2007年4月30日 星期一

20070429

12點鐘起身,已經唔見左Pong佢又咁早返左工,之後擦牙洗面開電腦睇白色巨塔,因為我D/L左三十幾集haha.....

1點幾煮左個三分鐘食得嘅通心粉,一路食一路睇。睇多幾集覺得悶悶地所以轉左睇Hello, 小姐,大約四點幾就瞓晝覺,一瞓就瞓到七點,伯母煮緊飯,唔知點解好鬼肚餓,我諗住明天帶飯,但好似又無咩餸所以都係算啦。

食完飯睇一擲千金真係覺得那個人有D傻,不過都係整定嘅。10點Pong做完Gym返黎啦,做完Gym又食咁鬼多野。

2007年4月29日 星期日

健身 8

星期六我放下晝所以約教練6點鐘,其實每次上堂都無咩特別,因為每次都係玩那幾種器械,不過就成日都加重比我。最尾玩卷腹玩左幾下我就唔得,佢話我點解條腰咁鬼直,用左好多腰力,跟住佢教坐係度試下用個頭掂個膝頭,不過要條腰係曲嘅,我做左幾次都係直,跟住佢問我知唔知點解我話唔知,佢話你可能有左................癡線。

2007年4月28日 星期六

20070427

下午同Pong去左沙田市中心食Lunch,諗住食完可以去AIG度買水鞋,點知又多人排隊等位,食意大利粉,都唔錯Pong食一個餐有蒜蓉包一個辣肉腸意粉加一杯野飲,我就食一個磨菇肉醬意粉加一枝西柚汁,加埋全部$81,不過枝西油汁就貴左少少啦,因為7仔賣10蚊那處就賣15蚊呀,有機會下次都可以去食,食完都45分啦,不過我都唔甘心行去睇一睇,嘩!貴左幾十蚊喎,所以我都無買到就搭火車各自返公司啦。

2007年4月27日 星期五

終於感覺到啦

今朝起身21-27度,所以我搵左條上年買嘅淺色Carhartt長褲著,我記得前兩三個月著時感覺係大比好緊,坐低時褲頭好辛苦,不過今日著開始有少鬆,連坐低都唔覺辛苦,真係有D開心.....做左差不多一個月終於有少少少少少少少少少少少少少少少少成績啦。
我會繼續努力,今晚又去做Gym啦,我要跑45分鐘跑...............................

2007年4月26日 星期四

20070426

昨晚可能太夜瞓,所以今日遲左少少起身,落到巴士站我係條天橋望住駕80號停站,不過我前面太多人啦,我跑到去佢已經走左啦,搞到我又遲左兩個字先返到公司。

10點幾小姐比左D野我做,超級煩覆,小姐都唔係幾明都走左去問左人幾次,佢教完我之後我都問左佢好幾次先做得完,做完一樣又一樣都未停過。

新羅寶~超唔抵

今日個咭鐘一響我就即刻走人啦,因為要同佢嘅同事返大陸食韓國燒烤,你地係咪覺得好出奇呢??香港都有得食唔食要返大陸食,因為佢有同事試過話OK喎,而且間唔中我又鐘意返下大陸食飯,咁咪試下囉。

過左關去深圳嘅搭地鐵去到科學館站落車行左少少路差不多8點,原來佢有個同事已經攞定位等緊我地。坐底梗係第一時間打開個餐牌啦,望落好似好多野食咁,但其實唔係,而且仲好鬼貴,點解咁講,因為一支可以倒到一個杯嘅啤酒竟然賣16蚊人民幣喎,洗唔洗呀。

2007年4月24日 星期二

20070424

今日朝早返左地盤先,因為有D文件急住要攞返去,而且我仲可以遲少少起身添,因為返地盤只要十五至二十分鐘車程啫,咁梗係唔會放過可以瞓嘅時間啦。交低左文件之後見我張枱又咁鬼多信,所以做埋先走,一做就做到10半,公司個女仔打比我,佢話:你仲唔返來,個天好鬼黑呀。我望下個天,嘩!所以我一收線就即刻執野走啦,我去到大圍,行去火車站就好似倒水咁,未行到一半我下半身已經濕晒啦,返到公司條褲又濕真係好辛苦,好彩原本諗住今日做gym所以帶左對襪可以用黎換,如果唔係仲辛苦呀。

