2007年3月31日 星期六

14才的媽媽

今日終於一口氣睇完啦,由第一集開始一路睇一路都係眼濕濕,每日食飯都好像以淚洗面咁。除左一公升眼淚可以令我喊得犀利之外,佢係第二套啦,簡直係一發不可收拾呀。

不過係劇裡面我真係好鬼憎男仔個媽媽同那兩個鄰居女人,真係想大巴大巴打佢,同埋佢個同學小惠呀,簡直係賤到無人有。好彩個男仔最後都似返個男仔...唔錯唔錯。


20070330

Lunch我又一路食一路睇14歲的媽媽,一路睇又一路喊,差不多每一集我都會喊一、兩次,好彩那個時候得返我一個啫,如果唔係真係醜醜。

下午幫同事去銀行,經過馬會我就買左張$20嘅六合彩,真係好得意,平時我想買成日都唔記得帶錢,但今日我又無諗過要買,竟然又有帶錢喎

5點幾Pong打黎話今晚同佢兩個同事返大陸打邊爐,我梗係答應啦,我成兩個月無食啦,真係好想食呀,係因為上次佢同老闆返大陸打邊爐時有$210Qpon到4月17日到期,咁岩前一個鐘我又同佢講過想去,所以咪問下佢d同事一唔一齊囉,因為多d人食可以食多d野嘛,以前得我同佢去,點左8碟野次次都淨好多。

有得返大陸梗係準時收工啦,我又好似平時咁行過條橋去火車站,又比我見到我嘅至愛"德國牧羊"呀,我已經係連續兩日見到啦,不過昨天見到嘅係一個女人拖住一大一細,今日係男人拖住隻大架,當時有d風吹過黎我度,我就聞到好大嘅狗味呀,我真係想行過去影張相架,不過佢主人鬼咁Cool喎,我怕怕呀

2007年3月30日 星期五

20070329

晚上上最後一課的蛋糕課啦,不過今日唔係做蛋糕,以係考筆試,得5條題目,所以好快就做完放學啦,今日唔止讀完個蛋糕課,而且仲係整個Course都讀完啦,我足足讀左1年零3個月啦,我好開心

放學之後我就係旺角火車站等佢,去左新之城度買10蚊4包撈撈...好好味,每次去到旺角我都一定要食,一路行去搭車Pong同我講叫我今晚去跑步,唔好啦,都就快要健身啦比我懶埋尼幾日啦,結果8點幾返到屋企佢連飯都未食就瞓左係地下啦,又話去跑步...............到左11點幾我叫佢起身食飯沖涼。

我問佢:「你又話去跑步嘅??」.....佢弟弟答我:「你唔知咩佢跑完啦,仲係個足球場跑左幾個圈啦。」

2007年3月29日 星期四

20070328

Pong嘅同事兼好朋友佢早在半年前已經係一間大型的健身中心度玩,而且Pong又話佢知我都好想去,因為我肥左好多,所以昨晚放工就跟左佢一齊去。

有個姐姐係度講解啦,講到最尾緊係同錢有關啦,Pong話佢好海鮮價,所以唔好咁快應承,對於唔識講價嘅我梗係唔出聲啦,因為Pong想要返佢朋友個成交價,但姐姐話做唔到,因為個價錢係好耐之前做嘅,所以姐姐講唔掂就搵左個經理出馬啦。

結果就用左差唔多嘅價錢成交左啦。講完尼個又到教練啦,Pong個fd上次由8點講到11點先走得呀洗唔洗講咁耐呀??其實果度d教練又真係幾靚仔架,我地就搵左佢個fd個教練講解啦,到最後教練送多一堂比我同佢。結果我地由差不多8點開始10點鐘走,快左一個鐘


為了靚靚,尼兩個月要捱面包啦

2007年3月28日 星期三

護膚品

尼幾日突然之間同個會計姐姐熟左,多左野講。昨天佢介紹左一間我諗係代理護膚產品的一間公司,佢比左本catalog我睇,嘩!護膚品好鬼平200ml只需$20-$30,其實會唔會係多數都係賣比美容院的產品呢??不過真係太多產品啦有點兒花多眼亂添。

20070327

起身睇天氣報告嘩!21-26度洗唔洗咁熱呀??Lunch一路食一路睇14歲結婚的女孩〈唔知個名有無講錯〉原來那個女孩係女王教室那個女孩,嘩!大左咁多啦,又幾靚女喎。3點幾會計姐姐請我食賓紛樂,唔洗一陣我就食晒啦...超飽...好快咁又6點啦,我要搭火車返學,放工時間火車一定好鬼多人,同我同一車卡有一對小情侶,兩個都打緊NDS嘅,打NDS唔緊要,最緊要係唔好做柱男同柱女呀。

2007年3月27日 星期二

20070326

星期日我已經早左起身,點知到夜晚又係瞓唔著,真係慘。

朝早起身又遲到啦...我用極速梳洗換衫就落街搭車啦

2007年3月26日 星期一

皮膚差

唔知點解我個死人黑眼圈成日都出現,無論我用什麼eye mask又好,什麼去黑眼圈眼袋精華素都好,佢總係出現...help me,究竟點解呀 ??我都唔係好夜瞓啫,最夜都係12點幾都唔超過1點,究竟我那裡出現問題呢??

