2007年7月31日 星期二

熱到爆

阿叔一早出左街,10點幾又有份急件,所以就要我去,行去搭車時去左健康工房度買左枝涼茶飯,之後就去搭巴士,好彩都唔係等左好耐啫。到站啦,一路行個身就一路流汗,去到人地公司交低份野就走人,搭巴士返到大圍竟然落雨呀,有帶傘時又唔落,無帶先黎落,雖然落雨,但途經馬會梗係要入去買返張$20嘅六合彩啦。

31號的午餐

為慶祝我個飯盒來回,所以我影左今日嘅午餐



2007年7月30日 星期一

飯盒

昨晚Pong爸媽來回所以有飯食,又可以帶飯。不過當我拿飯盒時,結果唔見左,我同佢媽媽搵左好耐,之後佢弟弟打電話返黎,所以佢媽媽問下係咪佢攞左,原來係佢。我心諗有無搞錯呀,就算我要唔要帶飯你都問一聲呀,借左都唔緊要啦,用完你都應該攞返黎啦,仲要留左係佢女朋友屋企喎。

一個飯盒幾錢呀,要嘅咪自己買囉,我最憎d人不問自取,仲要唔記得還。

2007年7月29日 星期日

20070729

9點幾起身Pong就去左返工, 10半我起身Brushing換衫去搵Pong, 之後同佢食早餐, 食完早餐11點半行去"C"換衫,12點10分有堂BodyCombat啦,玩完之後Pong話要做一個鐘機,所以我去行下路, 行到1點45分就去搵Pong, 而我自己做左一陣機, 2點半就去

2007年7月27日 星期五

20070727

昨晚成3點先瞓,所以今朝遲遲都唔想起身,不過我都好快咁整好野就出門口啦,落到巴士站應該搭到我平時班車,但點知等左成4個字先黎喎,頂!!返到公司9點20分。

變形金剛

昨晚又同Pong睇戲啦,睇變形金剛,又係午夜場,睇完返到屋企3點呀。

初初我以為佢係好什麼日本片恐龍戰隊od咁,但係原來唔係囉,我本人都覺得好好睇,又緊張、又型、仲有少少搞笑,真係要去睇下。

2007年7月26日 星期四

瘀左

昨晚踏完單車返到屋企見到"室"頭瘀左少少, 但頭先睇下又黑左少少啦, 按落去仲有d痛添

搞掂

由上個禮拜開始積聚嘅工作終於完成啦,唔係因為我懶慢慢做所以先積聚的,而係我要係另一位同事個電腦先可以做到,因為我無那個software得佢先有,頭先佢要出街,所以我就"拿拿林"用佢個電腦,一陣間就搞掂啦。

鼻血

我個鼻由細到大每隔一段時間就會有血,但佢唔係流出黎喎,只係用紙巾時會有,但我一d都唔痛喎,今日又開始係咁啦,不過兩三日之後又無事,真係奇怪。

20070725

尼幾日真係好多野做,話咁快又6點啦,準時走人。去到旺角火車Pong已經等緊我,之後去左新世紀度買撈撈撈食,好味。一路食一路行去”C”度換衫,我地玩750分嘅極速單車班,雖然玩過一次,但都好緊張呀。8點開始啦,踏到中段,我真係想死,一路踏心諗下次比錢我都唔會黎踏,真係攞我命。不過佢出嘅汗真係超多,我嘅汗簡直就係滴出黎。

2007年7月24日 星期二

爆鎖

昨晚依舊6點鐘放工,7點50分玩body pump,玩完再玩body combat,Pong要做下機先走,所以我去行下路,行行下有位職員小姐行去d會員身邊講野,唔知講咩,之後行左我隔離同我講,問我check左自己嘅私人物品未,因為男更衣室有人報失,我梗係第一時間上去睇下啦,好彩無事。

2007年7月22日 星期日

23號的冷飯

我發覺我個Blog好鬼悶, 因為無咩相, 所以我想影下我嘅冷飯比大家睇下

20070722

Pong一早起身去左做gym,12點半返黎噪我起身,食完佢媽媽炒嘅飯之後就去左清水灣,去到差唔多2點啦好多人,我又唔識游水,又無水泡,只係企係水度。我見好多人玩浮床同埋好大隻海豚同海龜呀,遲d我都要買水泡玩先得。

2007年7月21日 星期六

健身 20

今堂係新教練,我都唔知佢教得好定唔好,不過好似仲有兩三堂就完啦,我諗佢下一堂又會sell我啦。
今日玩得唔係好重,主要係執返好我嘅姿勢,慘啦...上左咁多堂都好似無咩進步咁,係咪之前嘅教練教得唔好,定係我根本就無心呢??
好快就過左一個鐘啦,之後就到Pong上堂,我又係去行下路燒下卡路里,等埋Pong上完堂就去沖涼。頭先剛剛黎嘅時候見到佢女仔發坐係度發呆,到兩個鐘之後我要換衫走人,個女仔瞓左係度蓋住條毛巾,仲係著住運動衫,真係恐怖啦。

