水泡

今日1點鐘放工, 搭火車去旺角花園街, 一去到梗係食串辣魚蛋先啦, 之後就去睇水泡, 嘩！真係花多眼亂, 我仲見到海綿仔浮床添都係$30咋, 不過就無我嘅至愛史迪仔啦, 所以最後我就買左個簡簡單單嘅直條紋算啦。

跟住我就一個人行去香格里拉度食米線, 食完去左兆萬對面嘅上樓鋪賣好多史迪仔嘅野架, 我見到有史迪仔水泡呀不過賣$108, 我個直條紋賣$35, 之後我就買左條毛巾, 買唔到水泡都有條毛巾。


之後就去左"潮特", 係最低層見到個散子包, 我就忍唔住手買左比Pong啦

我由花園街行到去女人街都搵唔到史迪仔嘅膠扇, 不過比我係"潮特"二樓見到, 所以我又買左啦

行完"潮特"經過馬會梗係買返張六合彩啦, 之後就坐小巴返屋企啦, 今日收鑊豐富, 三樣野都係明天游水用架

外面咁鬼熱都咁鬼多人街行, 如果我唔係有野要買, 我都一放工就返屋企