2012年12月31日 星期一

2012的聖誕

人大了過什麼節日都想簡簡單單,最好是約埋三五知己打下麻雀,吹下水,食下野,唔洗係街同人迫

2012年12月27日 星期四

吸血新世紀

2012年12月22日星期六

我放1點Pong黎接我同我食野,我地揀左小儀介紹大圍其中一間的拉麵"
博多拉麵龍亭 Hakata Ramen Ryutei",

2012年12月23日 星期日

2012/11/25 雲南遊 Day 3 II

去完嚴家大宅後就去洱海湖,睇D漁鷹點樣捕魚,尼個都係要自費的,不過唔記得幾錢啦
好藍嘅湖呀

2012年12月21日 星期五

公司爬地

今日公司搞爬地,一個月前開始籌備

係公司樓下買刺身,平過係出面買,又新鮮

2012年12月17日 星期一

剪髮

昨日做完運動入元朗剪頭髮,真係多人到爆
染髮中

2012年12月13日 星期四

2012/11/25 雲南遊 Day 3 I

又係一早6點幾Morning Call,7點幾食完早餐返上房都唔係好光"亞星酒店"

2012年12月10日 星期一

壓力

以前係尼度返工真係無咩壓力,

自從9月我身邊同我一齊做野嘅大佬走晒之後,

換左3個新同事之後,

開始成日擔心D工作會點,怕做唔切,怕做錯,

昨晚我終於發夢啦,

夢見我星期六幫同事做嘅野交比人個份錯晒,

但自己KEEP RECORD個份無錯,

之後同事係夢裡話佢比人地鬧左好耐,

要佢快D搞返掂佢

唉!!

2012年12月5日 星期三

2012/11/24 雲南遊 Day 2

2012年11月24日,一早6點幾就MORNING CALL,起身執野食早餐
酒店外嘅風景,天都未亮
新亞尼斯酒店

2012年12月3日 星期一

2012/11/23 雲南遊 Day 1

2012年11月23日跟關鍵團出發昆明,5點起飛,全部乘客要等6位乘客登機,等左10幾分鐘,真係過份
每次去旅行都係坐機翼嘅

2012年12月1日 星期六

返來 - 雲南

去左8日雲南終於都返黎啦,雲南天氣真係好乾,

每朝起身都乾到有鼻血,紫外線又勁高,可能海拔高嘅關係,太近太陽,

不過天氣好好,空氣好好,每日嘅天氣都係夏秋冬咁,

但如果要我再去多次,我一定會再去的

返到黎屋企忙住執衫洗衫,係勁忙呀,

好彩星期六唔洗返咋,

旅行分享過多兩日先寫~

2012年11月23日 星期五

出發 - 雲南

8日嘅假期開始啦,今朝8點起身食早餐,一陣2點係機場集合

琴晚執野執行2點幾,以家真係有少少眼瞓,好彩問左姐姐借篋,如果唔係一定唔夠用

8日後見!

2012年11月21日 星期三

2011/11/13 黃山遊~完

尼個黃山遊終於都寫到最後一日啦,尼日真係無去d咩地方,都係帶我地去飲茶,買茶葉

2012年11月20日 星期二

又咳

星期五要去旅行啦,上個星期五食完KFC之後就開始咳啦,而且仲生左3粒飛滋添呀,由早晚各用一粒鹽那那佢,真係又痛又痺,好慘呀

希望快D好返啦~

2012年11月15日 星期四

女人事

岩岩係醫生拎左d延遲經期嘅藥,因為黎親都好似想殺死咁,痛得犀利,

去玉龍山個日岩岩黎,所以都係買d藥食好d,

免得有好嘅風景但無心情影相咋

今日個相機終於都出院,

返黎我身邊啦,

好似放下心頭大石咁~

出左院返到屋企梗係要同我吹下水先啦

"你"要身體健康啦!!

