終於都出發去台北啦,講左成年以家終於可以去到,一陣坐中華嘅00:10機,去到台灣機場唔知有咩坐車呢,又要通宵,希望我頂得住啦
4月25號我嘅小學同學結婚啦,佢地拍左拖差唔多10年,真係好勁,我同佢好似由幼稚園至到中學都係同校,小學時好fd架,但到中學因為唔同班,所以分開左玩就唔同左啦,見到佢簽紙個刻真係好感動,佢同佢老公仲搞笑呀,佢就未讀已經喊,佢老公就讀錯晒
大家唔好誤會我結婚,其實我係想講Pong嘅同事(用H黎稱呼),佢5月廿幾結婚啦
上年年尾我買過一隻海星bb係公司養,21號同事話要幫佢個隻換水,咁我攞我個隻黎睇下,佢成個禮拜無郁過啦,之後我用牙籤篤佢,慢慢變左粉呀,原來真係屎左喎,一隻唔洗點理佢嘅海星bb都可以比我養死左...
昨日星期日Pong唔洗返工,10點幾同我落街食完早餐,返到屋企睇埋個套日劇咩主播之後就開始同伯母一齊執野,今次好醒啦買左口罩,因為我星期六個日打丐嚏打到我死呀,執到1點幾佢爸爸都返黎2點幾去飲茶,飲完茶去左工廠區個面有個傢私庫,咁我同Pong兩個去睇,之後去APM買票睇戲
今日短週唔洗返工,11點幾起身擦完牙就開始整好個紙皮箱執野啦,執左四大箱野仲有D野都唔知點執好,之後就去數下錢,係Pong儲嘅散子,有成三千幾蚊,又重喎唔知報紙檔要唔要呢
我今日開Pong個facebook見到佢弟弟個女朋友打左句野,睇完之後我叫Pong睇,佢就覺得好過份洗唔打句咁嘅野喎,大家唔好誤會我check pong野,而係我玩petpet同restaurant啫
4日復活節假只係行下街,世伯仲買左4個紅白藍比我地執冬天衫,距離搬屋仲有8日咋
昨日開始放復活節假啦,係屋企hea到1點幾先換衫出街,去左九龍灣嘅Ruby tuesday度食野,因為之前係百老匯買野送左張6折比我地,我都係第一次去食咋
唔記得幾時Post過一張對唔到焦嘅白掌花上黎,
星期六個日終於開左啦,好似枝羅牙捧咁,
可能佢個體積大左對所以對焦都容易左
昨晚終於都睇草蜢忘我演唱會,真係好緊張架,8點鐘可以入場,8點9先開場,睇嘅人大約都係廿幾歲以上,原來我地個位都算前架,就係咁先影到相咋,真係要多謝Pong個同事啦
好野聽日有得睇草蜢忘我演唱會啦,尼期真係好多演唱會睇呀,5月又有謝安琪啦,不過劉德華同鄭秀文唔知幾時會有呢,最想睇係佢地兩個
昨晚放工出左尖沙咀,諗住睇下north face同埋patagonia嘅運動型d嘅喼,我地就睇中左patagonia不過太貴啦大嘅要$4xxx細嘅$31xx,不過細嘅又怕唔夠用,north face就$16xx不過Pong話怕佢隻料唔耐用喎,之後行行下就去左食new york fries
