20070408

唔知點解10鐘就起左身，跟住就擦牙洗面，之後煮左個辛辣面仲飲都罐zero添，真係飽啦。

食完野就上網睇下其他人嘅Blog，到1點幾就換衫執袋去沙田搵Pong，去到啦等到3點幾又去食野，4點半行去搭火車去旺角做gym，我發覺無人迫我真係做幾下就唔做，咁點得架？？太約7點半就沖涼，沖完涼焗左一陣，真係舒服。

今次係我早過佢，所以我係樓下等佢，之後係旺角行左一陣，到9點就搭車啦，返到屋企就有飯食，有我最愛食嘅"冼"呀，真係唔肥都幾難，好彩仲趕得切睇寫意人生啫，睇完就睇旺角黑夜，做廣告時有個新聞預告，有一則新聞講中環有個七十幾歲嘅阿伯攞貨時比D衫塞住失救以死，佢老婆之後仲可以去開檔，跟住Pong、伯母就即刻話有無搞錯，可以當無時發生嘅？？係咪個老婆幫佢買重保險，之後謀殺佢就做到好似係佢自己唔小心呢？？〈我都係諗下啫〉