2007年4月23日 星期一

健身 7

今日一放工我就即刻走,係火車站等埋Pong一齊去,但去到換埋衫7點10分,今次到我遲左少少,我落到去搵阿Sir佢竟然好舒服咁坐係度傾電話等我。

2007年4月22日 星期日

晚餐

因為Pong嘅爸媽返左大陸起碼一個禮拜先返,所以我地就要食自己,不過無可能成個禮拜都出街食,所以今日就係我下廚啦。

20070422

今日11點幾起左身啦,Pong返左工我都唔知,真係好瞓啦,佢弟弟12點幾同佢女朋友出左街,我真係享受放假一個人係屋企,又無人同我爭電腦幾好呀,不過有時都會悶嘅。

20070421

今日短週所以唔洗返工,不過我9點幾就起左身啦,以Pong就去左佢Head Office度見高職位嘅人,可能升職加薪,10點幾見完打比我,話自己答得好差,因為當時驚喎,搞到一條好簡單嘅問題都答到口震震喎。

2007年4月21日 星期六

20070420

尼個禮拜我好叻,每日買埋早餐返到公司都仲係早左兩個字,希望可以維持到啦,我好似無話到比大家知我做咩職位,其實我係做Reception,日日坐係個門口睇住人行出行入

返到公司食完個早餐,見到Manager返黎就開始做野,個Manager好勤力架,每日都9點幾返到公司,1點幾出去食飯,又好準時2點鐘返黎,唔會早走,有時仲會遲走添,比起地盤個Manager就差得遠啦,其實地盤星期六係無得早走架.....但那個Manager又...唉!

2007年4月19日 星期四

健身 6

7點半去到中心啦,去之前食左10蚊4包,唔知點解一D都唔覺得好食,換完衫係廁所搞一輪,就去行15分鐘熱身,到8點我就去叫阿Sir今日佢都好準時....幾好。

2007年4月16日 星期一

健身 5

今日6點我就拿拿"林"走人啦,我約左阿Sir7點囉,去之前我係兆萬隔離買左一個冬甩食呀,好好味架。食完換埋衫都差不多7點啦,阿Sir今日好準時....幾好基本上今日玩返之前玩過嘅野,但我之前三Set以家要玩四Set....好慘呀。

20070416

今日好犀利7點45分我就起左身,因為我8點10分有一班車,如果趕得切我就唔洗遲到啦,始終都係第一日返Head Office嘛,其實我由知道尼個消息之後我就一直好緊張,因為無咩心理準備同埋怕唔習慣。

2007年4月14日 星期六

好定壞

昨日下午在公司我想飲水的時候,突然比個會計姐姐叫我,我就跟左佢入房,我見到間房好多文件,初初我仲以為佢叫我幫佢執添,點知原來叫我調上Head Office返工喎〈其實我係一個地盤嘅文員〉,佢話因為想請人所以不如叫我囉,而且我個Site仲有一、兩個月就ok,所以就有咁嘅安排,由下星期一開始〈好似快左D喎〉。

如果我係Site的話係無H.O.嘅福利,佢地嘅福利有放假放紅日〈復活節就唔洗咁慘〉,星期六長短週〈我以家星期六係返全日架〉,睇醫生有$120嘅醫療津貼,不過人工就唔會加我住,因為佢地本來想用$6XXX登報請的,但我已經過左黎個數,所以未加得我人工住。所以我要努力、努力、努力,其實算唔算係一個好開始呢。

2007年4月13日 星期五

健身 4

約左7點,所以6點就立即放工係火車站等埋Pong就飛奔過去啦,Pong因為未食野,所以係火車站附近買左兩個面包食,其實佢今日係陪我咋,因為昨日佢已經玩到得返半條人命,教練遲左十五分鐘,佢話頭先同緊個學生傾計喎,所以我踏住單車等佢