2012年11月14日 星期三

高山症

23號要出發去雲南啦,會去玉龍雪山,唔知旅行團會帶我地去到幾高呢,真係想去高D呀,

唔知洗唔洗買紅景天黎預防下呢,唉!!!個茶會又未開,真係心急死人啦

我個人比較心急,最緊要快快快~

而且我都幾期待尼個旅程

岩岩CANON打左電話比我啦,終於整好明天送貨啦~

2012年11月12日 星期一

2011/11/12 黃山遊 Day 4

尼個黃山遊已經係上年嘅事啦,原來仲有兩日嘅相都未出,黃山實在太靚,所以過左咁耐都想Post返出黎

2012年11月9日 星期五

等食飯

上個篇講過Pong弟弟事件,講開有條引

佢弟弟已經同佢女朋友買左樓,我地住9座,佢地住3座,

每晚就係返屋企食飯,仲要比埋佢條女帶飯,

2012年11月5日 星期一

買米

星期六我短週全日都係屋企HEA,4點幾Pong弟弟返黎,佢同佢阿媽講,我返黎偷米,佢話佢之前買包米比蟲蛀左

我係房聽到火都黎埋,30幾歲人請朋友返自己屋企食飯,要返阿媽屋企拎米,點解唔係超市買包細米,食唔晒咪拎返比阿媽囉,

平時佢每日返黎食飯,又要比埋佢條女帶飯,家用又唔比

最衰我唔可以出聲,如果唔係我一定鬧爆佢



2012年11月3日 星期六

草蜢大戰軟硬

11月2日去睇草蜢大戰軟硬,好彩無聽Pong講9點先入場咋,如果唔係錯過左好多野,我地已經錯過左派boom啦

2012年10月31日 星期三

Canon維修

昨日早走左15分鐘去尖咀i square 20/F Canon維修中心送部相機入醫院,

去到攞左維修票已經叫我個NO.啦,真係好快,

坐低望下我部相,問下我壞咩,整好後返去拎定係送貨比我,

我揀左速遞,交低$300 Check相費,

見我有豐澤個3年保障,佢就話即係你要報價單啦,

寫低埋個E貓就搞掂半個鐘都唔洗,

再走去隔離度睇下D鏡頭,

跟住就閃返屋企啦

2012年10月29日 星期一

心痛

上個星期四25號上攝影堂時部相機都出ERR20,但係都係出過一兩次,

星期六心血來潮想去影相,放工去左南蓮園池影相,

影第一張已經出現ERR20,再影都係出現尼個字,重覆左好多次都影唔到,

2012年10月26日 星期五

化妝舞會

頭先係姐姐FACEBOOK見到所以放上黎比你地睇下,唔知係唔係幼稚園化妝舞會呢,真係笑死我呀

2012年10月21日 星期日

攝影課程 I

11號個日本來係第一堂攝影課,可惜發燒返唔到,上個星期四18號要返學,可能太耐無返學,真係有少少緊張

雖然阿SIR有D講嘅野我以家都運用緊,但有D佢唔講我真係唔知,不過我都無後悔上尼個課程,下次再報讀下D風景人像先得

2012年10月18日 星期四

上個禮拜開始咳到以家,真係肺都甩出黎啦,以前真係好少咳,最多都係傷風感冒,今次真係怪怪地竟然咳

昨日都係帶返個口罩返工,費事散播病毒,以家D病毒真係好勁,我通常都係食完一次成藥過幾日就會好返,但今次都唔得,星期六仲要BBQ架...

2012年10月12日 星期五

努力過頭

去台灣前我好努力做運動,差唔多每個禮拜都做四至五次,去完旅行梗係又懶返啦,兩個禮拜做一次

但當我想勤力做運動時,我又會開始病,次次都係咁

星期三晚下午覺得喉嚨乾乾地,仲有幾聲咳,放工去做運動,combat+balance,返到屋企
喉嚨勁痛,周身又酸

結果瞓醒一覺就發燒添,係屋企瞓左全日,搞到第一堂嘅攝影班都無上添...

今日下晝又好似開始熱熱地咁,明天仲係長週要返工架,唔好玩野啦

2012年10月2日 星期二

2012的生日

今日係2012年10月2日係我生日,今朝睇到FACEBOOK寫住今日係我生日,但我都無咩特別開心咁,可能人大左覺得生日無咩特別,只係想身邊嘅人身體健康就足夠

2012年9月28日 星期五

退休

對我黎講係大佬嘅同事今日退休啦,因為平時係公司有咩唔識唔明&困難我都係搵佢的,佢都會幫我解答,其實有佢我真係一點壓力都無,而且佢對每一個同事都好好,所以同佢做野係好好好好開心...

