大家唔好誤會我結婚,其實我係想講Pong嘅同事(用H黎稱呼),佢5月廿幾結婚啦
年頭嘅時候H已經同Pong&幾位同事已經講過會係年尾結婚,但復活節假期後返工嘅Lunch突然同d同事講5月結婚,仲話係假期時決定,幾時結都唔係一個問題,問題係佢其實係無咩錢,H+女友兩個搵大約15000蚊,剛剛借錢租左間屋,間屋仲要叫朋友幫佢裝修,朋友就當H係朋友,兩脅插刀H就搵人蠢,每日放工去H到裝修裝到11點,又無請人食飯咩都無,但我唔知H有無去幫手,可能朋友覺得無所謂,但朋友女朋友就好嬲,我地聽完之後都講左句搞錯,間屋3月租4月唔可以裝修,而且唔住得,係有高人指點,咁咪白白交左一個月,我地都二口同聲講左句ON9
聽Pong講有日H假請去機場搵兩位高人,係高人指點下所以先5月結婚,H仲同朋友講結婚所有野都係LOOK咭,到時就即拆人情&賣金器找尾數,H仲留左3圍比同事,4圍比舊同事,咁$500x12,都應該夠比一圍,不過我相信同事應該得一圍,因為佢人緣太差啦
H係地盤係一個學徒(26歲),月入$7XXX,可以話係跟住Pong做野,因為每個管工都有一個學徒或者助管嘅,每日Pong對住佢都好激氣,唔記得逢星期一定二會放假,因為要返學,一個月起碼自己放自已假7-8日,解釋就係覆診、睇風水、病,考試,H同佢女朋友好信風水,成日就同人講買左個咩咩水晶$2XXX,搵左咩咩人黎擺水晶陣,聽完我覺得好好笑,水晶陣真係咁有用的話佢以家就風生水起啦
有時Pong叫佢做幾樣野,到放工H交返比Pong竟然係做得一樣,有時一樣都無,但係做完個一樣野,可能有50%係錯嘅,要Pong自己搞返掂,有時我覺得Pong好慘架,一個人工做兩個人嘅野,又要咁激氣對住佢
我覺得佢地婚禮係一個笑話,係咪為風水,水晶陣而結婚,真係唔知,我都同過H&H女友食過飯,唔知會唔會請埋我呢?
仲有我唔話去踩水晶、風水、高人,有時我都會信,但唔好太過份囉,我覺得自己嘅命運應該留返比自己決定
以上全是個人想法,有何得罪敬請原諒!!!
請妳都扮傻唔去啦~
回覆刪除[版主回覆04/25/2009 09:10:00]有機會都會去架,
我諗到時好好笑囉
你放心, 一定請埋你, 叫 pong 幫你做埋啦...........
回覆刪除[版主回覆04/25/2009 09:10:00]有刹錯無放過
我都好信風水命理，不過就唔會認為可以改變到你既一生， 佢呢d人，應該都係冇大志既人..... 唔好理佢地咁多啦~~
回覆刪除[版主回覆04/25/2009 10:39:00]就係無大志...講得岩,
我無理佢地架, 只係當笑話聽囉...
因為搵唔到錢,所以唯有寄望風水可以幫到發達.雖知擺啱風水陣都要努力去做先有回報咖.
回覆刪除[版主回覆04/25/2009 10:38:00]咁擺風水買野搵人睇都要錢架啦
信風水梗係無大志啦........
回覆刪除學風水就有大志喇.........
[版主回覆04/26/2009 12:48:00]係呀
實請埋你地飲哪，咪揾邊個找數！又係高人一個！
回覆刪除[版主回覆04/26/2009 12:48:00]我都覺喎
阿佳話佢唔係人緣太差，不過佢係太低B喎...
回覆刪除[版主回覆04/26/2009 12:48:00]兩樣都有啦...
佢地咁信呢D野又唔見佢地發達既?
回覆刪除真係...佢地請你去睇下都好~ 睇下佢地有無o係酒樓整返個水晶風水陣~ hehe
[版主回覆04/26/2009 21:03:00]可能佢實在太黑仔啦, 連風水都唔幫佢呀
2條友神神化化，俾我係你就一定唔會應酬佢地... 而家D人真係唔知自己做緊乜，成日信這樣拜這樣想一步登天... 唉... 物以類聚，2個人同一個格結合，後果一定很深遠， God bless them.
回覆刪除[版主回覆04/26/2009 21:48:00]做人都係腳踏實地好D嘅
租屋都要借錢, 真係好唔掂喎.........點解租人屋都要裝修呀? 咁唔so!
回覆刪除[版主回覆04/27/2009 13:28:00]尼d咪怪人囉
擺酒未必度度比簽卡 有d地方要你比本票
回覆刪除[版主回覆05/03/2009 23:40:00]就算係都抵佢地死啦
風水係求心安姐......佢地兩位實在太沉迷.......而失去左本性~~~可憐!!
回覆刪除[版主回覆05/05/2009 09:32:00]我都覺呀