20070420

尼個禮拜我好叻，每日買埋早餐返到公司都仲係早左兩個字，希望可以維持到啦，我好似無話到比大家知我做咩職位，其實我係做Reception，日日坐係個門口睇住人行出行入。

返到公司食完個早餐，見到Manager返黎就開始做野，個Manager好勤力架，每日都9點幾返到公司，1點幾出去食飯，又好準時2點鐘返黎，唔會早走，有時仲會遲走添，比起地盤個Manager就差得遠啦，其實地盤星期六係無得早走架.....但那個Manager又...唉！

9點半到同事都開始返齊，我就要開始工作啦。我地有個行街嘅阿叔，所有文件要出街都係交比佢嘅，會計又要佢去多間銀行，又要去粉嶺攞禁區證，所以我就幫佢去粉嶺啦。

11點幾有位同事又要我幫佢打野，所以我由早上至到食飯都無停過。2點鐘食完飯就去起程去粉嶺啦，其實那處都唔係好難搵啫，去到我足足等左大半個鐘，終於到我啦，蓋埋個印簽埋個名走得啦，返到公司4點啦，返到去諗住攞埋信先上樓，點知唔記得帶鎖匙，行去信箱度睇下啦，好彩有人幫我攞左啫。

當我搞緊D信件時有位姐姐同我講，星期一ISO呀，幫我搞左尼D先啦.....................好呀，點知一搞就搞到7點，唉！不過仲未搞掂，星期一再努力過。