真係好唔捨得佢,頭先會計小姐買左個蛋糕送比佢,我地幾個女仔同佢影相切蛋糕...哈~我實在太眼淺啦,第一個喊左出黎...

佢走左之後我真係要加倍努力,因為無人再比我依賴啦...

不過我都祝佢榮休快樂!!身體健康!!永遠開開心心!!!

2012年9月18日 星期二

午夜凶鈴

尼排發生左件好恐怖嘅事係Pong身上,間接係我身上,每日過左12點就會有不明來歷嘅電話比黎,有時有NO.,有時係無來電顯示,之前頭幾次都有接聽,全部人都話你搵我,但我地唔識佢,仲話我地打過好多次電話比佢地,問佢地電話NO.,全部人都係講68055624,當我試打尼個NO.時係唔通的,已唔係飛去我男朋友個電話度

2012年9月14日 星期五

龍鼓灘

星期三偷懶左一日,唔知醒返工,同事9點幾WHATSAPP我先起身,所以叫佢幫我請埋假,係屋企HEA足全日,4點幾的起心肝換衫拎相機去影相,好彩仲有兩格電...

2012年9月11日 星期二

攝影課程

買左單反都好耐啦,都有3年,成日都話想報讀攝影班,今日終於都報左啦,不過係基礎1-3,我睇過基礎1嘅簡介,應該有D悶的,不過我見佢會教清潔所以比左錢~haha

2012年9月10日 星期一

討厭

星期六我公司係放長短週,短週係全日唔洗返,我有個女同事"H"好鬼煩,我同佢唔同一個週,我長時佢短咁,當我放假時佢就會坐我個位用我個電腦,如果係做公事我無所謂,但佢唔係,佢係用黎上FACEBOOK,開網頁時有個紀錄可以睇返上過咩網,兩個星期前的星期一我返到公司睇返紀錄係FACEBOOK,今朝返黎睇D紀錄比人DELETE晒

點解佢咁鐘意坐我個位,係因為佢有得同人吹水

真係好唔鐘意呀

2012年9月4日 星期二

遲來的生日禮物

Pong波友朋友開玩具店,所以朋友價買到尼兩樣野送比晉晉做生日禮物

2012年8月29日 星期三

4歲生日

話咁快晉晉今年4歲生日啦,真係眨下眼咁,有時覺得佢仲好似手抱BB咁

昨日返左青衣同預祝生日

2012年8月28日 星期二

惰性

我發覺我越黎越懶,好多野唔到最後一刻都唔去做,之前應承過媽媽拎部NDS比晉晉玩,等佢飲茶時唔洗行黎行去,同個茶客小朋友爭IPAD玩,今晚要返屋企食飯,昨晚先拎出黎睇下,點知個記憶咭壞左,買得到但都幫唔到佢入GAMES,過幾日快D搞掂先

好想寫台中,但D相係屋企,返到屋企又唔想上網...

2012年8月24日 星期五

激氣事

今次去台灣有時6個人,有時8個人,我同Pong,Pong朋友"U","K",最唔鐘意嘅兩公婆"G女"同"L男",6日5夜嘅行程,除左去清境個日,"G"女個兩個朋友都去過清境喎,其餘時間都係8個人

其實初初一直都話得我地6個人,跟住去之前一個月又話加埋佢兩個朋友,又話夾包車又抵左D,其實一早預左佢朋友,不過無同我地講啫

同尼兩公婆以前一大班一齊食飯都覺得無咩事普普通通咁

一去到問佢夾唔夾D公數出黎大圍食野入場個D,咁到時一個人買晒,咁佢兩公婆話唔洗,我地通常都係食夜市架啦,好少一齊食喎,咁我地4個自己夾啦,Pong好鐘意到夜晚係7仔買D薯片啤酒返酒店吹水飲嘅,係清境個日6個人住又係咁做啦,"G""L"自己買自己的,買到返去"L"又咪飲我地個D啤酒,食我地D薯片,Pong都話OK最緊要開心

2012年8月18日 星期六

旅伴

星期四係台灣返黎香港,好彩都係delay左15分鐘啫,不過尼個旅程真係唔多開心,簡直一肚氣囉

以家仲整緊相,所以要遲d先再講,真係好長編架

同埋搵旅伴真係好緊要架

2012年8月10日 星期五

6日5夜台中之旅

明天就要出發去台中啦12點幾機坐香港航空,聽好多人講佢呢個航空成日DELAY嘅,希望明天順順利利啦,DE 15-20分鐘都可以接受嘅,千其唔好阻住我去HAPPYHAPPY呀

2012年8月7日 星期二

執垃圾

Pong爸以家係間回收公司度做,係Pong嘅堂哥請的,因為見佢爸爸無野做所以叫佢爸爸返工有D細藝...

