平淡的星期六, 日

昨日29號短週所以唔洗返工, 12點出旺角搵Pong食Lunch, 食飽去左銀行中心3/f d旅行社度睇d package, 攞左d資料, 行左一陣坐車返青衣搵媽媽, 返到去又打緊麻雀, 咁我就幫佢整電話啦, 頂!!!鎖左機, 原來插唔到第二台嘅咭, 咁我就打比Pong啦, 佢叫我打去客戶服務中心, 叫我落門市比$400按金, 到合約期滿就會比返我, 即刻坐車去葵芳, 搞掂左之後行左去新都會, 我記得以前有間三聯, 行左兩個圈都唔見, 問下人原來搬左

我都係想買本台北書睇下, 睇左一陣比錢走人, 坐返車返屋企繼續幫媽媽整野, 整好之後播首帝女花比佢聽, 佢好開心呀, 我諗佢係街度電話響一定好型啫, 坐到6點返觀塘, Pong又租左公仔書啦, 我又被冷落啦

今日9點幾伯母打比Pong叫我地去飲茶, 我都ok鐘意飲茶, 10點幾Pong就要走啦, 佢要返工, 11點半換衫執衫出旺角做gym, 大約做左一個鐘就去沖涼, 沖完涼Pong又要返去睇下d人, 我又去左銀行中心4/f攞資料, 之後係香格里拉叫定野食等佢, 食飽又坐車返屋企, hea到4點幾爬上床, 瞓到6點幾, 7點幾幫手開飯, 食飽坐定定睇電視, 今日真係好凍


各位朋友要著多件衫衫啦, 病左真係好辛苦架

Happy New Year!!!!!!