2013年~終

今日係2013年嘅最後一日啦,

係Facebook見到好多人都回顧,

在2013年9月係最唔開心嘅時候,
從來無諗過會失去,

每一天都好掛住,都會想起,
但姐姐亦在同一個月誕下小姨甥軒軒,

希望2014年我嘅屋企人會身體健康,

唔好再離我而去

2013年12月喪行東京之旅 Day 1

2013年12月13日出發去東京

前一天已經CALL左的士6點鐘黎接我地,

天未光已經要出發啦,

真係好鬼眼瞓呀,

但我地係朝早8點40分機

旅行後遺症

去完日本返黎已經第二日啦,

昨日仲請左一天假添,

真係唔想返工呀,

個心仲係東京呀,

D行李都仲未執好,

唔係好想執添,

返到公司鬼咁多野做,

都未得閒執下相,

明天先再算啦

掃興

明天去東京啦,真係期待以久囉,

最慘係我黎M呀,本來應該係9號前會黎架,

但竟然遲左幾日,要等我去旅行先黎,

200131210

之前放假返part time,

過多幾日又去旅行,

所以公司嘅野好似積積埋埋要係尼幾日做完咁,

唉!不過工作係無做完嘅一日嘅,

仲有三日去旅行啦,

唔知我可唔可以用我好差嘅日文同日本人有少少交流呢?

少少我已經好滿足好開心架啦,

去過幾次旅行今次係特別期待同緊張的…嘻嘻

20131208

昨日2013年12月8日土曜日,

同Pong屋企人一行6日去左元荃古道行山,

我地6點幾出左門口,

去到愉景新城食早餐,

衝力射球

2013年12月5日

飛走左

13號去旅行啦,距離仲有8日,

但我個心已經飛走左啦

Part time

前幾日返左6日Part time係拍賣行做野,

有時轉換下環境都幾好呀,

不過今次有兩位同事又係同我一樣都係P.T

佢地正職係做空姐,

個兩位女仕真係好難頂,

我地有8個人,

2個一齊輪住可以休息15分鐘,

個2位空姐成日都休息20-30分鐘,

食飯又係每人45分鐘,

佢地食1個鐘,

真係好過份囉,

做野又係,

有staff時又扮勤力,

搶住D野黎做,

無staff時又圍埋吹水,

下次有佢地兩我都唔會返囉,

今日返到公司電腦傻傻地,

可能連個天都唔想我返黎呀

哈~~

20131120

20131117~給你的信

你離開我們已經2個月啦，

你在遠方好嗎？

有否回來探我們？

很想感覺到你回來，

在我心裡無時無刻的想你。

要是在夢裡見到你多好，

可惜一次都沒有…

12月東京之旅 - 円

NU SKIN

星期六朋友帶我去NU SKIN個度睇下,

有得免費玩好多野,可以Check BMI同脂肪比例&肌肉的,

20131107

臨時

2013年11月2星期六

10點幾一行7人去鑽石山殯儀館領返媽媽嘅骨灰,

簽返兩個名就走得,

之後再坐返地鐵去油麻地,

之前上網搵到D臨時骨灰位,

每日又可以去拜拜,

所以選左尼度,

之後再排政府位,

20131031

2013年10月31日萬聖節(但我無扮鬼)

放工走左去灣仔搵Pong,

佢成7點半先放工,

跟住行去銅鑼灣食野,

行行下又走左去睇下有無”雷神”睇,

每日的早餐

之前睇廣告,人到某個年紀鈣質就會流失得好快,

所以我以家每日都會飲高鈣低脂奶黎補充,

淨係飲一盒奶當早餐…

咁樣唔知會唔會瘦D又健康D呢

20131028

10月25日小B已經滿月啦,

姐姐又已經搬返黎青衣瞓啦,

屋企終於多返D人啦,

唔洗得我同爸爸兩條友咁靜啦,

不過Pong爸媽又返左大陸,

所以尼兩日都去左Pong屋企陪佢,

小B出世到以家都未見過佢呀,

我要到星期三先返青衣,

先可以見到佢啦

做好準備

因為屋企事令到我做咩都無心機,

放工就返屋企陪爸爸,

完全無做過運動,肥左好多,

近日要積極減肥啦,為左個沙巴之旅嘛

嘻…嘻…

其實跑街係辛苦過跑步機的

沙巴之旅

Pong朋友叫我地一齊去沙巴玩,

本來諗住叫佢地Plan行程,

我地淨係比錢同去,

但可惜佢嘅行程我唔太吸引,

所以我都係自己上網搵下資料啦,

不過如果佢d朋友唔去我同Pong兩個自己去,

講到玩…

今日返工無做過野,

整日都係度搵資料…

嘻嘻

請問你地有無好介紹呢??