不過佢以家好鐘意執D人地掉出去野返屋企,又話係新的未用過,日日都執,咩都執,昨日仲執左兩個鬧鐘,前幾日執左兩個大頭狗杯,上個禮拜執左枝金色筆,入電芯嘅吸塵器,膠紙座,CD套,真係救命呀

已經同佢講過好多次都無用,越黎越想搬出去住呀~

2012年8月2日 星期四

妖~

前幾日又比判頭個潑婦激鬼死,仲叫個妹妹仔打黎同我講,又話咁又話咁,佢真係好q黑人憎囉,以家係你公司出糧比我架,要跟你公司個黎做野,出黎做野唔係樣樣都方便你囉~真係激到我爆,d助語詞即刻飛晒出黎

2012年7月23日 星期一

12年第一個船河

7月22號係一號風球下去西貢遊船河,搞手要我地每兩做一件食物,我同Pong做XO醬炒銀針粉,不過無影相,而且係伯母炒的,我幫手切下野同洗下野

2012年7月19日 星期四

錯左

係公司做錯野,承認錯誤

公司同事體諒,搞到我梗加唔好意思~

下次真係要小心D睇清楚

唉~

2012年7月12日 星期四

皮膚差

唔知點解過左25歲之後皮膚越黎越差,搬左黎屯門之前仲差,但屯門空氣好過觀塘,都唔知點解

中、西醫都唔得,成日生埋D石頭瘡,都唔知咩原因,黎M時仲會爆得仲勁,搞到以家有少少凹凸洞,真係激死人,都唔知幾時先好返

2012年7月7日 星期六

打籃球

Pong 3個月前開始同朋友打籃球,以家仲請左教練教打波,每個禮拜都會訓練一日,星期日又去籃球場打,每個月仲有兩次比賽打,打WIN左唔知有咩獎品

不過7月1號打一場已經,輸左5分

佢以家打籃球所以搞到我都少左行山,少左游水...

不過打籃球做下運動都係好嘅

2012年7月4日 星期三

努力運動

尼幾個禮拜好努力做GYM,差唔多日日放工都去做,但身形都唔多覺瘦左嘅,點解先可以去返1年前咁有105磅呀

以家肥左連買衫都唔想去買,靚都唔想扮~

2012年6月27日 星期三

海鮮餐

上個星期六23號,去左Pong朋友屋企食海鮮餐,同生蠔
上網order貨到比錢,真係幾方便,不過我揀遲左一個時段,如果揀早一個應該可以準備得好好的

2012年6月20日 星期三

荒謬

上個禮拜Pong去打籃球,佢弟弟返左黎食飯,10點幾佢弟弟食飽走人,同佢媽媽講左一句,『你早D瞓啦,阿哥大個識自己整啦。』

2012年6月8日 星期五

酒店

前幾日已經買左機票去旅行去台中,尼個旅程你Pong朋友Plan行程的,其實行程都無咩所謂...

2012年6月3日 星期日

8月之旅

之前講過8月會同Pong朋友去旅行,佢個煩朋友已經OK啦,可以去6日,但又另一個問題令到我唔想去

2012年5月31日 星期四

麻雀友旅行

係3月個時阿媽已經報左名5月20佢D麻雀友搞嘅旅行,係香港公司遊一個鐘,之後係維景酒店食BUFFET,其實都唔係咁想去,不過陪阿媽無計啦

2012年5月29日 星期二

朋友

Pong朋友話8月去台中玩5日,自駕遊,一對夫婦,我同Pong,同兩個女仔,我地5個人已經確實話去嘅,U朋友就遲遲都唔覆,成日都話考慮中

真係唔明,去就去,唔去就唔去,有咩好考慮呢??我個人比較心急,確實左嘅野就要快快搞掂佢,唔好阻住個進度,如果我有尼D朋友一定激死我

2012年5月21日 星期一

有問題

我公司D ENG.走完一個又一個,無論係度做左6-7年又好,1年又好都遞辭職信,係咪證明公司本身有問題呢??定係出面真係好好景呢...

