2007年5月30日 星期三

33°c的上午

今日返到公司遲左2分鐘,一路做一路食面包。有個同事本來叫阿叔幫佢送文件,但又未完成,阿叔又多野做,結果又係我去。

2007年5月29日 星期二

相處之道??

最近成日同Pong鬧交,差不多每日一少鬧三日一大鬧我都唔知究竟誰對誰錯,還是我越來越唔懂得體貼呢??以往嘅甜蜜已經沒有,係咪代表感情已經轉淡呢??還可以順利渡過拍拖的第二年嗎??

究竟應該點樣相處呢??

20070528

今日搭遲左一班車,好彩返到公司都係遲左幾分鐘啫。1點鐘同同事出去食飯,行出大廈時都仲好好天,之後行多幾步D雨勁大呀,好彩有同事帶左傘啫,不過我地下半身都濕晒,因為好鬼大風。

2007年5月27日 星期日

20070527

9點半比Pong噪醒左,一起身就係咁打噴嚏,10點幾落街食早餐之後出旺角行一陣就去做gym,因為12點10分有Body combat玩,咁早行旺角真係舒服又無咩人,同夜晚嘅旺角真係好唔同。今日係我最喜歡的那個教練教呀,雖然成個禮拜都係玩同一樣野,但唔同人教感覺同氣氛都唔同D嘅,玩完之後那堂係初級踏板班我同Pong都係第一次玩都跟唔到真係慘。玩完之後我地都好累連hip hop都玩唔到,我地只係係外面睇左一陣,之去沖涼啦,望出外面鬼咁大雨,朝早嘅時候都仲好好太陽,仲諗住做完gym去沙灘添。

等雨細D就行去坐小巴返屋企,返到屋企食左兩粒傷風藥就瞓覺,8點半起身食飯,睇一擲千金。

2007年5月25日 星期五

20070524

今日係假期所以我同Pong都唔洗返工,11點幾比佢噪醒左,之後12點去amp食肯德基,我同Pong一齊排隊買野食,前面有五個應該未到F.1嘅男生,我見佢地又唔行前咁梗係開聲問你地係咪排隊啦,佢地竟然用串嘅態度答我唔係排唔通做緊咩呀??心諗生舊叉燒好過生你啦。食完野行左一陣我係D-Mop度買左衫Tee…haha

2007年5月24日 星期四

健身 13

約左教練9點鐘,但放工同左Pong嘅同事去左雅蘭稻香打邊爐,食得好飽仲飲左少少啤酒添,不過都係深圳嘅小肥羊好食d。

2007年5月23日 星期三

我想要...

尼幾日都不斷咁落雨,令到成個人都好辛苦又累又焗,不過係尼個下雨天我好想買兩樣野,第一樣就係AIG嘅水鞋,上個月睇過貴左少少,好想好想買,但唔知點解無買到...唉!第二樣就係史迪仔傘,我搵過信和同潮流特區都係得縮骨傘,我以前有把monchhichi架,不過上年係巴士落車時唔記得攞,所以唔見左。
雨好似落埋尼幾日就無,所以以家買又唔知點咁。唉...........................................

2007年5月22日 星期二

SMS

昨晚玩Body combat玩得太累所以遲左少少起身,不過都趕得上巴士。上到車Pong打比我傾左兩句就收線,駕巴士去到佢以前地盤門口我見到平時同我地一齊做gym那兩個fd,行去食早餐。行返公司途中Pong打比我,因為又攞住把傘所以無聽電話,之後我地兩個就開始Send SMS啦...Pong由從剛剛同我一齊時成日Send SMS比我之外好耐都無試過Send咁多封啦,可能佢真係太無聊啦,之後我叫佢如果無聊的話就去行下街買野我話,佢竟然話我癡線。

火車上的事件

2007年5月21日

兩點半由大圍搭火車去粉嶺………………其實以家係火車上見到外地人一D都唔出奇,不過內地人成日會比D新奇又嘔心嘅野我地睇,今日又比我遇到。

2007年5月21日 星期一

星期一的下午

7點55分準時起身,今日唔洗同佢弟弟爭廁所啦,我用完佢剛剛起身。上到車Pong打比我,佢今日返新地盤呀,不過講左幾句就收線,而且講得好細聲,可能唔方便啦,不過我第一時間梗係問佢有無女仔先??靚唔靚先??有兩個,就一般靚喎,一向疑心大嘅我梗係不斷圍繞著女嘅問題啦。去到公司附近買左個面包同一罐咖啡,返到公司都係8點50分,到9點就開始做野,今日唔知咩事有3個同事請假。

