星期天

放假應該係屋企瞓晝d, 但我9點鐘就起身擦牙換衫出去做gym啦, 因為我已經三日無做啦, 唔可以再懶啦。搭小巴出到旺角去左m記度食早餐, 10半未夠就上左去換衫, 11點玩body pump係我喜歡嘅教練教, 玩到12點, 12點10就玩body combat都係佢教, 所以我都玩...嘻嘻。

玩到1點10分就去沖涼啦, 2點幾就走啦, Pong打佢媽媽知道佢有親戚係佢屋企, 所以我地就行左一陣旺角之就仲搭車去尖沙咀, 行到4點我地兩個超眼瞓, 都係返屋企瞓下先。返到屋企原來佢兩個親戚係佢屋企食飯, 但我前幾日應承左媽媽返屋企食飯, 所以6半瞓醒就換衫出去啦, 搭小巴土到葵芳再轉小巴, 我叫左家姐帶佢買比我條裙比我試, 試上身, 嘩！好fat啦, 真係唔敢照鏡, 所以係唔夠一個月時間裡面我要努力d, 甚至節食都要啦, 8點就有飯食啦, 有我最愛嘅炒蟹, 我無食過飯, 成碟蟹差唔多比我食晒。

睇完阿笨之後就走啦, 落到屋企樓下先知唔記得交數比媽媽。上左車Pong瞓到成隻死豬咁, 我就攞住部ipod睇藍色大門, 返到屋企沖埋涼又12點啦, 執埋衫又成點先瞓啦。