20070508

今日6點15分就收工，因為7點50分有得玩Bodycombat，我好似玩上忍咁...去之前我又去左香格里拉食米線〈我要補充一下上一篇日記先，我指嘅香格里拉係先達附近嘅一間20幾蚊嘅米線，唔係貴價野。〉我用極快嘅速度食完就去中心啦，因為要早少少去排隊，如果唔係會好多人由其係咁早添呀。

我發覺我越跳越起勁，要跳到出晒汗我就越開心，如果好似昨日那個灑太極咁就死啦。跳完之後就即刻去沖涼，因為會好多人排隊架，不過沖涼之前我去磅左一次，結果我又比上次輕左兩磅啦，但我都唔覺開心喎...唔知點解啦。

我發覺玩Bodycombat好過去跑步，遲D岩時間的話我會去跳健康舞、Hip Hop、玩俞加同器械操添..........不過Pong一定唔會陪我玩尼幾樣啦。

未上堂之前我最前排有四個女仔，我估佢地應該成日跳，因為佢對D動作都好熟，而且柔軟度都幾好，不過佢地好肥〈我唔係歧視佢地肥〉不過我係度諗，點解佢地成日跳，但都唔FIT嘅？？而且我覺得佢地都好黑人憎嘅係，阿Sir教緊動作時，阿Sir講幾大聲佢都就坐係度講幾大聲囉。

9點就走得啦，之後去左兆萬對面，7-11樓上嘅鋪頭，賣好多史迪仔嘅野架，本來上去係想買杯墊，不過搵唔到，但比我買左一支史迪仔嘅原心筆同原子筆。仲要Pong趕我走我先願意走添呀。