2012年5月12日 星期六

母親節

昨日返青衣食飯慶祝母親節,晉晉又肥仔左啦,講野越黎越似個男人,又多動作又多表情~真係笑死人

有左晉晉之後真係帶比我地一家的歡樂,尼幾年真係多左一家人食飯傾計

最開心係個晚係青衣瞓呀,真係好耐無試過啦,第二朝Pong要返工,我就陪阿爸媽去飲茶,1點幾Pong放工黎接我

母親節祝媽媽身體健康!!!

祝各位母
親身體健康!!日日都咁開心快樂!!!

2012年5月5日 星期六

星期四去醫院探一位舊同事胰臟癌第四期,見佢都好似無左意識咁,好辛苦咁呼吸,不過有人叫佢時好似有少少反應,在昨晚10幾點已經走左

2012年5月1日 星期二

又一個月啦,時間真係過得好快呀,昨日請左一天假,所以連續放了4天,去左清水灣游水,落左一次水之後就無落過啦,實在太多凍,坐左3個幾鐘,睇人玩,而且仲好大風無咩太陽,3點幾就沖身走人啦

無游過水,但好攰好攰

2012年4月19日 星期四

忙??

公司有個少少的變動,煩小姐要幫消防部打野,原來佢做開倉嘅送貨單要我黎接手,煩小姐成日都話自己好忙好多野做,成枱都係野,但轉個頭又唔知佢搞咩

2012年4月6日 星期五

城門水塘

3月25號星期日,同姐姐一家三口加我同Pong,去左城門水塘郊遊

2012年4月2日 星期一

新電腦

我公司部電腦直至上個禮拜六都係用緊WINDOW2000,星期六短週已經幫我換左WINDOW 7啦,今次有得換電腦都係多得經理臨走前同GM講,有好多人E野過黎我地都開唔到,其實之前都講過,不過GM唔理,可能佢想臨走前比返D好野我地用下啦...HAHA

2012年3月28日 星期三

從未如此痛過

昨晚剛剛黎M,零晨2點幾痛醒左,其間又痾又嘔,仲勁痛,生BB有十級痛,我覺得我昨晚的痛是8級,之前公司屋企各一包藥,但唔記得左屋企個包食晒,零晨5點幾忍唔住叫Pong落OK買藥比我,佢二十級唔願意之下幫我買左,食完藥過左半個鐘終於痛少左,瞓到7點又要起身返工

2012年3月25日 星期日

2012花卉展

22號個日陪完阿媽3點幾坐車去銅鑼灣花展,好彩d花都未謝得晒,都算ok

2012年3月22日 星期四

穩定

今朝8點幾同媽食完早餐就坐小巴去瑪嘉烈,等左一個鐘就到我地,醫生話轉左隻新荷爾蒙藥對個病情穩定左,無大到亦無增加,反而頸位個粒細到已經摸唔到

2012年3月19日 星期一

心理壓力

月頭阿媽又再去私家照野,22號姐姐叫我陪阿媽睇報告,咁梗係OK啦,其實我唔係唔想陪,不過真係好大壓力,自己又好驚唔知會有D咩消息

頭先聽恐怖在線,有個嘉賓佢媽媽又係咩,成日做化療,身體好差,之後有人介紹佢地泰國嘅金佛寺拜
拜,係專求健康,唔知係咁岩定係點,醫生同佢轉左新一隻化療藥都有少少好轉,直至以家都拜左4年

雖然唔可以依賴宗教,但當西醫又無什麼大進展時,真係想心靈上有少少寄託

2012年3月14日 星期三

去舊

之前講過有一個GM,兩個M會走,

星期六一位男同事辭職,昨天一位男同事辭職,

今天一位女同事問我拎白信封,

我順口問一句,你又辭職呀,

佢叫我唔好講住,明天比信

真係去舊迎新,黎個大轉變啦

2012年3月10日 星期六

睇錯

一年一度的花卉展係今個月16號開幕啦,上兩年我都有去,今年亦都唔例外啦,不過~~~~~哈......

