20070506

今日Pong終於唔洗返工，12點幾起身同佢去食麥記做早餐，因為我想食點jack，買左九件雞餐同一個雙層芝士孖堡同煙肉蛋飽，D醬又真係幾好食喎，食完就返左屋企攤屍，到4點幾就換衫出尖沙咀，因為佢個契姐又黎佢屋企食飯，所以我地要回避下，等一站去左IT度睇衫，好快咁行左個圍就走啦，之後去左uniqlo，我買左兩件衫，Pong就買左兩件低衫、三對襪加一件衫，我覺得uniqlo嘅衫同襪Ok好著，不過襪無我Size，但有時我嘅襪洗晒都會攞佢嘅襪著，所以我知道

之後到6點半去左UCC Cafe度飲下午茶，因為Pong係uniqlo度大出血所以我請佢，食飽飽又要周圍行行左去一間adidas度見到條黑色拉鍊短裙幾令所以Pong叫我試下，未試之前又比我見到件T幾靚，所以兩件一齊試啦。試出黎嘅結果我個大比大肥所以著得唔靚，但件衫就幾好睇所以Pong買左比我

Patagonia係Pong其中一間最愛嘅商店因為佢賣嘅野比較舒服但都幾貴，行左一個圈比我見到對拖鞋，初初我都唔想買，結果都係行返轉頭，因為最衰都係Pong啦，佢話如果以家唔買好快就會比人買晒所以我就...

行到9點幾就搭車返到屋企，去左屈臣士度買護髮素，之後就返屋企，好彩佢契姐已經走左啦，食完飯沖完沖等到11點幾就可以去睇戲，我仲可以著新拖鞋添。