20070411

一到6點就準時放工，之後係火車站等Pong同佢D同事一齊去旺角做gym，未夠7點已經到啦，因為佢有個同事約左教練7點上堂，而Pong就約左8點，我就係明天。佢地今日帶左個同事來試玩，不過玩左一陣就走左啦，可能佢地今日都要上堂陪唔到佢，所以佢覺得悶大約8點半就走左啦。

今日唔知做咩我係間中心度行來行去都唔知玩咩好，當我行到一樓時剛好見到教練，

教練：點解你今日係度嘅？？我：唔得咩......〈係咪串左D呢〉

教練：唔係，你明天上堂唔怕辛苦咩。我：唔怕.....教練：咁你上次玩完返到屋企有無痛呀？？我：無bor....〈好輕鬆添〉教練：咁下次要加重D啦。我：唔好啦。

教練：又唔好，咁你記住明天7點幾準時喎，再見。我：byebye〈你條尾〉

8點幾我走左去Pong度睇下佢教練點對佢，我見佢教練同佢做腳嘅器械，嘩！望落都幾重喎，每邊有二個鐵餅，我都係去踏下單車啦。玩到9點半就去沖涼，我仲焗左一陣桑拿，真係舒服。返到屋企，等到10點半食左少少野，等多十五分鐘食西柚，跟住就要執今天的臭東西 & 明天要用的東西。