星期五朝早同事出街開會無咩人係度, 咁我就拎部相機出黎影下, 之後同事比左三粒金莎我食左一粒, 一粒請人食, 以家淨返一粒
星期一個日有兩位同事去完韓國返黎啦, 雖然佢地同時間返黎, 但佢地係分開去架, 下晝3點幾同事打落黎叫我上去食士多啤梨, 佢買左一盒怕唔夠分所以叫左我同另一位上去, 佢每年都會去韓國滑雪架, d士多啤梨真係好正, 又甜又大粒喎
星期日我同Pong屋企人, 一行6人早7點幾坐巴士去東涌廷慶寺, 呵呵!!!妹妹都係第一次坐車車咋
下個月14號又要去飲啦, 今次係Pong嘅舊同學, Pong又係兄弟之一, 因為佢地有時d聚會我都會一齊出席, 都算係朋友, 嘻嘻
佢地終於結束8年長跑啦, 步向佢地另一個人生階段啦
恭喜晒!!!!
就係尼位朋友仔剛好同梁靜茹演唱會撞期啦....
昨晚Pong要同佢d同事食飯, 所以我就返左青衣, 其實我都唔知佢認唔認得我, 因為我入門口時同佢野佢都對住我笑
聽阿媽講星期五個日佢塊面生左好多粒粒, 之後入左醫院住左一日, 好慘慘, 家姐仲陪左佢成晚添
明天就係情人節2月14號啦, 咁岩我同事明天結婚, 所以夜晚我要去飲, 不過我都訂左飛睇11點幾, 雖然夜左d, 但係第日唔洗返工嘛
本來諗住元宵個日拆利是, 點知一直都唔得閒, 昨日終於都拆左啦, 好多利是封都好靚架, 我仲keep起左d整整齊齊嘅等有飲宴嘅時候封返比人, 都算環保啦
昨日訂左梁靜茹3月14號嘅演唱會飛, 點知Pong個朋友又係3月14號結婚, 佢仲要做兄弟, 唉!!!以家我好唔開心, 好煩, 都唔知點好
其實由上年年頭開始話去台灣, 去到以家都仲未去到, 上個禮拜Pong話過左復活節之後應該會得閒d啦, 希望今次真係可以去啦, 我都已經成兩年去無旅行玩下啦
今日又返左屋企啦, 目的梗係探個舊大蕃薯啦, 佢又肥左啦家姐話我之前買個d 80size嘅褲仔已經唔岩著啦, 不過小朋友真係肥d先可愛嘅
終於都放完個悠長假期啦, 晚晚習慣兩三點瞓覺, 昨晚雖然12點幾上床, 但碌左成粒幾鐘先瞓得著, 今朝起身梗係辛苦啦, 返到公司梗係周圍同人講恭喜發財, 同埋嬴多d啦, 成日係度放蚊, 無咩心情做野, 好眼瞓呀, 我諗我個黑眼圈又大左啦
