巴蜀風

昨晚我應該要返學嘅，但我偷懶無返工去左深圳食飯囉

yeah，我係深圳食飯多數都係去食兩樣野，一打边爐，二就係四川菜，今日我揀左四川菜，我地差不多兩個月無返深圳食飯啦

單據一張

我兩只手指呀

這樣的話，你會快樂嗎？？

昨天在一個ｆｏｒｕｍ見到的．．．
為什麼丹麥人咁快樂？原來是他們 "做又卅六， 唔做又卅六"。
例如年薪 50萬，交稅要 70%，即係剩 15萬。但係拿失業金也有15萬，咁你仲做唔做？
所以他們一係就唔做，一係就選Ｄ自己中意做既野先做。
係咁既福利社會，政府包起一切，人人均富，人人都信任政府，點會唔快樂！

但係諗深一層，如果香港要收 70% 稅，你又制唔制呢？
香港政府包起一切，你又信唔信得過呢？
像我這樣在香港這個資本主義社會成長的人來說，可能還是覺得現在的 "多勞多得" 比較快樂。
有工作能力而又唔工作的人同廢物有分別嗎？？不如攞去填海啦。以家政府真係信得過嗎又話內地高才生、司機、產婦可以來港，將來香港人仲有地方企嗎？？

生日快樂！！

剛剛睇完生日快樂，未睇之後Pong話如果我一哭就要比五百蚊佢

一路睇都無咩野架，到左最尾我就我連最後一幕都忍唔到...仲比Pong笑添好好笑咩？？

其實都幾好睇呀，初初聽到佢個名仲以為好悶添

西米布甸紅豆蓉饀

哈哈...星期四上堂以家先得閒寫...

今次係做西米布甸紅豆蓉饀...我最愛的紅豆呀

洋蔥芝士煙肉撻

呵呵呵...今堂阿sir教做洋蔥芝士煙肉撻呀，好可惜我又係唔鐘意食芝士架。個撻皮梗係我地自己做啦，但ｄ料就係阿ｓｉｒ幫我地做的。我見阿ｓｉｒ落左好多芝士粉非常恐怖

做好個皮生放料．．．半個製成品

花車

今日返工搭車時望出窗口見到三駕花車正準備接新娘，那個時候我係度諗，究竟佢地以家咩心情呢，昨晚會唔會開心到瞓唔著呢？？雖然籌備一個婚禮係好忙好忙，但係我相信忙中都會帶一點點的幸福。

其實我細個嘅時候好想22至23歲結婚架，我諗永遠都無法實現lu，連嫁唔嫁得出都未知ar。

唉..................................................................................

Enjoy

昨日放假lu

愛睡的我梗係瞓到十二點幾啦，起身時已經得我一個咋，因為Pong要返工，佢弟弟又出左街，而uncle同aunt前日已經返左大陸未返，雖然得我一個，但係我都唔覺悶，反而好

enjoy添。

食完個公仔麵梗係要郁動下啦，就去執下屋囉，一路聽歌一路執屋，又做下facial mask幾好呀，唔洗怕比人見到我做facial個樣嘛，真係好耐都未試過開到部机咁大声黎聽歌呀。

四點幾Pong返黎啦，佢仲買左薯條比我食呀，真係估都估唔到wor，六點幾佢弟弟都返黎啦，我地三個每人拿住部NDS係度打麻雀...哈哈哈，原來好好玩呀，仲好玩過真係打麻雀。

YeaH...WIN ar

昨晚唔需要返學lu，去左行街街仲去食KFC添

飯氣攻心，當然眼瞓啦...

雖然眼瞓啫都要同Pong玩下嘅，我地就係玩NSD双打打麻雀啦...呵呵，初初佢就叻贏左幾鋪，但比我後來居上，佢輸晒，輸淨條底底...卡卡卡

曲奇

昨天又要上課啦，今次阿sir教整曲奇呀，不過今日阿sir遲到呀，所以有幾個同學都要罰企左一陣
哈哈...

今次我好留心聽阿sir講野呀，因為曲奇我都好鐘意食。曲奇的形狀全部都係我整架，由其係為一條係條形的...唔好以為黑色的係燒焦左呀，其係唔係，係學校的爐太cheap，又太細所以先搞成咁咋...

今次我地唔只整咁少呀，每組都起碼可以有50粒...所以我今次都拿左好多返屋企

今日放學Pong好好呀湊我放學，不過佢竟然講...「我真係唔係好明，點解一個唔識煮飯的人都可以做到蛋糕呀」激屎我啦 (#$%&*@#&)

紅豆綠茶撻

昨天又係蛋糕堂啦，今次係做紅豆綠茶撻呀

我就最鐘意食紅豆啦，所以今次我好開心，未做之前阿sir會解說一輪，但我都唔知阿sir講緊咩。

首先梗係要做左個撻底先啦，其實做撻底都幾難架，又唔可以太薄又唔可以太厚，搞到我好似玩泥膠咁

。個撻焗左１５分鐘到就ｏｋ啦，我地都算做得ｏｋ啦，我見有Ｄ同學因為太厚所以焗出黎好似曲奇餅咁。

等到凍左就溝好Ｄ綠茶粉同其他配料，就放落個撻度，之後就放係雪櫃等１５分鐘

再攞出黎就放埋紅豆上面，阿sir話有時間可以再放係雪櫃，不過因時間關係，我地就無再放係雪櫃啦。

望落去係咪好好味呢？？我仲一路做一路偷食紅豆呀

尼個係阿sir做架，其實阿sir做嘅咪同我地一樣，不過多左三塊葉啫

成個過程完成左之後就梗係食返一個先啦...我食左一啖就oh,my god，係超甜呀，其實係因為Ｄ綠茶粉太甜啦，結果我都係左一半就

So Cute

話說我１２月份時返媽咪度食飯，見到東東同毛毛ｄ毛長左好多，可愛幾多呀，真系好過夏天時比我媽咪剪晒ｄ毛架。

其實好難得可以咁樣影到佢地坐得咁近架，因為東東最唔鐘意影相，每次我拿起相機佢就會即走架。

每一次返屋企東東又老過一次，我真系有少少怕，佢真係走左呀。畢竟佢都１１歲啦，記得佢以前可以好活躍咁係張ｓｏｆａ就跳上跳落，連我媽媽都好怕佢會整親手嘅，但以家連跳都唔跳啦，做人最害怕就係生離死別．．．

毛毛扮聖誕狗係咪好可愛呢？？雖然毛毛比東東细，但佢都唔識跳ｓｏｆａ嘅，得把聲開門又吠，連電話響都吠個不停，有時真係煩死人，鬧佢又扮個可憐樣出黎，最慘係到以家佢都仲未識得係應該去廁所嘅地方去廁所呀．．．

芒果班戟.

哈哈哈...以家每逢星期二、四我都會上蛋糕課，阿sir仲話每一堂都會做一個蛋糕架...yeah

其實除左中學時有家政堂做過下蛋糕之後，其餘嘅日子都少係廚房，雖然個蛋糕唔係我一個人做晒，但我都好比心機架，到最尾都食得落嘅...

上一堂就做左芒果班戟...

我地每一組都有四位同學，每組做兩個蛋糕，所以我地每人可以拿一半返屋企...

初初阿sir話做班戟時我有少少唔明，班戟唔係一塊塊夾d野之後卷住咩，點解會係蛋糕嘅？？

好可惜我唔鐘意食芒果呀

所以我一啖都無食過，不過我一路做時都有偷食過d蛋糕，好好味，我梗係買花讚花香啦...yummy