2007年3月25日 星期日

20070325

Yeah!!今日係星期日又放假啦,不過今日我12點幾就起左身啦,我發覺每個星期日晚我都瞓唔著,所以今次要早d起身免得今晚又瞓唔著明天又遲到呀

2007年3月23日 星期五

唔知係咪因為以家做過一年寵物店嘅關係我以家好鐘意動物,其實我細個好鐘意狗,但我又好驚,佢行埋黎我又要閃,但我又想摸...所以好搞笑。

不過自從我做過寵物店之後對過大狗、細狗、bb狗、惡貓、乖貓啦之後我就完全唔怕佢地,反而係街度見到都好想行過佢搞下佢地,雖然以家做得好辛苦,但真係好開心架

20070322

星期二那晚我要係太子上蛋糕課Pong同我去花園街買左盆仙人掌比我

 

2007年3月21日 星期三

法式蛋糕

昨日做法式蛋糕,阿sir話尼個蛋糕其實係玩裝飾喎,阿sir講得好急所以我有好多都無抄到,不過今次個蛋糕大部份都係我做架...

2007年3月19日 星期一

鬱金香 3

昨晚12點幾就瞓左啦,無因為我太晏起身而失眠,不過今朝一樣都唔願起身,開著個電視一路睇香港早晨一路換衫,見到天氣報告16-19度又落雨,所以今日著衫都厚左, 怕又冷親就辛苦死啦。

2007年3月18日 星期日

S.H.E

自從看了花樣少年少女之後,覺得Ella係個好生鬼嘅女仔,所以我就越來越愛佢,但係唔知點解有好多人覺得佢男仔頭所以好憎佢,係新年時租左S.H.E隻演唱會睇,我就更加更加愛佢地3個啦。


所以今日無事我就將佢地由舊至新嘅大碟全d/l落尼,真係越聽越好聽呀

2007年3月17日 星期六

鬱金香 2

今日返到公司我就好快咁行到我個位,嘩!點解會斜左架??我就立即打比Pong問佢點算,點解會咁嘅,佢話可能個朵花太重所以咁ar,叫我買d竹籤之後整返直佢喎,係咪真架??

隔左一陣Pong又打比我話佢剛剛問過人,原本朵花會跟住d光走喎,係咪架??不過我張佢放近個mon度等佢唔好斜得咁犀利。


2007年3月16日 星期五

痛><

今日又係一個月一次,好痛ar

每次我都要食藥,不過人地話食得多唔好喎,所以我今日就忍住唔食

結果比我發現原來仲有一樣野比藥好好多..............................................就係金莎啦

haha……….到目前為止我已經食左粒啦

我的減肥大計又一次失敗左啦

紐約芝士蛋糕

昨晚做紐約芝士蛋糕

唔知點解叫做紐約呢??

尼個蛋糕材料唔多,而且又唔難做,食落有少少檸檬味同酸酸地,因為加左半茶匙嘅檸檬汁,上面那層就係乳酪加糖,第一啖食落怪怪地,但之後就覺得ok,其實可以唔加乳酪嘅。

鬱金香

今日11點幾Pong突然打比我,問我manager係唔係度,我話佢梗係係度啦,之後佢就叫我出去一陣話有野比我,因為佢地盤係大圍,而我公司係沙田,好近所以周不時都會一齊食飯

2007年3月14日 星期三

唔開心

今日5點幾Pong打比我話個地盤順利交貨,所以老闆請佢地返大陸食飯慶祝。

朱古力海綿蛋糕

昨晚教做朱古力海綿蛋糕ar,一聽個名就好味啦,因為有我最愛嘅朱古力喎,基本上今日分開左三部份黎做,要焗好個朱古力蛋糕先,第一部份全部都係我一個人做,因為我組的同學全部都未返ar,好彩阿sir都有幫下我,第二部份做饀料,第三部份就係做個蛋糕底啦個蛋糕嘅底層係餅,中間有三份一係蛋糕,外面係饀料,好軟綿綿架,所以要放係雪櫃一個鐘雪硬佢,就係咁我地10點幾先放學ar,但有個好好味嘅蛋糕攞返屋企都抵返啦,不過仲未食得架,阿sir話要雪過夜先好味架,由於時間嘅關係我係學校已經試左少少啦,因為同學有個失敗作,個蛋糕浮左上面囉,不過都好好味..............食落好似“慕士”咁真係軟綿綿


2007年3月13日 星期二

心更興奮

哇哈哈哈哈哈哈哈哈哈哈哈哈哈哈哈哈哈哈.........

