20070409

今日係假期最後嘅一日，但對於我黎講就一樣要返工，「唉！我真係命苦啦。」Pong係五日假期裡放左頭3日，所以同我一樣今日都要返工，我地下午去左市中心食Lunch，係我最愛嘅壽司，我覺得元綠嘅野差左 無以前咁好食，Pong話D雞軟骨炸得唔靚，而且以前嘅迴轉係有好多款咁轉下轉下，但以家唔係啦，得3、4款，而且每款都係"痴"埋一齊放，搞到好似全部都係一樣咁，真係有D失望。

食完野行左一陣就搭火車各自返公司，我見Manager未返，所以睇"白色巨塔"，睇到4點鐘佢先返黎，佢12點幾已經出左去啦，之後佢坐左一陣又出左去，今次6點先返，返黎又攞包包走人lu，以我就6點15分先走，因為要等埋Pong搞掂D野先走，費事係火車站等佢咁耐，之後去左旺角食左碗面就去做gym啦。

做完gym 9點半啦，沖完涼係旺角行左一陣就坐車返屋企，返到屋企又食飯，好彩都隔左個幾鐘啫，如果唔係今日咪白做。