2007年5月20日 星期日

20070520

因為明天Pong要調去第二個地盤,所以今日唔洗返工,我地兩個瞓到1點先落街食早餐,去左食擔擔麵同"癡"飯豆漿,之後我仲去買左6件麥樂雞有好好味嘅芥辣醬,食完野返屋企唔知做咩,又想去街,但又攞部NDS出黎又唔知玩咩,想瞓又瞓唔著,最後都係去左做gym,我仲係旺角買左10蚊4包撈撈撈食先,大約玩左1個鐘差不多6點就沖涼啦,因為Pong約左Fd 7點鐘係apm度食飯,又無我份,佢送左我返屋企之後就出去啦,我就等食........有D餓添

2007年5月19日 星期六

健身 12


今日我好準時,不過佢仲準時過我企係度等我啦,一路行佢一路話肚餓仲想叫我幫佢買野食,之後佢終於搵到第二個幫佢買啦。玩新機不過又係玩腳,每逢玩新機佢都會玩一次比我睇先,但今次佢又記錯左話之前教過我佢死都話有教過之後佢睇返本簿,每個人都有一本簿,玩過咩、幾重、玩幾多下都會寫低,睇左之後就扮無事繼續做。

玩玩下有另一個教練同佢傾計,那個人話佢嘅女學生都係唔夠力就會笑,因為我都係咁,不過笑左仲無梗加無力。一個鐘過左,我就去跑步Pong上堂,教練之前講過做帶氧運動唔可以超過45分鐘,如果唔係肌肉就會流失,9點到我去等埋Pong就去沖涼啦,今日無咩人所以唔洗排隊

放假

今日短週所以唔洗返工,不過10點幾比Pong打電話黎噪醒左,佢叫我去沙田同佢一齊食飯之後幫佢攞野返屋企,因為佢星期一要調去第二個地盤喎。11點起身擦牙換衫,12點5分到沙田市中心,原來佢同埋兩個fd一齊喎,之後去左小巴黎度食野,都唔係咁好食點解會排晒隊呢??食完行左一陣去左打機,跟住我就跟佢返地盤執野,整鬼佢囉兩大袋仲咁鬼重佢等到巴士黎就走啦。返到觀塘都要行少少路先返到屋企,不過我覺得我大力左,返到屋企外面就即刻落狗屎咁,放低兩袋野我就落街影證件相,唉!因為我個Manager突然間要喎,影完之後就返屋企睇白色巨塔,到6點鐘就要出門口去做gym啦

返娘家

前幾日媽媽叫我同家姐星期五晚返屋企食飯,我好乖咁應承左,所以昨晚放工就同Pong去左葵芳,打比媽媽諗住問下佢幾點食飯,佢一聽電話又聽到麻雀聲嘅,慘啦!!原來唔只係屋企人食飯咁簡單,早知就打死都唔返啦。

小強

昨晚做完gym返屋企,坐Lift返到Lift口一路同講傾計,突然Pong叫停我,原來我牆上有好大隻小強呀,如果唔係Pong叫停我我諗我會貼住牆行到時我一定大叫大喊,因為我尼世人最怕小強啦。諗住快D開門返左屋企就無事啦,點知伯母行去廚房整返熱D飯比我地食嘅時候,佢見到地下有小強,我第一時間梗係有咁遠跑咁遠啦.........伯母真係完全唔怕咁,攞住一格廁紙黎捉,不過我唔係好明點解佢唔打死佢呢??之後佢兩個仔就話佢點解唔打死佢,跟住Pong就出手啦,佢搵左隻鞋打死左佢,大家又估下隻鞋係誰的??

