剛剛過左個禮拜日同Pong屋企人落左樓下沙灘度游水,由1點幾玩到4點返屋企,我無用浮板都可以游到兩三步啦,其實個沙灘都幾多垃圾,之後5點幾Pong嘅阿叔打黎話黎食飯,佢堂妹5年級仲有留宿幾日添
星期一Pong嘅判頭請食飯,放工出到旺角落大雨,$110買左把遮haha...,之後坐地鐵出深水埗等佢地,食得好滿足呀
昨日星期二Pong同同事上大陸睇廠,我就返左青衣食飯,返到屋企阿媽要煮飯,我就幫手畏晉晉食粥仔,哈...第一次畏小朋友食野,雖然佢一路食一路爬黎爬去,但叫佢都會停係度張開個口,同佢玩左4個鐘我都覺得攰,因為佢一時又爬去東又搞下野,一時又爬去西搞下,佢好鐘意睇畢打自己人最頭段音樂,同埋賣冷氣機有個爸爸媽媽同兩個小朋友跳舞個廣告,佢會指住之後好開心咁拍手掌架...最衰唔記得帶相機
相機仲有d相仲未post上黎...
香港沙灘同泳池都唔乾淨,好彩我唔游水唧.
回覆刪除[版主回覆06/17/2009 16:52:00]點解唔游嘅???
宜家先聽莫札特都唔遲既............
回覆刪除大金個廣告真係好勁, 周不時都見d 細路又唱又跳...........
[版主回覆06/17/2009 16:52:00]都好得意呀, 連上次籌款都要跟佢地跳
唔識.驚浸死.
回覆刪除[版主回覆06/18/2009 12:47:00]去學啦, 好好玩架
細佬佬又係好鍾意個個廣告o架!!!
回覆刪除[版主回覆06/18/2009 12:47:00]哈....咁又真係幾得意嘅
我哥哥個女, 都好鍾意學大金廣告咁跳舞
回覆刪除屋企樓下就係沙灘, 真係正!!!!
[版主回覆06/19/2009 10:06:00]原來咁多小朋友都鐘意,
雖然沙灘係樓下, 但係又唔會太諗去囉(男朋友),
以前要坐一程小巴嘅時候就連續三個禮拜日都去囉,
真係怪人黎嘅
係大金冷氣, 呢排個個細佬都唱~
回覆刪除[版主回覆06/19/2009 10:06:00]不過個廣告又真係幾得意嘅