20131019

每晚都瞓得唔到，

成1點先瞓得著，

今個月已經坐左2次的士返工啦，

由青衣返大圍要成舊水，

破產啦

20131015

回想起上個月的今天,媽媽在醫院已經唔清醒,開唔到眼望人,佢嘅朋友,細佬妹都黎睇佢,夜晚我同爸爸都係醫院瞓,基本上我地都瞓唔著,直至零晨4點幾,媽媽嘅呼吸聲越黎越大,我開始打比姐姐同D舅友,半個鐘時間都無已經停止呼吸,走時一點唔辛苦都沒有,都算係一種福份

兩兄弟

姐姐因為坐緊月唔可以返黎住,屋企無左晉晉變得冷清,所以我每日都會返屋企陪老豆食晚飯,陪下佢睇電視,有時9點幾佢會約朋友去打麻雀,我都想佢多D活動,搵朋友打下麻雀飲下啤酒

20131010

已經第廿五日啦，

每天都很想聽到你的聲音。

10月5&6

終於所有嘅事情都已經完結，

當日見著一個親愛的人瞓係一張鐵床上，

無呼吸，無靈魂，

我嘅心真係那住那住痛，

好辛苦...

日語課程

今年嘅日語課程我都無報讀，

因為她的離去，

要處理很多事情，

令我無心機去讀，

下年要繼續努力...

頑張って

10月2日

今日係10月2日星期三

今日係我新曆生日，

沒有慶祝，

沒有生日禮物...

舊曆生日

今日係9月30日，亦係我舊曆生日8月26日，
每年都會一齊食飯食蛋糕，
唔知佢係遠方記唔記得呢？

半個月

"她"走了已經半個月，係尼半個月裡做文件、BOOK場地，東奔西跑的，

岩岩姐姐25號生BB，老豆老紀大無記性，阿哥就唔好講啦，

好彩多得三個阿嬸幫我去買野教我點做，

尼幾日我亦要幫手湊埋大姨甥，真係覺得有點兒疲倦

是你嗎

是你回來探我們嗎？

難過

最難過的幾天已經過去，

心總算平伏，

但每當夜欄人靜的時候總會想起，

想起小時候有你的一切…

中秋

今日係中秋節，人月兩團圓，
但我一點都唔快樂...

無法接受

昨日9月17日所有文件已經搞掂，
做這些文件真的需要很大勇氣，
見到紙上的熟識名字，
真係令我無法接受，
到現在為止....
只想是夢一場，
醒來後一切回復美好.....
好嗎??

沉重

雖然早有預備，但依然難過，
昨晚令我難以忘記的一刻，
24小時無發入睡

沖涼

以家仲係每日COPY & PASTE咁整緊以前嘅BLOG，有成千幾篇，真係COPY到我頭暈，不過又幾好呀, 可以睇返以前嘅BLOG，真係好好睇。

晉晉5才生日會

2013年9月1日

我的姨甥在花粟鼠堡壘開生日派對，真係超開心

眨下眼5才人仔啦

勤力女人

尼幾日張YAHOO BLOG的文章COPY過黎，睇返以前寫嘅野好好笑，好白痴...

