昨日放工出左旺角中心買絲襪, 買完就去搵Pong, 尼幾日超凍, 我日日見到佢就話好凍好凍, 所以佢同我坐地鐵去又一城嘅patagonia度睇褸, 最終比我買左件, 咁我就即刻著左上身, 連原本著住個兩件衫都除埋, 得一件衫係裡面, 真係暖好多呀
天氣越凍朝早就越唔想起身, 拖到8點2, d水好似冰一樣, 返到公司9點12分, 都算幾柔閒做下野又上下網
昨日返到公司9點12分, 坐低之後就食面包, 一路做都無停過, Lunch叫外賣, 食飽上網好快又到2點, 下晝開始無咩做, 4點幾公司兩個煩人去左開會, 又係上網, 6點半先走, 出到旺角買兩張六合彩, 之後一個人食左碗河粉, 7點半Pong終於放工啦, 跟住坐車去尖沙咀行左一陣, 到9點坐車返觀塘, 返到屋企食左少少飯睇完電視沖涼, 沖完涼上床打機, 如果我沖完涼即刻上床的話, 隔一陣我隻腳又會變冰條, 前幾日就係咁啦, 所以我晚晚都請Pong食凍柑, 我晚晚就比人鬧, 但係唔整暖隻腳我就好難瞓得著啦
昨晚7點幾阿媽打比我叫我2號返屋企食飯, 家姐1號生日, 媽咪叫我買生日禮物比佢, 我都唔知買咩好, 佢有無2個月啦, 買補品比佢我怕會好貴, 買大肚衫比佢我又唔識揀, 買禮物尼家野真係頭都痛埋
今日係星期日Pong要9點幾就起身返工, 我10點幾起身擦牙洗面, 出旺角搵佢食野之後做gym, 12點10分上bodycombat
今日係短週唔洗返工, 瞓到10幾換衫出旺角搵Pong食飯, 食飽飽我坐車出尖沙咀行街街, 因為take 5今日大減價, 係人山人海之下比我揀到兩件衫, 一件係我一件係Pong嘅, 買完衫坐車去旺角等我同事, 佢帶我去佢做開個間美容院度做facial, 5點去到幫我洗面之後就同我吱黑頭&粉刺, 真係痛到阿媽都唔認得, 搞掂晒所有野成7點幾啦, 咁我同事就去搵佢男朋友仔, 我就去搵Pong, 買左杯珍珠奶茶之後就坐車返屋企啦, 返到屋企開飯啦, 之後就睇佳麗, 以家我塊面好乾淨呀, Pong初初見到我時好似叮左一聲咁, 白左好多呀..
因為昨日sick leave所以今日返到黎好多野做, lunch又係食健康飯盒, 唔知係咪食得藥多, 搞到條俐好"鞋"
今日伯母係信箱度攞信, 見到有我相喎, 哈哈, 訂左林海峰終始到手啦, 好開心呀, 之前仲係度諗會唔會寄失, 同埋點解唔掛號, 以家放下心頭大石啦, 快D到2月26號啦
今日返到公司左咩事發生, 好清閒, 到食完Lunch之後我後面個麻煩友又返黎啦, 又係我後面喃喃自語啦
星期一又要返工啦, 尼幾日唔知發咩姣每日都夾下個頭同埋夾下眼睫毛, 搞到要迫地鐵&火車, 為左訂林海峰, 我用左差唔多一個早上黎搞, 張我嘅工作放係一邊, Lunch又係食健康餐, 食飽飽睇下blog又夠鐘做野, 5點幾打比Pong話佢知我想食煲仔飯, 有位同事次次好鐘意5點40幾分比野我做, 真係好鬼煩
嘻嘻嘻嘻嘻…今日林海峰求其大合唱嘅talk show公開發售啦, 我由9點幾開始去城市電腦售票網度, 終於係差唔多11點嘅時候比我入到去啦, 好辛苦先search到兩張連位, 我超開心呀, 真係想快d到2月26號呀
yeah!!!!yeah!!!!yeah!!!!yeah!!!!yeah!!!!
