陳真

星期一Pong陪我睇陳真,因為我喜歡甄子丹,如果葉問同陳真比,我覺得葉問好睇d,陳真最尾同個日本人打得唔勁激,一係陳真捱打一係日本人捱打,不過甄子丹d肌肉真係好鬼結實,同埋見到佢個蘿肌添呀...哈~~~

都係唔食啦

之前去睇西醫食維他命a酸"ORATANE",

係紅色藥丸,成日覺得紅色藥丸就好似毒藥嘅顏色咁,

要食足24星期,以家食左8星期,

人生無常

小學同學10月31號結婚,上個禮拜佢仲同我講結婚野,仲叫我當日出門之後有時間淨可以去尖咀影相

即日來回

琴日星期日同平時返工一樣7點起身,7點半出門口坐小巴去上水係羅湖過關,再坐半個鐘和諧號入樟木頭已經9點幾啦,返到屋企搵佢爸媽,今次仲有佢阿姨一齊去食早餐,11點約左按摩,按到2點返屋企休息下瞓下,4點就去食咩咩豬肚煲,食到6點幾就坐旅遊巴去羅湖過關,係上水坐小巴返屋企,返到屋企9點幾,真係仲辛苦過返工呀...

舊曆生日

唔岩

買左大機之後一直都係用緊買機個時送個袋仔,個袋好細淨係放到部機就咩都袋唔到,同埋個款就唔多靚囉...

每隔一段時間就去睇相機袋,行黎行去都係個幾間鋪頭,都無一個睇得岩,有D款OK嘅但怕D料有刮到D衫起毛粒,唉!!11月去旅行啦,想買個好D嘅袋去旅行,又唔想求其買喎....點算呀

中秋

東涌行

琴日星期日2點幾Pong揸車去元朗食雞粥&糖水,我一路係車睇e神演唱會都唔會佢上左青馬大穚,係東薈城行左個半鐘頭,係7仔買完雪條係條天穚度見到個咸蛋黃好靚,諗住想影下,但個好位比個阿叔霸住左,佢企係度抹身,行過左之後調轉頭望佢,嘩!真係嚇親我呀,佢拎左枝大炮出黎影咸蛋黃呀

跟住就去左欣澳


都唔明點解眼見係夕陽黃黃地咁嘅色,影出黎都唔同嘅,白平衝已經係效自動啦


企左一陣就揸車返屋企啦

未到中秋

哈~~未到中秋我地已經食左一盒月餅啦,以前公司同事都無咩人鐘意食,所以切一個我要食好多,以家有幾位新同事都食架,哈~~真係好呀,有人同我分甘同味啦

返學啦

話咁快晉晉兩歲啦,佢以家每日9點就要返幼兒班,11點放學,媽媽話佢8點半小朋友要係班房食早餐,但佢又唔鐘意食,叫佢坐定定都唔得,一定要出去玩玩具,食完早餐圍一個大圈一齊玩,但佢又係周圍走,唔知到幾大先會乖乖地呢??

11 & 12號

11號個日長週要返左,1點Pong黎接我去左九龍塘食野,但太多人排隊,行左一陣就去油麻地政府合署泊低駕車,之後就去循道衛理個教會度觀禮,Pong係新娘子舊同事,所以請埋我,真係第一次去尼d地方,其實都幾感動

過度疑病

今日聽晴朗朱芬臨尾就講過度疑病尼個問題,之後播左條聲帶,話個女人懷疑自己有cancer成日自己摸自己,自己唔信又叫身邊嘅人摸下,仲可以唔知幾多個月可以睇10次醫生

生日快樂!!

Pong今日生日啦!!哈~又大一歲啦~~不過我地今晚都無咩點慶祝,應該會同世伯伯母食日本野...呵~~

雷電交加

琴晚又行雷又閃電,真係好恐怖,其實係咪就快世界末日呢??

係facebook見到好多人影雷電,由12點幾等到點幾先影多幾張相,隻手攰到死,12點幾前淨係見到光,見唔到雷,一係就超快無左

懶人兩個

星期日12點幾同世伯伯母飲茶,係屋企hea到2點幾上網買票睇7點幾,5點半出街係荃灣食bugera king,7點半入場,戲院真係好鬼凍

學識啦

8月21號朝早同Pong返樟木頭搵佢爸媽,第二日伯母8點幾叫我起身去游水,我終於可以直游中間唔需要停底抖氣啦,係咪好勁先

比賽

好想參加,獎品豐富當然吸引,不過我有自知之明獎品一定無我份,我想玩下,但我又好驚喎,唔知有無人有興趣呢??

http://www.canon.com.hk/photomarathon2010/index.html

兩歲人仔啦

星期日29號係晉晉兩歲生日,話咁快就兩歲,話咁快我又大兩年,話咁快星期五佢就要返幼兒班,真係好想請假睇下佢喊成點...kakaka