原來我以前寫BLOG好勤力，差唔多日日都有一篇，寫埋好無聊嘅野，食咩...去左邊....做過咩都會寫....哈

仲有以前真係瘦好多，皮膚好好多

以後我都要勤力D寫BLOG，同埋要做一個勤力嘅女人，KEEP下自己先得啦

爆炸

近排真係忙到爆炸，

越黎越想辭職，

成日都係重複又重複嘅工作，

六合彩又成日都唔中，

中左真係去辭職

同事生日派對

8月30日是同事的生日，

在28號同佢慶祝，

咁岩公司樓下4樓開左間好似私房菜嘅地方，

所以我地就21人開派對啦。

咁岩有個地方比我地玩，

所以我地3位同事在前一天放工後去搞搞佢，

就係吹氣球啦。

新BLOG

終於都開了新BLOG

potatoyoki.blogspot.hk

仲未好識用

摸索中

一直都是用Yahoo Blog的，但快要關閉，真是有點不捨得，

在那裡認識的朋友要各散東西，

其實想過不再寫Blog的，

但已經習慣了，

所以現在正摸索中

救命呀~

關門大吉

寫左咁多年嘅Yahoo blog終於都關門大吉啦，

真係好唔捨得係尼度認識嘅朋友

可唔可以話我知你地會搬去邊呀？

再見啦，祝各位身體健康！永遠開心快樂！

potatoyoki.blogspot.hk

日語課程成績單

2013年08月28 星期三

備課

話咁快就黎9月啦,跟住9月20幾號就要返學,

成績又未出,又未報名,我諗應該過到關掛,

成日都想背返之後嘅生字,因為唔係成日用所以都忘記晒,

又想睇下課文備課,但係返到屋企又唔多想郁咁,

哈...

真係要到大難臨頭先黎做

頑張って。。。

差

阿媽以家成日發燒,

尼兩個月出出入入醫院都4-5次,

今次係住得最耐,

成日食唔到野,

一食就嘔反胃,

昨晚買左香蕉比佢食,

食左又肚痾,

成日叫佢食多D野都食唔到,

真係好擔心,

都唔知買咩比佢食好,

唔知點算囉

魚缸

日語課程期末考

今日2013年8月4日

日語課程口試

2013年7月30日係我入門班的最後一堂啦,

但今日唔係教書,我地考口試啦,

有3篇文老師會揀一篇比我地讀,讀30秒,

佢好好講左話讀第三篇,

接2連3

衰野永遠都係接2連3咁黎嘅，

今日係阿媽要返醫院復診，

咁我請假照顧姨甥，

12點幾話要入院觀察個胃功能，

好似話衰退左，

南蓮園池

好似6月29日去左南蓮園池度影相,

記得上年9月定10月去尼度影相,

發玩相機壞左,真係超唔開心

今次終於都順利影到啦

阻住晒

之前講過佢弟弟嘅事,以家日日都返黎瞓SOFA,

自己有屋都唔返去住,真係好煩,

以前夜晚第二日又唔洗返工,

我都會同男友係廰度飲下酒,

食住薯片睇電視,

真係幾嘆架,

但佢弟弟返黎之後就無晒啦,

雖然講到尾我都係外人一個,

但佢做出黎嘅野,

似佢係外人囉,

完全對屋企唔負責任,

總之就係皇蟲一條啦

種野

近排喜歡種植,同同事一齊係淘寶訂種子,泥,肥料

香草~羅勒,超級粗生,生得勁快

四葉妹妹よつばと

有日無聊無野做,

所以拎左D四葉妹妹黎影相,

影左好多張得幾張可以見人,

真係要練習返下先得啦

入院

岩岩上緊堂阿媽打黎無聽，

跟住即刻WhatsApp家姐做咩事，

阿媽發燒入左急症室，

照左肺部，要留院，

報告又未出

明天再去睇佢先知咩事

日語課程 13

6月25日 星期二

都唔記得上左第幾堂啦,

今堂只係頭個一個半鐘教過書之後就無教過啦,

因為我地對老師由開始鐘意日本,

直至點樣入籍,

日語課程 12

2013年6月18日 星期二

老師終於都無事可以上課啦,

原來佢食道發炎食唔到野,

佢之前已經好瘦,

入左幾日醫院後仲瘦呀,

白行一趟

話說星期二接到學校電話，
老師入左醫院唔洗返學，
今日星期四我去返兼職，
唔可以聽電話，
6點半放工急急腳咁返學，
返到學校上到課室，
黑媽媽嘅，
再睇下張通告…
原來老師仲未出院，
結果白行一趟，
今日仲係presentation呀，
唔知會唔會補返比我地呢，
唔知老師以家點呢

