2013年4月18日 第14堂
不經不覺已返了個半月啦,已經教到第7課啦,
仲有9堂就要測驗啦...
係咪我太過緊張呢???
每日(まいにち)係公司(しゃいん),係屋企(うち)都會抽少少時間去溫書(べんきゅうします),背生字,
返到學校(がっこう)聽先生(せんせい)教就會明白,
但返到屋企...個腦唔知發生咩事,
對住d功課好似唔記得晒咁,
年紀大個腦真係差d
每當阿sir都會一邊點名一邊叫我地讀做左嘅答案,
所以人人有份永不落空的,
每次我都口震震,同咩都唔記得點讀,
但自己溫嘅時候又好地地,
真係發瘋啦...
雖然唔係咁鐘意係咁多人面前讀,
但我好鐘意上堂,
佢成日都會讀係日本(にほん)生活嘅事比我地聽,
有時真係笑死人架...
希望我嘅努力唔會白費啦
原諒我打日文(にほんご)啦,因為除左咁樣,
我都唔知可以比自己加深印象同記憶呀...
努力呀!火火妹講起讀書真的怕怕,記性差.
回覆刪除[版主回覆04/21/2013 11:46:37]哈, 謝謝你!!!我記性都好差架
努力啊,火火妹!!! 你現在做得好好喔...活學活用呢
回覆刪除哈,記性差的人,讀語言會蝕底少少,但係,可能用其他方法幫到你??? 畫圖式背生字... 自製認字卡...
你係咪右腦較發達的人呢?
講起來,本來記性差的人,覺得背書好難,但係,我本來記性好好,做了手術後記性變差,深深覺得,真係要趁仲「後生」,多D記野,個腦會越用越活呢
[版主回覆05/01/2013 15:24:07]生字卡都係好好嘅方法, 試下先...嘻
我以家都要每樣野寫係日曆或入係電話度架
[busueyip回覆04/23/2013 23:29:27]呵呵,有時間可以試下做生字卡,一邊寫日文,一面寫中文,日日抽來test自己...
左腦主邏輯思維,右腦是創意、感覺之類(忘了),右腦較發達的人,可能在音樂、畫畫之類比較強,用圖形記憶可能較好。平衡發展就最好了。
好多年前,我卯巢有個大瘤,割左,之前記性好好,唔使用記事簿,手術完左,煲湯成日唔記得熄火....而家年紀漸長,就更差了。咩都要寫在月曆上
[版主回覆04/23/2013 13:10:35]我張D生字寫左係本簿仔度, 會拎埋返工, 係公司無野做時會拎出黎背囉, 咁右腦發達有咩好呀??你做咩手術呀??
加油啊, 練習多啲就得架喇!!
回覆刪除[版主回覆04/23/2013 13:11:10]謝謝你!!