2007年6月30日 星期六
2007年6月29日 星期五
2007年6月27日 星期三
2007年6月26日 星期二
敵人
昨晚做完gym返到屋企執埋臭衫都差不多12點,去埋廁所就可以瞓覺,當我準備沖廁時望去後面比我見到隻超大嘅曱甴,我就立即開熱水爐,之後我就企係到望住佢,敵不動我不動,佢突然行入去d日用品中間,所以我就拿起衣架用我嘅玉女劍法整返佢出黎,整左一陣佢跌左係拖地個桶到,之後佢弟弟幫我開燒水整死佢,隔一陣佢就張d水沖落廁所....ByeBye....以後唔好見,我就可以安心瞓覺啦。
2007年6月25日 星期一
2007年6月24日 星期日
健身 17
昨日下午放工返到屋企2點幾,到5點鐘執野去做gym,去到旺角剛好Pong放工,我左買撈撈撈食,食完去換衫啦。
今日我好犀利無同教練講價好快咁做完啦,到最尾佢又幫我拉根,佢話我都幾軟下,仲問我可唔可以張隻腳勾係個頭度,我話差少少,跟住教練話佢可以之後我就叫佢試下,佢真係得喎,幾勁呀。
我上完堂就到Pong啦,我就去樓下燒下卡路里。跑到9點Pong上完堂黎搵我之後就去。
2007年6月22日 星期五
超低能
今朝個鬧鐘響左三、四次我都按熄佢再瞓,結果成8點先起身,之後擦牙洗面帶Con,帶左上去死啦咁鬼模糊嘅,之後再除出黎洗洗佢,結果都係一樣〈死啦係咪我隻眼有問題呢??〉,所以我開左第二對新嘅又無事喎,我細心留意下第一對,原來係兩隻"痴"埋左一齊呀,諗諗下我昨晚唔記得取Con瞓覺呀,唔怪得知睇唔清楚野啦帶住一對又帶多對上去。
真係恐怖呀.....
2007年6月21日 星期四
2007年6月20日 星期三
隔隔隔夜飯
今朝起身好鬼攰,咩都唔想講,搞掂晒野就出門口,去到大圍買左個面包返公司食,之後就一路做到1點鐘,我本來星期一諗左帶飯,點知無返工,個飯盒就留到今日先食,係屋企我又唔想叮返黎食,又唔想掉左佢,所以咪隔左咁多日囉,好彩仲食得啫。
2007年6月18日 星期一
2007年6月17日 星期日
2007年6月16日 星期六
健身 16
6點幾去到旺角食左個"撈撈撈",約左教練7點,今日佢叫我做25下呀,但做3set,不過做到十幾下我就腳軟啦,不過我都捱埋佢,教練都話good呀。8點鐘佢無學生,所以同我拉下筋,拉嘅時候好鬼痛,拉完又好舒服。做完之後去左,跑到15分幾Pong同教練黎搵我,因為Pong要買奶粉同藥喎,係增加肌肉我唔食得。8點45分排隊入房玩Body combat啦,玩完沖完涼都10點半啦,返到屋企食埋飯執埋野12點就啦。
2007年6月15日 星期五
2007年6月14日 星期四
2007年6月13日 星期三
2007年6月12日 星期二
完來真係好攰架
由上上上個禮拜開始除左星期三之外,玩足六日,一至二、四都玩Body combat,五上完教練又玩Body combat,六雖然無得玩但我要陪Pong因為佢要上堂,日就係我最喜歡嘅教練教梗係要上啦,所以明天星期三真係放工早d返屋企休息下先。
2007年6月11日 星期一
2007年6月10日 星期日
2007年6月9日 星期六
2007年6月8日 星期五
2007年6月7日 星期四
2007年6月6日 星期三
無我份
因為Pong同另一個同事一齊升職,所以會請以前地盤嘅同事食一餐,定左係今晚。我問佢去邊樹食,又係返大陸,我話要去佢又唔比,之前又話如果同朋友返大陸食飯的話會帶埋我去,結果又係講大話......成日都淨返我一個
2007年6月5日 星期二
2007年6月4日 星期一
喜訊
話說我有兩個朋友分別係5月同6月結婚,今年收炸彈真係收到暈。昨日下午同Pong玩完Body Combat之後去左銅鑼灣行街街,跟住就接到家姐電話。
家姐:阿媽有無同你講??
我:講咩??
家姐:你做過幾多次伴娘??
我:無呀,淨係做過姊妹咋。
家姐:咁如果我搵係做伴娘你識唔識做呢??
我:好,是但囉,咁幾時??
家姐:9月13號囉
我:咁快,你以家先話我知
家姐:Book到酒樓先講嘛,咁你要開始收身啦喎,仲要請假啦。
我:收緊啦,係咪做伴娘我都要請架啦,好啦Byebye 家姐:係咁啦
收左線之後我同Pong講佢竟然話,吓!真係想炸死人咩
家姐:阿媽有無同你講??
我:講咩??
家姐:你做過幾多次伴娘??
我:無呀,淨係做過姊妹咋。
家姐:咁如果我搵係做伴娘你識唔識做呢??
我:好,是但囉,咁幾時??
家姐:9月13號囉
我:咁快,你以家先話我知
家姐:Book到酒樓先講嘛,咁你要開始收身啦喎,仲要請假啦。
我:收緊啦,係咪做伴娘我都要請架啦,好啦Byebye 家姐:係咁啦
收左線之後我同Pong講佢竟然話,吓!真係想炸死人咩
2007年6月3日 星期日
20070602
今日短週所以唔洗返工,本來應承左Pong話煮早餐比佢食,點知佢返左工我都唔知。10點佢打比我噪醒左我,瞓唔番我就起身擦牙洗面,睇Hello, 小姐啦終於睇完啦,都幾好笑,女主角又瘦又靚女真係羨慕,1點煮左個辛辣面食,hea到4點又去瞓覺,6點幾要起身,約左Pong8點20分係中心門口等,因為佢話今日做完運動想行下街。行左一個鐘之後就去左"北海道"食迴轉壽司,真係好鬼好食啫。食完就行左去睇波鞋,佢話對波鞋爛左喎,之後就搭小巴返屋企,係樓下租左隻"幽靈車神",沖完涼就舒舒服服咁睇碟啦。
2007年6月1日 星期五
健身 14
今日Pong要上什麼安全課〈公司叫〉,所以我自己去做GYM,約左教練7點鐘,放工就即刻搭火車仲趕得切食$10四包添,由火車站行去兆萬都流晒汗。
訂閱:
文章 (Atom)