Presentation

話說今個月13號就要用日文自我介紹啦,

要講2-3分鐘,不過我只係作到2分鐘到咋,

其實都唔算太驚,

日語課程 11

2013年6月4日 第27堂

琴日真係有少少灰心架,

叫左幾位同事分別解一段,

我係其中一個,

但昨日個段真係唔多識解囉,

空虛感

之前講過男友弟弟無端端返黎瞓,

其實尼個禮拜差唔多日日都返黎,

昨晚伯母同男友講,

佢弟弟個女友下午10點幾時打比伯母,

話佢弟弟唔要佢啦,

日語課程 10

2013年5月30日,第26堂

好耐都無寫我嘅日文學成點啦,

其實都無咩特別,

都係學緊好簡單嘅助詞同形容詞,

Part time

2013年5月26-28日去左返Part time

前個一天都有D緊張架,

因為新環境,新事物嘛,

27-28日係請假去做的,

白食白住

我男朋友嘅細佬係2年前買左樓,都係買附近,

差唔多日日都返黎食飯,

由月頭開始怪怪地,

成個禮拜都係度瞓,

中期考試成績

5月14日星期二考完,16日已經可以睇卷,

但原來唔會同我地對卷,

唔比我地拎返屋企,

又唔比我地影相,

中期考試

2013年5月14日

今晚係日本語的中期考試啦,

其實真係好緊張架,

可能放低書包太耐啦,

不過讀日語真係最緊要返學,

日語課程 9

2013年5月9日  第19堂

下堂就係中期考試啦,真係好緊張呀,

我依然都係唔知背生字好,定係溫助詞好,

哈...搞到好似每樣都溫少少咁,

好在學校有E-Learning,得閒上去學下助詞,

日語課程 8

2013年4月30日 第16堂

以家已經進入第8課了,學緊形容詞

かぞくはげんきです。
屋企人係身體好。

第一針

今日阿媽4點幾打第一支啦，
6點幾打比爸爸已經坐緊車返屋企，
如果今日唔係要返學(がっこうへいきます)
我都會媽媽去醫院(わたしは はは と びょういんへいきます)
之後放學再打比佢，暫時都無唔舒服，
希望keep住唔好咁辛苦啦

日語課程 7

2013年4月18日 第14堂

不經不覺已返了個半月啦,已經教到第7課啦,

仲有9堂就要測驗啦...

係咪我太過緊張呢???

惡化

今日陪阿媽返瑪嘉烈覆診，
唔知點解一去醫院我就會好緊張，
等左差唔多一個鐘入去見醫生，
醫生睇緊月頭係伊利沙伯照個份報告，
話阿媽嚴重左，
以前只係胸同骨有，
所以可以唔洗化療，
但以家連肝都有，
就一定要化療，
聽完之後真係唔識反應，
或者心理已經有數掛

日語課程 6

2013年4月16日 第十三堂

依然都係學助詞,同埋背好多好多嘅生字,

一個助詞可以有幾種唔同用法,

真係記到頭都大埋,

沒勁

昨日已經知道自己加左幾多人工啦,

都唔係理想中嘅數字,真係有點失望,

係因為尼間公司間中有時間比我溫下書,

日語課程 5

2013年4月2日第九堂

我嘅日文課已經上左第九堂啦,

係尼九堂裡面無遲到早退同缺席,

因為返少一堂真係聽少好多架,

而且我咁遲鈍,真係有排追呀,

為她祝福

昨日係FACEBOOK見到舊同事打左好長篇東西,

好奇心極大的我一定會去睇下,

原來佢囡囡上星期發高燒,

醫生話有少少肺炎,

建議抽埋血,

結果驗血報告係血色素,紅血球,及血小板偏低,
隔日再抽埋骨髓,係急性淋巴白血病,即係血癌,

醫生話好返嘅機會有8/9%,

祝佢囡囡早日戰勝病魔,

健健康康, 開開心心地成長....

