20070916

由昨晚開始Pong已經病緊啦, 勁打丐嚏同流鼻水, 所以無去做gym瞓到12點先起身, 之後食佢媽媽煮嘅粥, 到3點幾落街搵中醫睇, 但d中醫都休息啦, 諗住睇西醫, 點知又無帶醫療咭, 張醫療咭係佢公司比佢架, 睇醫生唔洗錢架, 所以就返屋企攞囉, 返到屋企記得佢上次睇中醫張藥方仲係度, 所以就去執藥囉, 執完藥返到屋企叫左佢媽媽煲藥, 到5點幾就飲得, 之後佢又走左去瞓覺, 6點半我叫佢起身問佢同唔同我返屋企食飯, 因為前晚媽媽打比我嘅, 到最尾我都係叫佢唔好去啦, 死下死下咁, 我就自己出左門口啦



返到屋企, 嘩!!!咁多人嘅, 連我最唔想見到嘅阿哥個女人都係度, 我梗係當佢無到啦, 最遲又係家姐8點先到, 個八婆由我去到就見到佢講電話講到開飯都唔收線, 佢簡直就唔知咩叫禮貌, 不過我地係唔會理佢嘅, 食完飯家姐坐係我隔離睇電視, 無端端話我仲唔叫人(指佢老公), 我就叫姐夫, 家姐仲係度笑我, 之後家姐就分返d開門利是比我, 有$21x, 咁我就益左阿媽, 9點幾家姐就走啦, 因為佢好攰明天又要返工


家姐走左之後阿媽又叫姑姐舅母陪佢打麻雀, 但舅母好攰唔打就叫左爸爸打, 咁我同舅母就幫媽媽執好張食飯枱, 等佢打完先洗, 執嘅時候媽媽叫哥哥叫個女人幫手執, 個女人聽到都唔郁, 之後舅母就話下次唔叫你架(係用講笑嘅語氣), 之後我就話: 佢不知幾想阿媽唔叫佢食飯啦...
咁我睇埋阿笨同阿占之後都走lu...返到屋企11點幾, Pong已經瞓左啦