今次係Replay返上幾堂玩過嘅野,不過加重左,雖然加重左,但我無第一次玩嘅時候咁辛苦,咁係咪我嘅肌肉增加左呢?最後玩多左兩部新機,一部係練胸,一部係練Pat Pat,練胸那部係可以令到個胸部"庭"D喎,不過我點做都做唔到個正確姿勢呀。

我一路玩,隔離有個大隻佬又玩緊,不過個大隻佬一路玩一路叫,每用一次力就叫,我同教練就係咁勁笑,教練同我講,我都可以試下,咁樣係會好力D喎,不過好鬼樣衰啫。好快就過左一個鐘啦,之後又要我跑半個鐘跑啦,9點鐘就去沖涼,係旺角行到10幾點去左食牛根丸米就返屋企啦。

2007年4月12日 星期四

20070411

一到6點就準時放工,之後係火車站等Pong同佢D同事一齊去旺角做gym,未夠7點已經到啦,因為佢有個同事約左教練7點上堂,而Pong就約左8點,我就係明天。佢地今日帶左個同事來試玩,不過玩左一陣就走左啦,可能佢地今日都要上堂陪唔到佢,所以佢覺得悶大約8點半就走左啦。

2007年4月11日 星期三

沙角村打冷

昨日放工本來諗住返大陸食飯,結果因為我唔想去太遠,所以就去左沙角村打冷啦,今次係我第二次黎沙角村打冷嘅。

2007年4月10日 星期二

健身 3

4月9日上第三堂啦,唔知點解每次上堂之前都好鬼緊張架,上堂之前我會用15分鐘係部跑步機度行下路,而且我又剛剛食飽,所以行慢D。

20070409

今日係假期最後嘅一日,但對於我黎講就一樣要返工,「唉!我真係命苦啦。」Pong係五日假期裡放左頭3日,所以同我一樣今日都要返工,我地下午去左市中心食Lunch,係我最愛嘅壽司,我覺得元綠嘅野差左 無以前咁好食,Pong話D雞軟骨炸得唔靚,而且以前嘅迴轉係有好多款咁轉下轉下,但以家唔係啦,得3、4款,而且每款都係"痴"埋一齊放,搞到好似全部都係一樣咁,真係有D失望。

食完野行左一陣就搭火車各自返公司,我見Manager未返,所以睇"白色巨塔",睇到4點鐘佢先返黎,佢12點幾已經出左去啦,之後佢坐左一陣又出左去,今次6點先返,返黎又攞包包走人lu,以我就6點15分先走,因為要等埋Pong搞掂D野先走,費事係火車站等佢咁耐,之後去左旺角食左碗面就去做gym啦


做完gym 9點半啦,沖完涼係旺角行左一陣就坐車返屋企,返到屋企又食飯,好彩都隔左個幾鐘啫,如果唔係今日咪白做。

2007年4月9日 星期一

20070408

唔知點解10鐘就起左身,跟住就擦牙洗面,之後煮左個辛辣面仲飲都罐zero添,真係飽啦

貓咪

尼兩、三個禮拜搭親巴士RoadShow都有播〈唔記得係咪梁靖琪做主持啦〉係講貓貓嘅。一路影住隻手同隻貓咪沖涼、梳毛、吹毛都好鬼乖,所以令我諗起以前做寵物店時,我都有幫過貓咪沖涼,惡嘅會用個細籠困住,個花"SA"放近少少都出爪,少D心機都唔得,乖嘅會用繩索住,不過一唔留神佢地就即刻跳走,佢地幾敏捷先得架。就連吹毛、梳毛都要好輕力,要好留意佢嘅心情,佢一唔鐘意就會出爪爪人,我試過以前比隻惡貓爪過真係好痛架。

2007年4月8日 星期日

20070407

對好多人黎講今日係假期,但對我黎講今日係要返工,我真是一隻可憐豬啦,不過都無咩做得個坐字同上下網,其實成日對住個電腦真係幾辛苦架。下午2點半〈我地個食飯時間係12-01架〉Manager飲完茶返來我仲以為佢會走,因為今日無馬跑,通常無馬跑嘅日子佢食完飯返來就會攞包包走人,但今日無嘅??