運動手套

昨晚6點鐘放工,Pong係大班買面包,之後係火車站等,一路行一路食。
行左去波鞋街嘅運動鋪,佢買左對健身手套比我,嘻嘻@@,其實我一早都想買,因為我怕手板起"枕"

2007年7月20日 星期五

好攰ar

昨晚本來攞左票係apm睇午夜場嘅男兒本色,但返到屋企食完飯就攤係sofa唔想郁,所以無去到睇戲,就咁浪費左啦。

唔知係咪做得運動多,所以尼排都好鬼攰,每朝都唔想起身返工好眼瞓呀。

2007年7月19日 星期四

20070718

放工無去做gym,同Pong去左又一城行街,佢有張patagonia嘅qpon7月31日到期,所以佢買左兩件衫,之後就坐地鐵返觀塘,去左apm攞男兒本色嘅戲票,因為上次同屋企人係酒樓食完飯埋單送嘅,所以係唔洗錢,如果要錢我地都唔會睇。

2007年7月18日 星期三

活洛油

前日玩完Body pump之後就開始周身痛,行路同踎低個大比都好痛,連個膊頭都係...

所以昨晚瞓覺前塗左d什麼活洛油,今朝起身個膊頭已經唔痛啦,但隻腳仲痛過昨日,個身d油味仲好勁...好嗅呀,我感覺自己好似個老人家

2007年7月17日 星期二

20070716

6點準時放工,搭火車去旺角搵PongPong係大班買面包,我地決定左做gym之前都係食面包算啦,Pong買完面包係火車站等,之後去左fanclPerfect Fit Drink,因為我之前飲過一個月效果真係掂,我多數都係做gym之前飲,飲完真係出得勁多汗,所以係Pong嘅同意下,我決定再買,當我同個sales姐姐講我要3盒嘅時後佢又sell6盒,好啦!咁我要6盒嘅時候佢又sell我買夠3千,因為可以有一年嘅9折〈我以家係95折〉,我覺得佢地真係有毅力,我比錢時佢地又係講同一番說話〈我都想買,不過3千真係好貴呀〉。

20070715

下午同Pong去左銅鑼灣行街,係時代廣場出面見到兩隻唔著衫嘅怪物。

2007年7月14日 星期六

20070714

短週唔洗返工,11點半比Pong嘈醒左,所以就換衫出旺角搵佢食Lunch啦,佢同我去左板前就食壽司,食到1點半佢就返去做野,我就行一陣旺角,今日真係超熱,一路行我背脊已經出晒汗,之後我行到去之前佢話買太陽眼鏡個度,個間野係好鬼舊,不過比其他眼鏡鋪係平少少,所以我就買左比佢啦 ,之後我就話有份比佢,所以佢落黎攞完我就返屋企啦

健身 19

教練下晝4點幾打比我話cancel我問佢點解同埋約返幾時,佢話全部都cancel,吓!即係咩呀??之後我追問佢都唔答我,所以最後都收左線。

哈利

前晚做完gym去左apm諗住買當晚嘅午夜場票"哈利",點知無好嘅位置,所以就買左第二日嘅午夜場啦。唔知點解Pong比較喜歡睇大院仲次次都係坐O7,8添,好彩係短週唔洗返工啫

2007年7月13日 星期五

短褲

前日放工去到旺角Pong仲開緊會,所以我去左一間化妝品鋪度行左個圈買左支洗面膏,因為我個同事話尼隻都ok,所以我買黎試下。

2007年7月12日 星期四

xxxx錯錯錯xxxx

激屎我啦,唔知今日發生咩事,做一樣野錯幾廿次,我明明check過無錯先比人架,點知又係我打錯野,唔通我真係發雞盲,唉唉唉唉唉唉唉唉唉!!!

搞到我無咩心機做野,真係想快d工,唉唉唉唉唉唉唉唉唉唉!!!

吵架公約

剛剛係QQ個Blog度見到,覺得幾好,所以借來轉載...thx QQ
1. 吵架不當著父母,親戚,鄰居的面吵,在公共場所給對方面子。

2. 不管誰對誰錯,只要一吵架,男方必須先輕聲輕氣哄女方一次,女方亦須馬上冷靜下來。

3. 在家吵架不准一走了之,真的要走也不得走出區外,不准不帶手機和關機。

4. 尊敬對方的父母長輩,吵架不開心不能對父母無禮。

5. 有錯一方要主動道歉,無錯一方在有錯方道歉並補償後要儘快原諒對方。

6. 雙方都有錯時要互相檢討,認識到錯誤並道歉後由男方主動提出帶女方出去散心。

7. 要出氣不准砸東西,只能吃東西,實在手癢只能砸枕頭。

8. 吵架儘量不隔夜,晚上睡覺時男方必須主動抱女方,女方生氣百般推讓,男方也不能就此放棄,一定要哄到女方睡著,做上美夢。

9. 每週都要給對方按摩一次,因為大家經常吵架都很辛苦!