恐怖在線

一直都有聽開香港人網潘紹聰的恐怖在線,

昨日係FACEBOOK見到潘紹聰話蕭生會執左香港人網,

其實都有D DOWN DOWN地,

每日LUNCH都會聽重溫,陪住我一齊食飯,

以後無得再聽啦,

佢做嘅恐怖在線唔單止係比聽眾打去講鬼故,

而且佢會去搵好多靈異嘅知識,

同埋佢仲有開泰國團帶D聽眾去見下D師父,

總之就係超超超超好聽,唔似以前個D講鬼嘅節目

真係唔開心囉

希望佢可以係第二度繼續做啦

2013年花卉展

2013年3月18日星期一,因為感冒無返到工,10點幾落街食左野,
買左口罩睇埋醫生,返屋企食藥,係張床度碌到12點幾,

瞓唔著,執野坐車去維園...

真係估唔到平日仲多人過星期六,日,

超多老人家,仲有幼稚園

日語課程 4

2013年3月14日,第四堂,

開堂時都係一齊背下50音,又係比10-20分鐘我地背かたかな,
又同我地讀下生字,到8點就叫我地讀學號出黎點名,
我自講時又好地地,但到同阿SIR講出聲又口震震,

日語課程 3

2013年3月12日~第三堂

人情

我公司係同一層樓有兩個單位,

我坐個單位係由3個單位(JKL)合成得一個門口,

係坐做電,消防野嘅人,

另外個單位(A)係坐會計,同建築...

日語課程 2

昨日短週唔洗返工係屋企上網,尋求下點樣記50音寫法,

因為我識順住背,但分開大我就咩都唔識

係網上有人講,好似寫係張紙牌度,之後抽出黎讀,

咁又真係一個好方法,好有用,

我要努力

日語課程 1

2013年3月7日星期四,係我第二堂的日語課


阿Sir同我地覆習完50音,之後兩個兩個背出黎,順便點埋名,

唉!!係屋企嘅時候真係記得晒架,但到背比阿Sir聽個時真係心跳加速,咩都唔記得啦,
佢仲教埋數字,仲叫我地5個一組用UNO玩冚綿胎,以家我都記得點讀啦,

下星期二要默50個平假名啦,以家背到25個,不過要順住咁背,但分開的話就要諗一陣,

放低書包咁耐真係有點兒吃力,同埋返到屋企又無人幫我背,

Pong叫我張D音寫好多次,之後再背喎,
如果背唔到之後都好難再讀上去,

因為之後教嘅書本都無英文拼音出現架

日語課程

身體健康

初七老豆生日,我地係YAHOO團購買左挪亞方洲酒店BUFFET,
$2XX一個,但一D都唔抵,貨不對辦,又多人,下次真係唔會買

初十六阿媽生日,所以星期五提早食飯,
係PPG買左個生日蛋糕,
買左雲尼拿味,幾好味,但表面個層麻麻地

蛇年2013

首先要同大家拜下年先,

祝大家身體健康!!越賺越多!!!日日都開心快樂!!
2013年的年初一,我同Pong都好勤力去做GYM,
本來我好傳統架,初一唔會沖涼,但Pong又要去做運動,所以咪跟住去囉

2012/11/26 雲南遊 Day 4 I

5點要起身梳洗啦,天未光就要上車去香格里拉啦,全個行程最期待之一

姓林的

原來有好多人無寫BLOG啦,因為掛住玩"CANDY"呀
上星期26號姨甥女係荷蘭生左BB 4個月帶埋返黎,
所以堂家姐就請我地食一餐,開左3圍,都係我D同姓親戚,

10年前的快樂

昨日偷懶無返工,係屋企執野,之前晒落嘅相入返相簿

睇返10年前係寵物店影嘅相,我覺得同狗相處好過好同人

回顧2012

見咁多人回顧我又回顧下先

其實我個回顧真係無咩特別,而且又無咩記性,過左就真係唔記得啦

2012最後一天

2012年12月31日,係公司樓下間魚生鋪買野,6點鐘放工無得放早,

放左工即刻坐車去九龍灣,Pong係淘大等我,又係去朋友仔屋企,

有好多野食呀,可惜手震震全部都唔掂