激氣事

今次去台灣有時6個人,有時8個人,我同Pong,Pong朋友"U","K",最唔鐘意嘅兩公婆"G女"同"L男",6日5夜嘅行程,除左去清境個日,"G"女個兩個朋友都去過清境喎,其餘時間都係8個人

其實初初一直都話得我地6個人,跟住去之前一個月又話加埋佢兩個朋友,又話夾包車又抵左D,其實一早預左佢朋友,不過無同我地講啫

同尼兩公婆以前一大班一齊食飯都覺得無咩事普普通通咁

一去到問佢夾唔夾D公數出黎大圍食野入場個D,咁到時一個人買晒,咁佢兩公婆話唔洗,我地通常都係食夜市架啦,好少一齊食喎,咁我地4個自己夾啦,Pong好鐘意到夜晚係7仔買D薯片啤酒返酒店吹水飲嘅,係清境個日6個人住又係咁做啦,"G""L"自己買自己的,買到返去"L"又咪飲我地個D啤酒,食我地D薯片,Pong都話OK最緊要開心
但係6日裡面得兩晚係食夜市,其他的都係一齊食,一張枱食飯除左個司機得佢地兩個係男人,食飽飯,要比錢佢又唔郁咁咪Pong去埋單囉,入場費又唔願買,咪又係Pong囉,到夜晚結數,Pong話每人比返幾多,次次都話計錯,都唔知你地點計,話Pong唔岩,你覺得我地計錯,咁食完飯買票入場個D你咪去比囉,咁佢又唔去,但次次都話計錯,我真係火都黎埋呀

食飯吹水,"L"好鐘意認屎認屁,你鐘意認咪認飽佢囉,但佢係鐘意踩低人黎抬高自己囉,好似有一日食飯,唔記得講開咩,問Pong體重,Pong嘅體重輕過佢,"L"係咁話個磅壞架,點解你會輕過我,我咪話係用California裡面個D磅囉,跟住佢話一定係壞架啦,之後佢好細聲咁同佢老婆講邊有可能佢會輕過我架,食羊扒又係,我食左一啖覺得蘇,就同"U""K"講,因為佢地都唔食嘅,之後"L"又係質疑我咁,蘇咩一D都唔蘇喎,講左好多次囉,大佬我口味唔同你囉,你覺得唔蘇咪食晒佢囉

其實尼個司機好好人,會帶我地去佢D私人景點,有時"G"Plan左D景點覺得唔值得去佢會見意我地唔去,咁佢係當地人唔會握我地囉,而且又唔多收我地錢嘅,不過"G" plan嘅行程去左8成啦,又成日覺得個司機握佢咁,有少少趕唔切D景點又黑晒面,噪個司機

係尼度講真係好難講得晒,總知每日都會好嬲,不過我,Pong,"U","K"一齊玩囉,好少會理佢地,連佢兩個朋友都好似同我地熟D咁