10. 吵架時不准掛電話,如果掛了要馬上打回去,並表示歉意。
P.S. 如果我同Pong全部都做到咁就好啦...

2007年7月11日 星期三

牛排

唔知點解尼排無之前咁忙,可能我已經習慣左啦

昨晚遲左15分鐘走.出到旺角Pong仲開緊會,咁我就行去左花園街度食勁辣魚蛋,真係好好味

手信

Pong弟弟係上個星期一同女朋友出發去日本旅行,出發前佢弟弟問我想d買咩,我就話買波點袋個牌子嘅白色袋,Pong就即刻做兇狠嘅眼神望住我,你又買袋,唔買咪唔買囉,之後我就話,你買史迪仔嘅精品就得啦。
前晚回來啦,我嘅手信係個史迪係匙扣好令架

2007年7月10日 星期二

再見大姨媽

真係好大姨媽終於走左啦,而我塊面話咁易又好返晒啦,仲快過用暗瘡水呀,以家知道唔係因為護膚品令我生暗瘡,所以我都洗用用下全部浪費晒啦,以家每日我都會飲一杯即沖嘅多多牌紅棗茶,希望下個月有改善啦。

2007年7月7日 星期六

健身 18

我好似成個禮拜都無上過堂啦,有d唔係好想上嘅感覺添。放工都已經即刻走啦,到旺角同Pong係大班買左個面包之後就去換埋衫搞下搞下嘩!715分啦,遲左成3個字添。我一路做,佢一路係我隔離講笑,搞到我無力。

好快咁又過左一個鐘啦,佢另一位學生黎搵佢啦,佢就叫我自己做多幾set先自由活動,所以我都做多左幾下。之後同Pong去跑步,行上同落樓梯有d腳軟,都要扶住扶手黎行,跑到845分就去排隊玩Body Combat,我喜歡那個教練做放緊假,我諗要到下個禮拜先見到佢啦。

2007年7月6日 星期五

20070705

下午做做下野突然諗起原來我好多野想買,但我又無$$$唉!唉!唉!唉!

6點咭鐘響即閃,Pong係大班買包面食完就去中心換衫啦,我係更衣室度hea715先去搵Pong,佢撞到佢個fd所以佢地係度吹水,我就排隊等750分嘅Body combat,玩完佢去做機我去跑步,我一路跑一路睇緣來自有機,睇完我地就去沖涼。忽然間我想食糖,所以去左潮特度夾糖啦,行左一陣就坐車返屋企啦,返到屋企食左少少飯,之後搞下東搞下西12點幾就瞓覺啦。

2007年7月5日 星期四

炒飯

昨晚休息無去做GYM7點鐘就返到屋企,7點半開飯,今日食粥,所以無得帶飯。睇電視睇到9點幾走去沖涼,沖完涼剛剛好做學警,11點我就攞左D冷飯、白菜仔同雞蛋炒飯今日帶飯。落菜同飯炒時都好好地,不過一落蛋之後好快就有道燒焦左嘅味,所以炒多兩炒我就熄左火,搞到D飯一D咸一D淡,唉!真失敗

2007年7月4日 星期三

換錢

自從Pong返左旺角之後就越黎越遲起身返工,有時仲遲過我添,真係過份啦。不過佢落樓就係小巴站啦,去到旺角又係佢工作附近落車,幾好呀,而且唔洗半個鐘就到。好出奇今日見佢著牛仔褲返工,所以問下佢原來今日要開會〈因為佢夏天日日都係著短褲〉。

佢臨出門口時攞住張$100同我換$10,因為佢無散子搭小巴,我都無$10喎,不過我有$7,就係咁$100換左$7幾好,之後佢就出左門口lu

2007年7月3日 星期二

20070702

11點幾我擦完牙走去食昨晚未食完嘅薯片,之後Pong爸爸落街用餅咭攞左盒西餅返黎,我又食左2件,我睇熱情仲夏睇到1點幾就執野同Pong去做GYM啦,因為3點40分有堂Body Combat,點知上網睇嘅timetable同佢張紙都唔同,原來係電腦打左,今日無得玩Body Combat,但有得玩bodybalance,我都未玩過,所以就拉埋Pong陪我玩,我見d人又攞yoga mat所以就問下一個我唔認識嘅女仔啦,佢話係太極加瑜伽喎,之後Pong就驚驚地啦,因為佢嘅骨頭都硬晒lu,係女根肉人教練教,玩完之後都覺得幾好玩,而且佢又教得幾好呢,如果時間岩的話我會再玩。之後就同Pong玩多一陣機就沖涼啦。

20070701

下午同Pong屋企人係apm度飲茶,之後租左隻十分愛睇,7點鐘同佢嘅舊同學係觀塘,有幾個我都係第一次見,感覺都ok啦,仲有佢嘅exexex gf添不過都唔係第一次見啦,佢d fd成日叫佢去邊度邊度食野,唔怪得知個個都咁肥啦。