暖笠笠

昨日返工又係無咩做, 真係好鬼悶, 好難先捱到6點鐘, 6點15分, 本來諗住出旺角做運動, 點解Pong提意去小肥羊, 我梗係話好啦, 咁我就係大圍站等Pong一齊坐火車返深圳啦
去到小肥羊門口, 又要等位, 兩個人點左9碟野, 仲比個服務員話我地一定食唔晒, 所以減左一樣, 我好勁呀, 由頭帶到尾無停過, 以Pong食食下就打下機

食後感

我覺得佢個湯底開始整得差啦, 因為我初初第一次食時係好辣好辣同埋好濃, 食完個咀好似腫左咁, 但以家辣個邊都好似清湯咁, 我地仲要加辣椒添, 我覺得觀塘個間好味王仲好食d添
食到9點幾就坐火車返香港啦, 一過左關梗係用電話上網睇六合彩啦, 唉！四注中一個字, 唔通好運只此一次

返到屋企沖埋涼12點幾啦, 臨瞓之前仲搵左本台灣旅遊書睇下先, 都仲未有咩頭緒喎

食左咁多野今晚一定要做運動啦