講埋你

尼兩日都係講佢弟弟,今次講埋佢女朋友佢地拍左9年拖啦

講開就嬲嬲地

前日就講佢弟弟買樓d野,講開佢弟弟真係嬲嬲地

都唔知想點

之前我講過Pong嘅弟弟會買同區嘅屋,咁搬左入黎之後佢弟弟一直都有個經紀跟嘅,大大話話都睇左好幾間,佢弟弟好得意架,人地開價幾多,佢又唔會返屋企諗下鐘唔鐘意,計下條數先,就即刻同人地還價,仲要還到好低,但到最尾都係唔鐘意嘅,係次次都係咁,好似玩咁,我係咁經紀都唔想再理佢

年份

我不嬲對數字都無咩觸覺,就連邊一年同Pony一齊我都唔記得,只係知大約

好味道

星期日個日去完游水佢爸爸無去,落左街買餸,買左蛽其實我都幾鐘意食嘅,沖完涼無野做坐係個廚房出面睇世伯伯母煮飯,佢地兩公婆好好笑,成日為少少野就噪,可能尼D就係情趣啦

無聊3日

剛剛過左個禮拜日同Pong屋企人落左樓下沙灘度游水,由1點幾玩到4點返屋企,我無用浮板都可以游到兩三步啦,其實個沙灘都幾多垃圾,之後5點幾Pong嘅阿叔打黎話黎食飯,佢堂妹5年級仲有留宿幾日添

無野講

近排日日都係返工放工就返屋企,無咩好做,唯一好似星期三同左Pong嘅同事係稻香打邊爐,以家個景真係麻麻地,以前9點後就人山人海,以家都有兩,三枱係吉左架...

擔心

尼幾日一去便便就有血,唔係一條條血絲,而係廁所裡面D水都係血,其實7-8年前都係咁,之後就無事,不過一路間唔中都有,但係睇醫生我又驚喎...

懶惰日

星期二Pong要考無返工, 而我又請左假, 8點幾起身落街食早餐, 食飽Pong就去溫書, 我就去打機, 4點幾佢要返學溫書, 咁我就返左媽媽度

19歲

星期六有位朋友仔係吧度開左個birthday party, 壽星女係Pong舊同事嘅女朋友, 而且又係一齊玩online嘅, 佢只得19歲, 尼個數字離我太遠啦