出門記

昨日我7點鐘起身, 去左搵家姐, 我攤係張床度等家姐比人化完妝之後先去換衫, 嘻嘻...個化妝師話我似十幾歲呀, 我地有8個兄弟姊妹, 原本11點個新郎應該上到黎, 但拖下拖下到11點半先到, 擺明就拖時間啦, 不過都仲玩到3個遊戲, 第一個遊戲都幾三級架, 我地個個姊妹都笑到碌地, 玩完遊戲梗係接我家姐啦, 我爸爸帶佢行出黎個一刻感動到流淚呀, 搞到我都想喊添, 之後梗係比茶爸爸媽媽飲啦, 仲有攞禮物啦, 搞掂好晒就出門啦, 我梗係攞住紅色傘啦, 其他姊妹就掉米, 落到樓下勁多人望呀, 之後等齊車就出發去男家囉