我記錯左日子呀,以為係今日,岩岩睇月曆先發覺喎,我仲拎左相機返工,1點放工就走出去銅鑼灣添

死啦!!人越大記性真係越差~

2012年3月2日 星期五

西藏

去完黃山之後唔知點解好想去西藏,可能以家仲後生無心臟病,無血壓高應該容易應付,而且上次去黃山個導遊講過(唔知佢係咪吹牛),每次有天葬時係酒店會有通告,$600一個人,而且遊客係企到老遠咁嘅,不過我都好想見識下,同埋西藏d風景又係好靚架

希望10月可以去到啦

2012年2月27日 星期一

努力運動

可能我真係肌肉黎啦,照鏡就覺得自己又無肥到,但就磅數重得驚人,而且我覺得係屋企照鏡同係california照又好唔同,係屋企照係肥d架,唔通加洲個塊係哈哈鏡

2012年2月25日 星期六

越減越肥

之前講過已經肥左好幾磅,幾個月我都好勤力去做gym,打boxing,踩單車,做少少重量器械,前幾日上磅,嘩!!!簡直係晴天霹靂呀,仲重左幾磅嘅,點解會越做越肥架,有時返工都行樓梯上樓,食野方面又無減,因為我驚我節食會失敗,之後仲會更加肥,但又無加都係差唔多個d野,真係好唔明,真係好驚數字好似東華籌款咁,節節上升

2012年2月22日 星期三

改朝換代

上個月GM同我講,話佢其實係12月時已經辭左職,不過老闆留佢,叫佢幫到今年6月,因為佢走另外兩個M都走啦,岩岩GM又同我講,佢走左之後兩個月到有個ENGINEER又會跟住走,即係我跟開嘅部門會走淨我,聽到真係有少少心酸,搞到我都想走,可惜學歷又唔夠人好~

2012年2月19日 星期日

鳳凰徑1-2段

2012年2月14日
今年的情人節真係好特別,請假去行山,一早6點幾起身去中環坐船去梅窩,落船有雨都幾大的,係麥當奴食個早餐,大約9點鐘開始行,落左一陣雨都停左啦,不過一直都好大霧

2012年2月16日 星期四

媽媽生日

正月十六係媽媽生日,但我地提早2月4日同媽媽慶祝,係 CITYWALK 嘅翠園食飯,第一次係尼間酒樓食,食物質數幾好,D侍應服務態度都好好

2012年2月10日 星期五

探B

上個禮拜六同幾個小學同學係青衣城飲茶,之後去同學仔屋企探佢的小公主,已經兩個幾月啦,咁細個真係唔夠膽抱呀~HAHA

2012年2月7日 星期二

想減肥

尼半年裡面肥左15磅呀,我都已經有做GYM啦,但都好似唔識瘦咁

唔知係咪聖誕個時飲酒飲得太勁啦呢,一個禮拜都會飲2-3枝紅酒,有時又白酒,係尼個月先無飲咋

真係好驚一路肥落去呀

2012年2月4日 星期六

人日

人日人人都生日,不過爸爸真係人日生日,每年都會係酒樓開兩圍叫親戚的,但今日平平淡淡咁,一家人食餐飯囉
以家晉晉開始鐘意超人啦

2012年1月25日 星期三

赤口

今日係初3赤口,無野好做11點幾起身,食左蘿蔔糕,睇左一陣電視再睡,睡到3點幾換衫去灣仔,Pong返公司拎野,之後去megabox的荷花買野,之後去聯合探Pong朋友,今朝7點幾生左個囡順產,其實今日出世的都是兔女郎,因為仲未立春嘛

2012年1月22日 星期日

龍年

仲有唔夠一個鐘就到龍年啦~係新一年祝大家事事順利!身邊健康!開心快樂!

尼幾日都會凍架,記得保暖,有個開心快樂長假期啦。

2012年1月18日 星期三

恐懼感

媽媽病到以家已經半年啦,之前切左左胸,上個月發現右胸都有,20號又要去見醫生啦

以家見到電話來電係姐姐或者媽媽個心都會跳得特別快,好驚會有唔好嘅消息,有時真係想逃避唔想面對

2012年1月5日 星期四

舞臨盛宴

發覺尼排懶左好多,有好多BLOG都未寫~哈

本來係電腦城市售票網買左兩張票,位置就係死角位,一d都唔靚~

2012年1月3日 星期二

2012

今日係2012年1月3日,新一年第一天返工,十分眼瞓,真係想放多幾日呀...

祝大家事事順利!!!!