中秋節

25號放4點, 但我4點45分先走, 因為Pong係公司突然比人捉住左, 之後我係大圍火車站等佢搭火車到羅湖, 其實都唔係好多人咋, 過左關搭火車返章木頭, 20分鐘到, 之後去超市掃零食, 買左3大袋都係$11x咋, 不過攞到我地兩個死死下, 無法啦要食就要辛苦d啦, 之後就去搭康湖渡假村嘅專車, Pong有住客證所以唔洗錢, 我就要比$2, 返到屋企執緊零食時佢爸爸媽媽同阿姨已經返到啦

坐左一陣就出去食野啦, 個度d野都ok好食, 好似打冷咁囉, 9點30分食飽就慢慢行去買dvd, 之後就一齊行去會所按腳, 當時係9點45分, 點解我會咁記得時間, 因為有得睇"歲"囉, 按左1個半鐘舒服晒, 就慢慢行返屋企啦, 返到屋企沖好茶, 切好生果就上天台賞月啦, 我咁大個真係未試過咁樣賞月, 真係幾特別...

坐左一陣1點幾就落返樓下睇導火線, 我覺得甄子丹真係好勁, 睇完兩點幾我就去沖涼, 沖完涼陪Pong睇左一陣志雲飯局我就瞓啦

Pong返到去第一時間就上樓上睇下佢d寶貝, 由佢爸爸搵人幫佢做左個櫃之後佢都未睇過, 我記得初初識佢時, 佢d書放晒係佢間房, 之後有一日佢"的"起心肝搵運輸公司運返大陸, 好似要成幾千蚊....個櫃仲高過度門架

一個隔有前後排架...

基本上佢有好多漫畫都買齊一套架, 連足球小將都有成37期呀, 真係好變態呀