一到6點即閃, 因為Pong約左同事一齊返大陸食飯, 好開心呀
我地一行五人四男一女, 新屎坑去左落馬洲度過關, 我覺得果度好似剛剛開發咁, 咩都無找換店又無, 的士又要行好遠先搭到, 結果我地坐"白牌", 我唔知點解咁白牌, 又係私家車一駕啫, 五個人迫係一駕車真係幾辛苦架, 我地嘅目的地係巴蜀風係食四川菜架, 叫左10個餸, 三碗湯水 (好細碗咋), 一個甜品 (得6件咋), 埋單都係$374, 因為我地黎果時無換錢, 而且用港幣又要收$20手續費, 所以佢地就攞晒之前用淨嘅出黎, 好似"囚"旗咁
食飽飽都未夠10點, 搭的士去左東方棕泉度鬆骨, 我都係第二次去, 都ok啦, 可能太耐無鬆啦, 比佢鬆一鬆之後我隻腳舒服晒, 大約1點半走, 走時有個服務員又話幫我抹腳又話幫我吹頭, 我梗係話唔洗啦, 我同Pong都係$4xx咋, 返到屋企都成3點幾啦
咁你現在想 嗎?
回覆刪除順手訓醒先返香港啦嘛...........傻瓜........
回覆刪除wa...咁夜..你今日洗唔洗返工呀....話時話..我都好似無 鬆骨啦..有咩好介紹呀???
回覆刪除今日唔駛返工嗎 ? 最盡果次上大陸玩 , 玩到 4 點先返到屋企 , 第日仲要返工 , 簡直想死 , 所以每逢上親大陸玩 , 多數早早去早早返
回覆刪除我都好耐矛去鬆吉丫.... 宜家d吉實哂丫@@...
回覆刪除你就啦...有得去玩 仲有人服侍...happy
回覆刪除嘩, 好似好趕喎
回覆刪除樂樂, 第日起身又唔係好攰喎 包, 我都想, 第日又要返工 柯比布, 梗係要返, 我以前就成日去高科德水療都ok架 淡普洱, 我都係架, 淨係兩個去我一定唔鬆骨, 因為太夜啦, 但今次係同佢d朋友, 所以無得話事 Kent, 鬆一鬆真係好好多架 Camel, 你都可以架 毛毛, 小小啦
回覆刪除火火你地好勁呀~去到凌晨3點幾呀~第日洗唔洗返工ga? 如果係我第日一定覺得好無精神呀 不過鬆骨又真係好正0既~~呵呵~
回覆刪除玩得好開心咁喎! 我好少會返上去玩,因怕上面治安唔係咁好!
回覆刪除去到咁夜...唔攰咩!?
回覆刪除嘩.......你成日都咁夜瞓,你夠瞓架喇???
回覆刪除