*********************************************

答案就是我的

算啦總算剷除我嘅頭號敵人

2007年5月17日 星期四

健身 11



7點鐘上堂啦,今日我遲左一個字,玩完第一個機我已經腳仔軟啦,之後就入左間房度背住個大波波,起身踎低我隻腳之後仲軟,我周不時都同教練講價,佢話做咁多,我一定有野講,佢仲話我越來越懶添,不過我都覺,8點鐘我去左跑步,一路睇電視一路步係會跑耐D架,到9點諗住去沖涼見到Pong又剛剛上完堂就同佢玩左一陣ByeBye肉就走lu,沖完涼之後好鬼肚餓,所以就返屋企食左碗飯之後就抖下執下野,佢話下堂多D同我做byebye肉喎,等我下堂做好D先

20070516

6點鐘Pong打比我吹我走,6點15分走得啦,我打比佢佢又話地盤水浸又要遲少少先走得,真係激鬼死,頭先又吹人,以家走得你又話唔得,我係火車站等佢,之後去旺角嘅香格里拉度食米線,佢真係食得好鬼快架。食完就去中心啦,今日好多人,係咪因為天氣熱嘅關係女仔要著少布衫,所以D佢地都走晒黎做運動呢??Pong又話我遊魂啦,因為我係行行企企都無心機做,只係跑左20分鐘步咋,而且今日又無Body combat玩,都唔知發生咩事成個禮拜夜晚都無得玩,但有什麼拉丁舞同印度舞,我都睇左一陣,個屁屁同腰係咁扭下扭咁,有D都頂唔住都走左啦,不知幾多男人係度睇呀。

2007年5月16日 星期三

跑步

昨晚買完波鞋返屋企食飯,睇完溏心Pong拉左我落街跑步呀,原來係有代價架,去到公園我只係步下又行下,Pong跑完15個圈就可以返屋企啦,不過我都出晒汗啦,返到屋企就沖涼執野Lu,對鞋跑步時都幾舒服架

2007年5月15日 星期二

Shopping

6點鐘放工就同Pong搭車返屋企無去做gym,返到觀塘去apm嘅muji度買個膠樽可以用來入洗面乳方便帶去做gym用嘅,點知Pong好瘋狂咁買左好多零食,跟住行左去馬拉松佢睇中左條短褲,試左一次之後就去比錢,行去比錢時Pong check下條褲,都唔係Pong試o個條個款黎嘅,雖然兩條個款同色都好似,但一條有扭一條係無扭嘅,Pong同佢姐姐講唔係尼條喎,之後姐姐睇都唔睇就講係尼條喎,果no.都一樣,我心諗小姐條褲係你試定Pong試呀,你睇都唔睇就話唔係,握你咩結果另一個男人叫倉攞第二條黎。行去扭蛋度又好似無野好扭咁,之後行去new balance睇跑鞋,佢有好幾對都特價呀因為無size,結果Pong買左對跑鞋比我做gym著


9點幾就返屋企食飯啦

20070514

我以家成日都早15分鐘返到公司,所以有好多時都係公司度打Blog,下晝同D女同事去左食粥,外面真係好鬼熱,行多一陣都會溶呀。工作做完一樣又一樣都無停過,臨放工時小姐又比左幾樣野我做,好彩唔急啫。6點幾係火車站等Pong佢一路行一路睇書,我企係度佢都見唔到,不過佢話感覺到剎氣所以停係度望左過黎,我地去左九龍塘站落車行左一陣就搭地鐵去旺角見Body combat仲未夠鐘上堂,所以我地去左兆萬,唔知係咪太耐無行街呢??好多扭蛋都未見過,最後我都扭左兩支NDS筆

2007年5月14日 星期一

20070513

8點幾左身Pong仲未返黎,我去左個廁所再瞓過,12點幾起身啦,佢依然都未返,我就擦牙洗面之後打完個Blog都無咩心機回覆,所以睇白色巨塔,差唔多1點佢先返黎,佢沖左個涼去左瞓覺我地一句野都無講過。

2007年5月13日 星期日

20070512

今日下晝放工,所以無咩心機做野,直到12點幾成班大佬走左入會議室度睇賽馬,因為剛剛買左部LCD電視,而Pong就係屋企出門口啦,佢仲買左張電話咭用話我可以打到比佢喎。到1點我就即閃,打比Pong話佢知我放工,之後佢咁岩係沙田,所以食埋野先走,我見到佢大熱天時著住老西我就忍唔住笑佢,可能我亦都睇唔慣啦。我地去左食spaghetti house,兩點半食完走人,我就仲諗緊去唔去做Gym同行街,之後行左去卓越睇下,諗諗下都係返屋企瞓覺,瞓瞓下Pong係大陸打左兩個電話比我,話我知佢好悶,擺酒個度好簡單,新娘嘅婚紗唔靚,講左幾句就收線,我就繼續瞓。瞓到7點幾起身換衫,因為約左Carol姐姐食晚飯,佢收9點我就係舖頭度等佢同Kelly玩〈我契女〉。

