尼兩日都係講佢弟弟,今次講埋佢女朋友佢地拍左9年拖啦
Pong以前好唔鐘意佢,成日話佢串咀又無禮貌,到我搬到去住我都同佢無咩兩句,係觀塘個時以前一個禮拜都會黎三至四日食飯,以家就差唔多三至四日都係度住,其實尼d都唔關我事,最慘係佢地成日好似當全家人透明咁咀咀(仲要有聲,不過都係一啖),熊抱,坐大比,有時真係好難頂架
有時佢爸媽會返大陸,咁我都會幫手做下家務,佢只係會係佢地面前掃下地,收下衫咁囉,其實自私d講句,真係有d睇唔過眼囉
前幾日佢同同事去完台灣,有d污糟衫前晚竟然係佢弟弟用手幫佢洗囉,我見到個刻心諗,我一定唔會叫Pong同我洗底底囉
其實我都屈係心裡面好耐啦,雖然有時我都有同Pong講,Pong都有同感,但此終佢都係佢弟弟,但係我講完就算啦,我又唔對住佢地,我對住嘅都係Pong一個,話知佢地搞咩,總之唔好搞到我就得啦
自私既人大把，不過佢地咁欣愛，你真係冇計的了..
回覆刪除[版主回覆06/26/2009 10:35:00]有時恩愛還恩愛,
唔該係無人嘅地方先恩愛囉
下...成屋人都仲咁親密 都幾尷尬
回覆刪除[版主回覆06/26/2009 10:35:00]我覺得佢地無野囉,
我就覺得尷尬啦
pong細佬覺得幫女友洗無問題咪得囉
回覆刪除[版主回覆06/26/2009 11:57:00]咁又係嘅
情到濃時,情不自禁,睇開d啦,哈哈.
回覆刪除[版主回覆06/26/2009 15:44:00]咁又係, 以家係地鐵度kisskiss摸胸都係咁啦
我地係屋企都成日嘴架..........
回覆刪除[版主回覆06/27/2009 09:03:00]咀還咀唔好係人面前咀囉,
好嘔心架
最怕睇真人 show 洗底底 d 家野 pong 細佬心甘情願既 ,都無計 , 題外話 : 底底用手洗我真係未試過 , 連上身既我都唔會用手洗 , 可能我太懶啦 , 乜都丟落洗衣機洗 , 洗爛左至多買過 , 用手洗就唔會
回覆刪除[版主回覆06/28/2009 14:01:00]我同Pong媽都係用手洗底底架, 係沖涼個時洗埋囉 我自己鐘意嘅衫會用手洗架
bra會用手洗嗎?
回覆刪除[版主回覆06/29/2009 11:37:00]我會, 以前係洗衣機洗, 洗三四次之後就變左形
呀...... 成屋人都係度...都咁做呀....真係當人透明咩...
回覆刪除[版主回覆06/30/2009 09:24:00]睇到都想嘔
咪當佢地透明囉...費時激親自己就唔值得喇..
回覆刪除[版主回覆07/01/2009 13:42:00]係呀, 通常我都好少出聲 同Pong打下機好過
我真係接受唔到人前咁親熱呀!
回覆刪除[版主回覆07/14/2009 13:25:00]我都唔得, 好唔知點咁