昨晚剛剛黎M,零晨2點幾痛醒左,其間又痾又嘔,仲勁痛,生BB有十級痛,我覺得我昨晚的痛是8級,之前公司屋企各一包藥,但唔記得左屋企個包食晒,零晨5點幾忍唔住叫Pong落OK買藥比我,佢二十級唔願意之下幫我買左,食完藥過左半個鐘終於痛少左,瞓到7點又要起身返工
頭先老豆打黎叫我下晝請假陪阿媽去第二間醫院覆診,阿煩同事知道我請下晝又追問我...唉!!!放過我吧!!!
遲D公司坐位有少少調動,阿煩同事可能同我地坐得好近,有兩個同事無端端同我講,唔係好想阿煩坐過黎,因為佢真係好煩,成日留意人地做D咩跟住就係咁問,有時都有唔想講嘅時候,答得太過串又唔想,唉!!!放過我吧!!
你都未生過BB又知自己是8 級哈哈!女人之痛呀!男人唔駛痛,上帝真偏心.
回覆刪除[版主回覆03/29/2012 12:11:31]哈~我估囉...係呀!!我都覺偏心
辛苦死了，我感受唔到，但聽到覺得辛苦死，你有呢種同事，有排煩了！
回覆刪除[版主回覆03/29/2012 12:12:41]男人感受唔到所以覺得唔係一回事, 係呀, 都係少講野為妙
妳有冇睇中醫調理呀? m痛真係幾辛苦 , 除左食藥敷下暖包 , 長期依靠藥物都唔係辦法
回覆刪除[版主回覆03/29/2012 16:48:37]無睇啦, 因為太貴, 想留返D錢比阿媽用, 我都覺得太依賴啦, 有少少痛都頂唔順
有無照過ULTRA SOUND呀..?我之前都試過，一照就發現有點問題，不如用幾百蚊買個安心~
回覆刪除[版主回覆06/12/2012 10:32:30]就唔洗做手術個d
[熊貓太太回覆04/12/2012 22:22:00]之後照到有D肌瘤要留意飲食，就無痛喇~你都去CHECK下喇~
[版主回覆03/30/2012 12:33:04]無照過呀, 咁之後點呀??以家仲有無痛呀??
我仲有唔夠一百日就要感受呢個十級痛楚, 諗起都驚@.@
回覆刪除[版主回覆03/30/2012 12:33:52]哈~放鬆d, 不過有人話生bb唔係太痛, 真係每個人都唔同
之前我係深圳藥房買咗"田七經痛膠囊", 都ok 喎
回覆刪除[版主回覆04/02/2012 16:01:48]係邊間藥房買??有時大陸野信唔過
有朋友每次m 到都好痛, 結果有朱古力瘤, 割左之後就無痛喇; 你快d 去搵醫生check 下啦.
回覆刪除[版主回覆04/03/2012 15:58:18]朱古力瘤, 個名咁得意嘅
做女人真辛苦
回覆刪除[版主回覆04/20/2012 14:04:38]係呀, 每個月都辛苦一次