我同Pong玩Body combat多數都係企係前第二排,但會隔開少少位,因為有時會起飛腳同出拳。昨日同今日放工都有去玩,一樣都係企係差不多位置,但我企那個位後面有條鏡柱,通常都唔會有人企,因為太迫。
昨日竟然有兩個女仔企係度,我心諗你貼住條鏡柱你自己玩唔到,不過最大嘅問題係阻住我呀,算啦,可能一陣郁下郁下就會走位。未開始時佢兩個已經不停咁講野同笑,阿Sir到左第一句會問有無人第一次玩嘅,咁之後就會教點企啦,手點放,原來佢兩個人第一次玩嘅,但阿Sir有阿Sir講,佢有佢兩個講野,到開始時佢兩個企係度傻笑,又跟唔上〈我第一次玩都無咁差〉,之後Pong都頂唔順,因為果兩個白痴剛好阻住Pong起飛腳,所以佢嬲得滯走左去後面,之後成堂兩個白痴都無咩郁過。
Pong話見到佢地就嬲啦,但我又一d都唔覺嬲喎,我真係睇馬騮戲個笑,我諗每個人第一次玩都無佢地玩得咁差,佢地無心玩,就唔好阻住人啦..........
你真係好脾氣........ 不過要同阿蛇反映下, 因為佢地實在係阻住人.
回覆刪除算啦, 始終會有咁o既人阻住地球轉 , 笑o下咪算囉
回覆刪除wa...離d人..一見到..就走啦...比左$..唔好比d咁嘅人阻住ma...
回覆刪除係咪好多男仔玩o架? 佢o地扮o野咋???
回覆刪除