Pong老闆係基督徒,所以兩個月前佢老闆叫Pong參加什麼聚餐Pong都無say no,係長沙灣某一棟大廈,有一個餐廳裡面整個小型buffet,帶d新朋友認識基督,又有一個亞視明星講分享咁囉,其實聽尼D都無咩所謂,不過佢地開口埋口都話,"基督愛我""感謝基督""比D掌聲我地個基督"聽到尼D說話我真係毛管棟
秋天嘅時間真係短左好多,尼幾日天氣真係好q凍,朝早都唔想起身返工,點解公司唔比冬眠時間我地呢,又要拎張厚被出黎啦
朋友你地都要小心身體!!!
同事想搞燒野食,我就同同事搵地方,唉!有時就得一個又就唔到第二個,不過最尾都搞掂晒...哈~
以家無睇西醫啦,返工嘅朝早都係食豆漿沖麥皮,有時夜晚食完飯會落街跑30分鐘,沖完涼會食一個奇異果,之後用鮮蘆薈搽面
又有同事要走啦,做尼個職位嘅同事都捱唔過三個月,好彩工作上同我係無接觸啫,其實我覺得係管嘅有問題囉
琴晚睇互動新聞台,係咁聽重播又重播嘅新聞,又講人民幣,又講加價,但人工就無得加,遲d連食面包都無得食啦
之後我同Pong講無返百幾二百萬都唔會買樓,就算無咁多錢但又買左樓,都唔會豪裝,如果我真係有機會買樓,有機會豪裝,我一定會叫個設計師黎搞掂佢,仲要我咁辛苦設計,哈~~不過又可以話唔踏出第一步又點會有層樓揸手呢,尼d野都係個人睇法啫...哈~~
之前聽李嘉成講買樓要借九成嘅不如唔好買,免得自己辛苦啦~哈
話說Pong弟弟已經買左樓,其實以家已經裝修緊,佢地拆淨兩幅牆,再做透明玻璃牆,開放式廚房,廳嘅地台要升高,但係又話好多野都未定,淨係可以換個鋁窗先,以家世伯開始有d唔耐煩啦,因為世伯有d野話可以唔洗做,但佢弟弟一句話"我鐘意呀"世伯即刻火起,Pong同世伯成日話買米唔知米貴
佢地點裝飾我唔理,希望快快趣趣搞掂搬走啦
星期一早餐開始豆漿沖麥皮,點知lunch又去左飲茶,夜晚又同Pong出街食馬來西亞野,琴日好正常,夜晚9點幾落街跑步,出一身汗真係舒服d,今日lunch又比魔鬼同事引誘我食麥麥...真過份
同事由4月開始麥皮做早餐,戒零食,以家佢瘦左14磅啦,我真係好羨慕呀...
我都要努力,不過我尼排都食少左好多野啦,起碼無食檸檬夾心餅啦...haha
真係好耐無做運動啦,琴日同世伯怕母飲完茶之後,Pong約左同事打籃球,我就落街跑步,琴日跑步真係好舒服呀,又無太陽又涼爽,跑左半個鐘返屋企頂唔順啦,但無帶鎖匙伯母又落街再跑多轉,跑到12點幾就可以返屋企啦
琴日放工去左OK買燒賣食,見到個史迪迪$罌好得意,咁就買左返公司啦,拎晒裡面d糖出黎,每日都要入個10蚊雞落去...yeah!!!
琴日Pong約左舊同事係屯門打邊爐,我就去左花墟行街,心思思想買盆栽,本來想擺係屋企但已經好多,擺係公司又唔可以買花,淨係可以買d易種嘅,之後睇左三次買左二盆仙人掌,一盆係我公司,一盆係Pong公司,之前聽人講過仙人掌吸幅射嘅
以家有個新contact係1/10時開始,但好似有好多野都未定,好似仲係唔知點做咁,負責跟尼個contact有4個人,總經理(g),經理(w),engineer(s)同我,尼個合約9月嘅時候已經知道要做野,但到28號先同判頭開會,到以家同判頭嘅合約都未簽,d工人證件又無,以家淨係得我同(s)係度做野咁,(g)就成日恰眼瞓,玩下電話,(w)好少理野,都有時發生嘅時候就扮晒緊張咁,我都知高層係咁嘅,除非自己做老闆啫
其實(s)都幾慘架,出街又係佢,開會又係佢,有時(g)同(w)唔鐘意又要搵佢,我淨係可以幫下佢追判頭野,唉!!!
