缸魚,之後阿哥仲養咸水魚真係好靚,仲有好多其形怪狀嘅魚,不過唔知點解有一晚個光管突然出煙燒左,之後就無養啦
上個星期六去睇變形金剛, 係星期三下晝已經訂左票, 其實我無諗過要咁早訂架, 不過心血來潮上網睇下, 嘩!!我地鐘意坐嘅位已經淨返唔係好多咋