昨日係星期日, 朝早10點去同世伯, 伯母, 佢弟弟同埋佢女朋友, 6個人去飲茶, 飲到11點幾就返屋企攞衫去做運動玩bodycombat, 玩一個鐘1點幾去沖涼, 之後Pong想食肉骨茶, 但又唔記得佐敦邊度, 所以決定坐車去上環食, 係中環落車, 又係行個d地方, 不過今次比Pong買左對鞋, 跟住就去食野, 真係好好味, 我已經炒低左個電話啦, 食完行左去個咩街市見到駕好型嘅警車
昨日返工無咩做, 下晝又要開始問判頭有幾多人黎同埋贊助d野, 做尼d野好煩呀, 講到口水都乾埋, 6點鐘放工, 返到觀塘打比Pong叫佢落黎, 因為佢要去麗港城嘅牙醫度洗牙同埋補返隻牙, 佢好緊張呀, 佢入左去之後, 就聽到d"吱吱"聲, 哎呀!!!聽到都覺得恐怖呀, 洗完出黎真係乾淨左, 搞到我又想去洗, 但我又怕喎, 都係算啦, 等我做好心理準備先再講啦
今朝起身十萬個唔想返工, 諗住去完廁個所再瞓, 不過諗諗下都係唔好啦, 請假要扣錢嘅, 返到公司唔算多野做, Lunch食飽飽就瞓左半個鐘
昨日11點幾拆聖誕裝飾, 換左d新年裝飾, 搞到成手都係金粉, 下晝同事都開完會返黎, 頂你!!!一返到黎開到個冷氣鬼咁大, 搞到我又開始係咁流鼻水同打丐嚏, 真係痴線, 自己熱就著少d衫啦, 好黑人憎, 明明人地無病都變有病
前幾日耀媽介紹左支痱滋膏比我, 咁我昨晚返到觀塘就去x春藥房問下有無啦, 真係好彩佢竟然有得買, 買左返屋企咁我第一時間塗下先, 因為實在太痛啦, 塗完佢好似層膜咁刮到粒野只係有少少痛, 不過食完飯又痛過, 痛到痺痺地咁, 臨瞓前再塗多次, 到今朝起身擦完牙再塗, 直到以家已經無咁痛同咁大粒, 頭先食野時都唔係咁痛, 不過唔知點解飲水時就痛啦
朝早落到巴士站竟然見駕車剛剛走, 所以都係坐地鐵轉火車好d, 返到工做下做下又Lunch, 做下做下又放工, 時間真係過得快, 放工Pong打比我話佢好攰, 所以唔做運動啦, 咁我就坐車返屋企啦, 7點鐘就到觀塘, 8點幾食飯, 戈師乃做左咁多日, 我都係第一日睇, 9點幾個個瞓晒, 得返我同伯母兩個睇"律", Pong話佢第四隻智慧牙出, 所以唔舒服要早d瞓, 睇完電視沖埋涼, 連伯母都瞓埋, 我一陣梗係去打機啦
大約上個月的某日我執放褲嘅櫃筒, 比我發現左兩條好細嘅毛毛蟲呀, 真係嚇死我呀, 點解會有架, 我之前已經放左臭丸喎, 搞到我當日個身好鬼痕, 以家諗起都怕怕
我發覺我尼排好忙, 搞annual dinner嘅野, 自己嘅工作又做唔晒, 到Lunch時食完飯上一陣網又要打nds, 打到2點又要做, 放工又要做gym, 玩bodycombat, 返到屋企睇一陣電視又夠鐘瞓覺, 我覺得d時間好唔夠用...
下午出左去飲茶, 因為有同事生日, 食完飯返到公司都唔算太忙, 6點放工, 我係大圍站等Pong一齊坐車去羅湖, 去到羅湖都幾多, 10個男人裡面先得1個女人, 之後我地坐深圳地鐵, 坐左3,4個站再行15分鐘就到啦, 我地去左巴蜀風食四川菜
昨日Pong買左本milk, 見到林海峰又有talk show, AIG信用咭優先訂票, 咁我今日就問同事有無AIG啦, 比我搵到同事嘅朋友有, 咁我就叫佢幫我啦, 個答案係無晒票啦, 好失望呀, 9號先開始優先訂, 咁快就無晒, 唉!!!!!
今日返工用左大半日嘅時間整請柬, 我自己嘅工作一d都無做過, 擺到成個tray都係文件, 真係可憐!!!!放工出旺角搵Pong, 食完m記就唔想做運動, 坐車去左中環行街, 之後坐叮叮去銅鑼灣, 夜晚坐真係無咩人喎, 好舒服
今日係公司都算多野做, 因為要幫手籌備今個月31號嘅annaul dinner, 下晝又要做自己野, 好快就放工, 6點3走人
, 出到旺角Pong仲做緊野, 咁我就行一陣等佢啦, 行到sasa咁我入去睇下野啦, 見到有兩個男人"橋"住手入黎
, 一開聲勁乸, 真係嚇死人, 之後Pong就打黎啦, 咁我拎d衫擺係locker先, 之後就去食章魚小丸子, 真係好味, 食飽行一陣, 行完一陣Pong就話唔想做運動
, 咁就攞返d野, 行左一陣信和買左兩本書, 就坐車返屋企, 返到屋企睇完劇集打nds, 打到11點幾先去沖涼, 真係想早d瞓都唔得添
昨晚我上網又比我搵nds games, 就係新牧場物語2啦, 尼隻game又要睇攻略黎打啦, 以前見Pong成日拎住d紙一路睇一路打覺得好煩, 仲成日會笑佢添, 點知以家論到我啦, Pong仲話我以家有game玩唔洗噪住佢喎, 佢不知幾開心呀
唉唉唉!!!!!本來plan好下個月十幾號會去台北旅行, 我已經諗好行程, 點知昨晚Pong同我講話應該去唔到, 因為今個月佢會調去第二個site, 原先佢以家做緊個site係下個月就交貨, 咁佢就會無咁忙就可以去, 點知以家,
唉唉唉唉唉...
我要去我要去我要去我要去我要去我要去我要去
今日又遲左起身要坐地鐵轉火車, 返到公司都係9點1, 早上比較多野做, 到下晝就同同事MSN, hea到6點走人, 出左旺角食左辣魚蛋, 之後買左面包比Pong食, 買完佢都仲未放工, 咁我就去買六合彩
昨天是08年嘅第一日, Pong竟然要返工, 咁我就瞓到12點換衫出旺角搵Pong食Lunch, 食飽飽同佢行左一陣就返屋企啦, 返到屋企一個人都無, 上下網4點幾食左個辛辣麵, 超好食, 玩左一陣wii fit佢媽媽就返黎, 所以我都收機比佢睇電視
Pong屋企有兩部遊戲機, 一部PS2, 一部wii, PS2擺係Pong房, 咁wii梗係擺係廳啦
