草蜢

好野聽日有得睇草蜢忘我演唱會啦,尼期真係好多演唱會睇呀,5月又有謝安琪啦,不過劉德華同鄭秀文唔知幾時會有呢,最想睇係佢地兩個

我記得細個嘅時候成日都有好多音樂特緝,個時d音樂特緝好好睇架,以家都好似無咁嘅,不過有都未必做得好睇啦,唔知你地有無睇過Beyond同埋草蜢幾個一齊做嘅音樂特緝呢,個時細個無野做或者星期日係屋企就會播錄影帶黎架,真係睇幾多次都唔會悶架,仲有張學友啦,陳慧琳啦.......真係想搵返出黎再睇過

同埋我記得小學唔知5定6年級有一個歌唱比賽,我地大約7,8位女同學揀左草蜢嘅嗲噢...個時有個同學仔佢表姐同我地排左隻舞,每日返學之前一個鐘就去佢度排舞,雖然輸左比兩個唱Beyond日本歌嘅男同學,但個時真係好開心,如果係屋企搵到個張相的話post比你地睇啦