2007年5月12日 星期六

20070511

Happy Friday

朝早係公司樓下等Lift時見到有兩個麻甩仔係咁望住我,我又無著背心、又唔係低空胸...望咩呀,之後我就同佢"竇"望,你望我我就由頭望到你落腳,最憎D咁嘅男人,當我怪物咩...下晝5點幾Pong話聽佢上司叫佢地一齊去食下飯吹下水,所以佢就放左我飛機啦,6點幾我放工去搭火車出旺角去中心玩Body combat,不過9點先開始,我只好一個人孤伶伶咁行旺角同食牛根丸河囉,係屈臣氏買左支焗油,所以8點鐘去中心沖涼,之後搽埋焗油去焗桑拿,8點50分搞掂晒野就去排隊等上堂啦,唔知係咪我習慣左呢??我已經唔覺得辛苦啦,死啦...玩足成粒鐘,跳足成粒鐘我都唔累,我係咪傻左呀。10點鐘就玩完啦,我換緊衫時Pong打比我,佢已經係樓下等緊我,所以我沖完涼頭都唔吹就走啦。

返到屋企食左少少飯,唉!佢弟弟又走左入房打機啦,又唔知打到幾點,搞到我又無得執下野。明天Pong就返大陸幫佢朋友做伴郎啦,又淨返我一個,真係無良心我仲諗緊明天去唔去做gym好呢??不過8點幾約左Carol姐姐去狗Cafe度食晚飯,佢話仲會帶埋我契女Kelly比我見添,佢係隻摩天使黎架....

2007年5月11日 星期五

健身 10

我約左教練8點,而Pong約左9點,剛好中心有堂Body combat 755分開始,所以Pong可以玩,我就無得玩,真係有d唔開心添。

我發覺教練越來越變態,佢就快當我係一個男仔咁操啦,我就黎頂唔順啦……雖然佢教左我玩部新機,但o個部機似乎無女仔會玩囉,當時我真係想對住佢喊呀

9點鐘啦我仲爭2set未做佢就叫我自己做佢去搵Pong,我就係尼個時候偷走,落到樓下,嘩!咁多人嘅部部機都有人玩緊喎,唔知點解尼幾日突然之間多左好鬼多人,連沖涼都要排隊呀,一見無人玩梗係閃去霸住先,跑到950分我就去沖涼,順便去焗下桑拿先嘛,雖然我早過佢沖涼,但都係佢等我。

返到屋企有d餓添,食左少少飯,之後就執拾明天嘅野啦。

2007年5月10日 星期四

20070509

放左工Pong就去左剪&染頭髮,我由7點幾等到差不多9點,真係想死, 剪完去左旺角行街,睇左幾間波鞋鋪之後就去食野啦,上次玩完Gym經過女人街Pong見到間土耳其餐廳,所以今日就去試下啦,係近住家樂個一段嘅,我覺得個餐牌好似無咩好食咁

2007年5月8日 星期二

20070508

今日6點15分就收工,因為7點50分有得玩Bodycombat,我好似玩上忍咁...去之前我又去左香格里拉食米線〈我要補充一下上一篇日記先,我指嘅香格里拉係先達附近嘅一間20幾蚊嘅米線,唔係貴價野。〉我用極快嘅速度食完就去中心啦,因為要早少少去排隊,如果唔係會好多人由其係咁早添呀。

20070507

早去左沙角村整理下文件,到下午返公司,唔知係咪因為我早上飲左罐咖啡,搞到我下午無胃口食飯,所以我就係公司上網,同事食完飯回來我都開始工作,今日係特別多信嘅一日,之後另一位同事又比左樣工作我做,剛剛好做到收工Print埋比佢搞掂。

