之前我講過Pong嘅弟弟會買同區嘅屋,咁搬左入黎之後佢弟弟一直都有個經紀跟嘅,大大話話都睇左好幾間,佢弟弟好得意架,人地開價幾多,佢又唔會返屋企諗下鐘唔鐘意,計下條數先,就即刻同人地還價,仲要還到好低,但到最尾都係唔鐘意嘅,係次次都係咁,好似玩咁,我係咁經紀都唔想再理佢
係上兩個禮拜,佢又睇中左間屋同一個花園係大單位,三房全海景好似2百幾萬,咁佢話鐘意,不過間屋有個問題就係漏水,之後佢媽媽就講比佢爸爸同Pong聽,佢地兩個都話"ON9",兩個人洗唔洗住咁大間,同埋佢地都覺得佢地自己都唔會打掃,咁大間屋又係佢媽媽幫佢地打掃,其實最最最大問題嘅係錢,聽佢阿媽講,佢地兩個好似有20幾萬嘅定期,其餘都係問女方嘅屋企人借尼比首期,之後就自己供,咁咪"ON9"之中嘅"ON9"囉,錢又唔多就想買屋,仲要買間咁大嘅,間屋仲要有漏水問題,女方嘅公司以家仲要放埋無薪假,分分鐘比人炒都唔定,佢弟弟係好有大志好識諗,不過係得無講字...到最尾佢同佢媽媽講都係唔要,怕供唔到,但又係佢媽媽同個經紀講...下
我同Pong都講過佢一定搵唔到屋,點解我咁睇死佢,因為佢係大隻講囉
租住先囉, 遲下樓價低d 先買啦..........
回覆刪除[版主回覆06/23/2009 15:17:00]佢地又覺得點解要比錢幫人交租囉
兩個人住三間房咁high!!
回覆刪除[版主回覆06/24/2009 11:55:00]咪係囉...
嘩~ 無咁大個頭唔好帶咁大頂帽喎~
回覆刪除依家個市勢咁..... 佢地好似唔駛考慮咁嫁？
[版主回覆06/24/2009 11:55:00]真係唔知佢地點諗囉
咁咪搬去女家囉............
回覆刪除[版主回覆06/24/2009 11:57:00]反而以家係女家搬左過黎喎,
每星期都有三, 四日係度瞓架
好怕見到呢d人.... 太過唔識諗野....
回覆刪除[版主回覆06/24/2009 11:58:00]但係佢以為自己好有計劃好有道理架
表面風光, 實際就無能為力, 死左都唔值得可憐
回覆刪除[版主回覆06/24/2009 12:02:00]佢其實表面都唔風光架, 家用又無比, 佢自己寧願唔食唔用都唔會買野返屋企, 我地出糧都會去百佳入下貨, 試過幾次買左d花生餅, 可能望過幾次, 食都無食過, 之後就成包無左架啦, 汽水又係, 所以我以家會買d佢唔會飲唔會食嘅野, 不過佢會買$1xxx幾嘅玩具喎
咁你話尼d係咩人呀??
我覺得Pong 弟弟俾我感覺係"自己唔知要做乜?" 只係諗到就話要, 就話做.....我唔清楚佢有冇去搵下data........我諗佢真係要問清楚諗自己想點行再做啦.....如果唔係就成日俾日覺得"大隻講" 啦~~~~~
回覆刪除[版主回覆06/25/2009 13:36:00]我真係唔知...不過好彩佢唔係我男朋友囉
我想問下佢幾多歲？
回覆刪除[版主回覆06/25/2009 22:28:00]今年29
佢買到樓既機會率都好低下 , 比著我係個經紀都唔 so 佢
回覆刪除[版主回覆06/28/2009 14:03:00]根本我覺得佢一定買唔到
其實真係要量力而為, 你男朋友有咩意見呀?
回覆刪除[版主回覆07/14/2009 13:26:00]佢無咩意見架,
因為佢都覺得佢弟弟無可能會買