今日返到公司先諗起完來聽日放假真係好啦，下晝三點我幫會計小姐去左市中心入票，因為另一個放左假，而且阿叔已經出左街，所以我去啦，雖然無咩太陽，但好Q熱，真係好死。
四點幾返到公司足足去左一個鐘，跟住繼續做我嘅野，做到六點四十幾分要走啦，因為Pong等緊我去做gym，好彩我手頭上嘅野唔趕啫。
去到旺角食左十蚊四包，超好味，之後我比個額頭Pong睇，所以同我去食龜令膏，再行一陣先去中心，其實我地為左玩九點至十點嘅Bodycombat，八點幾換好衫排隊等，因為八點至九點係玩器械操好似舉重咁，係個阿Sir教，好鬼女人型，真係想死。
今日係個阿Sir教喎，由九點到九點半都無停過，D汗係咁流，真係犀利，個阿Sir講中文多，同埋會做一次比我地睇先，不過上次那個Miss全部講英文而且又做得快所以我都有少少跟唔上。
九點半終於可以飲下水，抹下汗啦，之後又繼續.......我覺得今次比上次好玩，連Pong都覺得。九點五十分開始做D拉根嘅動作，差完根就十點lu....................
沖完涼就搭車返屋企啦，因為我條大比根好鬼痛，到觀塘Pong話肚餓，返到屋企放低D野就落街食米線，原先我都話唔知去到又忍唔住啦，真失敗。
祝大家有個開心嘅五一勞動節假期啦
沒有留言:
張貼留言