20070421

今日短週所以唔洗返工，不過我9點幾就起左身啦，以Pong就去左佢Head Office度見高職位嘅人，可能升職加薪，10點幾見完打比我，話自己答得好差，因為當時驚喎，搞到一條好簡單嘅問題都答到口震震喎。



我去擦牙洗面上網寫下Blog再睇下各位朋友仔嘅Blog搞下搞下12點幾啦，見兩隻龜龜咁鬼污"JO"所以用清水同佢地沖下涼，沖完涼就放下地下比佢玩，之後見肚仔有少少餓就去左海皇粥店買左碗皮蛋瘦肉粥再加一條油炸鬼返屋企食.........好味，食完野我就開左Hello, 小姐睇，睇左兩集就無得睇啦，唉！因為仲未D/L好囉，四點幾爬左上床諗住瞓下先，點知左碌右碌都瞓唔著，為由上下網睇下有咩睇啦，無聊到5點半開始執野，因為講好左今日去做GYM，搭電梯落到樓下先知我唔記得幫Pong拿鎖呀，我打比佢佢話係出面買囉，如果我再上樓攞的話一定遲到的。

出到旺角我又食左10蚊4包嘅撈撈撈，7點幾去到中心換完衫，發覺今日好似好少人咁，不過我就無咩心機玩啦，每個器械我做左幾下就放棄，最終都係踏下單車，太約8點半去沖涼焗左一陣桑拿，真係好舒服，搞掂晒野就攞齊野走人啦Pong已經係樓下等緊我啦，佢仲叫我第日我要早10分鐘去沖涼，因為佢就每次都要等我15分鐘喎。

跟住又去左睇波鞋，行左45分鐘就搭小巴返觀塘，係小巴落車那樹有間糖水鋪上過報紙，所以Pong就去試下喎，我想叫雪菜肉絲米，結果我食左少少紫米粥同幾條炸尤魚..................返到屋企就拎衫出來洗。