2007年4月7日 星期六

哥哥

在家我排行最細,有一個哥哥一個姐姐,分別大我15同8年,所以佢地都好錫我、好遷就我,姐姐會同我行街買衫,哥哥會買早餐、煮宵夜比我食,以前七個人包括爺爺、麻麻住係一間400尺嘅屋,好開心,不過媽咪同爺爺、麻麻都唔係好岩,可能相見好同住難啦。

2007年4月6日 星期五

20070405

9點幾比Pong噪醒起身落街食早餐,救命呀!點解我成身都咁痛嘅,真係想死,連行樓梯都發軟。食完早餐就返屋企等我媽媽電話,因為今日要去將軍澳華人永遠墳場拜爺爺,11點幾終於打黎啦,我地就約係地鐵站等,今次爸爸醒用駕手拉車,因為上次得我、媽咪、爸爸同家姐,所以拎到死死下,但今日多左家姐個男朋友同Pong所以我地都唔洗點拎,去到山腳咁鬼多人嘅。

2007年4月5日 星期四

健身 2

4月4日上第二堂健身堂,我約左阿Sir八點鐘,不過佢剛剛同個客傾緊野所以遲左少少,我就一路跑一路等佢,大約八點十五分死期到啦 ,首先佢問我上次做完之後有無周身痛,HaHa...我好輕鬆咁答佢無喎,跟住佢就話即係上次未出力啦,咁今次就要加重D啦〈講錯野添〉。

2007年4月3日 星期二

20070402

下午我買左個面包諗住下午四點鐘食,因為約左教練晚七點,所以想食少少野先。到六點梗係急急腳咁走啦,打Pong原來佢已經同佢兩個健身朋友一齊行緊去火車站啦,嘩!洗唔洗咁快呀??

去到健身中心我換好衫之後就去搵人幫我叫教練出黎,因為今日下午Pong叫我打去Confirm一下個教練下邊個,所以我知佢叫咩名,我坐係度等A教練出黎,等左一陣見到佢啦,跟住A教練又叫B人出黎同我講左兩句,B人又叫返A教練喎,最終因為傳遞訊息方面出左少少問題由C教練教我,真係慘,兜左咁大個圈。

等緊C教練時候B人叫左D教練敎下我用個跑步機,佢話可以一路跑一路等唔洗浪費時間喎。跑緊嘅同時,係門口見到兩條著住交叉吊帶背心化晒妝嘅女行緊入黎係我左手邊,佢地周不時都大聲哈哈笑,大佬呀你要人留意你咪出聲囉,佢地嘅笑聲真係好煩。

其實我都唔知佢地係黎做運動定係想溝教練,洗唔洗化得咁行呀,做Show咩??教練終於都到啦,佢教我用器械時嘅姿勢、器械點用,初初覺得好難做,因為成日都要挺胸收腹,做做下開始覺得有少少唔協調,而且個教練話我太耐無用運動,其實知點做但控制唔到D肌肉去做喎,好快就過左一個鐘啦,沖完涼我就打比Pong,嘩!佢已經搞掂係樓下等緊我啦,佢話第一次都搞到手痛腳痛啦,但我一D事都無,然後我梗係篤一佢隻啦,我地經過M記.........好肚餓呀,又唔食得野住,要等一個鐘,等到一個鐘都十點幾十一點啦,點食呀,為有忍,幾辛苦都要忍,不過真係好辛苦,每次係旺角我都要食十蚊四包撈撈,但以家係旺角都唔食得,所以我決定下次做之前一定要食還左個心願先,之後再去受死,結果返到屋企我就飲都一碗湯。

2007年4月1日 星期日

20070401

今日12點就起左身啦,屋企又得返我一個,一起身就開左部電腦來聽歌上網,擦完牙煮左個出前一丁麻油味食yummy,隔左一陣Pong就打比我啦,傾左一陣,我叫佢唔好阻住我上網,過一陣我就換衫去大圍搵Pong啦。