2007年5月6日 星期日

20070506

今日Pong終於唔洗返工,12點幾起身同佢去食麥記做早餐,因為我想食點jack,買左九件雞餐同一個雙層芝士孖堡同煙肉蛋飽,D醬又真係幾好食喎,食完就返左屋企攤屍,到4點幾就換衫出尖沙咀,因為佢個契姐又黎佢屋企食飯,所以我地要回避下,等一站去左IT度睇衫,好快咁行左個圍就走啦,之後去左uniqlo,我買左兩件衫,Pong就買左兩件低衫、三對襪加一件衫,我覺得uniqlo嘅衫同襪Ok好著,不過襪無我Size,但有時我嘅襪洗晒都會攞佢嘅襪著,所以我知道

20070505

今日我唔洗返工,11點幾就起左身,之後開電腦上網,隔左一陣就睇白色巨塔,到12點半就煮左個快熟通心粉,因為我落少左水所以好鬼咸,為有飲多幾啖水,1點幾佢弟弟同佢女朋友出左街,佢弟弟臨出街之前叫我幫佢換龍貓,好快手咁就換好因為堂時佢地都瞓緊覺,所以佢地好合作無跳出黎。

2007年5月4日 星期五

炸屎我…

剛剛又收到一封紅色炸彈啦,係會計姐姐架,今個月二十六號,雖然我好鄧結婚嘅人開心,不過我荷包就唉!!諗住今個月鬆少少點知又破財。

係咪人大左身邊嘅人就"碌碌"續續咁結婚呢??其實我真係無諗過結婚尼樣野喎。

2007年5月3日 星期四

健身 9

放工就搭車去旺角,點解旺角1年365日都咁鬼多人??由火車站好艱辛咁行到去目的地,今日約左教練7點半,我仲有時間買10蚊4包食添,食完就去換衫,見教練之前仲可以跑五分鐘步。夠鐘我就去搵佢,頭兩部機都係玩腳,佢加到45磅,初初又話玩體重嘅一半,以家足足係我嘅體重,不過我都可以完成。

2007年5月2日 星期三

20070502

今日又係準時返到公司,食完早餐就做野,做到食飯,一行十個人去左飲茶,今日嘅話題係今期嘅六合彩,發夢就有我份。

兩點鐘返到公司,一做就做到六點半,之後接到公司有張通告,要遲一日先出到糧啦,個個都悶悶不樂咁...真係慘。

放工係大圍附近剪頭髮,差唔多剪完Pong就黎搵我,之後搭巴士返屋企食飯啦。

2007年5月1日 星期二

紅色炸彈

今日下晝三點幾去左銅鑼灣嘅UCC Cafe度食下午茶,食食下有個稀客打比我係一個舊同事以前一齊做野時成日都一齊玩架,不過佢走左之後就成年無見lu,佢打黎第一句就話我結婚啦,吓!真係架...之後佢話阿邊個邊個〈舊同事〉係三月結左婚啦,仲有埋BB七月生得lu,我問咁係邊擺呀??係灣仔六月,遲D整好張帖出黎食飯比埋你啦,我會請埋Pong你幫話比佢知啦,好呀....ByeBye。嘩!點解今年咁多人結婚嘅??因為Pong有個舊同學五月結婚。而且我見好多Blog友又係今年結婚..........

真係恭喜哂!!

一個都無

星期六那日去左投注站買左張二十蚊嘅電腦票,其實我都唔係每期都會買嘅,只不過經過囉

火山爆發

唔知點解由星期五開始我嘅眼眉頭生左兩粒瘡,之後佢越黎越大有少少痛,直至今朝起身,我額頭左多四粒呀,仲好痛又好紅添,究竟點解呀,我好耐都無試過咁樣生暗瘡啦。係咪我用緊嘅潤膚露唔岩我呢??還是我焗得太多桑拿呢??

我嘅皮膚好衰架,每次用新嘅潤膚露唔岩我,我塊面就會出油滋粒同生好細粒嘅瘡仔,不過今次尼隻我只係用左太約一個月左右,而且又係焗完桑拿先塗。

最近尼兩三個禮拜我差唔多隔一日就去焗一次,係咪真係多左D呢??我嘅皮膚好薄微絲血管好顯眼係咪唔應該焗咁多呢??焗得多有咩唔好呢??

所以有你無你今日去左食龜令膏

20070430

今日返到公司先諗起完來聽日放假真係好啦,下晝三點我幫會計小姐去左市中心入票,因為另一個放左假,而且阿叔已經出左街,所以我去啦,雖然無咩太陽,但好Q熱,真係好死。