2007年3月12日 星期一

偷雞

3月9星期五下午3點幾幫個會計姐姐去紅磡度收票,再去旺角入票行經潮流特區時我就忍唔住行左一陣,結果比我買左幾樣野,不過有兩樣都唔係買比自己嘅

20070311

星期日,我又可以發揮我嘅懶性格有咁晏瞓到咁晏

瞓到1點幾就起左身打電話去酒樓度幫Pong訂位,因為佢爸爸今日生日囉。訂完位我都起身梳下就去左佢公司搵佢食野之後等佢放工啦,當我地食緊野嘅時候,突然電話響起...完來係佢媽媽打電話黎,話佢契姐&佢老公&佢個仔都會黎食飯,我第一個反應梗係有少少唔開心啦。

2007年3月10日 星期六

Head Porter

曾經我都好喜歡gucci、lv覺得人有我都要有,但眼見周圍嘅人都係gucci、lv,每一隻款都起碼超過五至十個人用,搞到什麼新鮮感。反而我迷上左波點袋,不過我都見多左人用ar,但好彩其他人用嘅都唔係我鐘意那款啫

我喜歡那款係無得單“咩”同雙“咩”只有手提嘅,可能就係因為咁香港無咩人買啦,不過好似係半年前旺角都有賣過,但當時我又唔太喜歡所以就無買度,所以以家有少少後悔添。。。

搞到要訂先有貨,不過昨日我見到個超細size係一模一樣嘅,我諗只係袋到個銀包就咩都袋唔到啦。

2007年3月9日 星期五

休息一天

前晚好慘一路瞓一路發冷,都唔知點解所以都無覺好瞓,第二朝起身仲好似嚴重左咁,所以我都無返工啦。瞓到9點幾打返公司請假,11點去睇醫生,睇完醫生食左碗粥食藥又再瞓過,一向瞓得好好嘅我突然間瞓得唔好,瞓下醒下咁...都唔知想點。

2007年3月7日 星期三

昨日天氣開始轉涼,唔知係咪凍親嘅關係,我由昨天下午開始就一直咳,真係好辛苦。但同事做左d辣嘅青瓜我都一樣照食好味...

2007年3月6日 星期二

抵死

話說我今日上yahoo新聞搜尋下我舊公司有無上新聞,竟然比我見到

僱主因欠薪被罰款四萬 (星島) 01月 12日 星期五 05:34PM
駿龍建築工程有限公司因違反《僱傭條例》支付工資的規定,被勞工處檢控,今日在沙田裁判法院被判罰款四萬元。 該僱主沒有按照《僱傭條例》規定,在工資期屆滿及僱傭合約終止後七天內支付工資 予兩名僱員,涉及款額約三萬元,因此被起訴。

抵佢死啦咁鐘意欠人工資,欠人工資仲好似天經地義咁,你今次仲唔有今日睇你今次點樣走數???

哈哈哈!!

2007年3月4日 星期日

星期天

2007年3月4日星期日,屋企一個人都無,Pong返左工,佢爸媽去左旅行,佢弟弟同佢女朋友返左大陸,所以我今日10點鐘就起左身。

首先梗係梳清下先啦,之後整左個咖哩味嘅杯麵食,食完野梗係要做下運動啦,所以我就開洗衣機洗下衫,跟住就幫下麻煩人洗鞋〈Pong),   做好野做之後梗係自己做下facial啦,買左樽泥成三個月都唔知用唔用到五次。

終於可以休息下啦,不過整鬼佢1點幾時開始打丐蕉打到唔停,個鼻都就快唔係我啦help...

Pong4點幾放工lu,好仲叫佢買左麥記添ar,佢返尼我就有得食啦...yeah

2007年3月3日 星期六

利利是是

昨晚返到屋企見無咩做,就拆利是啦,本來係想初十五先嘅,但都忍唔住lu。

haha...原來我有$$$2650ar,今年少左十蚊,但五十蚊同一百蚊多左ar。記得我讀小學至中一時每年都有2xxx至3xxx架,跟住經濟開始唔好就越收越少 lu,而且我大左又唔會跟家人去拜年,拜年好悶架,又唔會好似細個咁同d小朋友玩,一個人坐係一邊望住阿媽同人傾計幾無聊ar,寧願係屋企瞓下好過。。。。。以家要諗下用d新年錢買咩好呢??

2007年3月2日 星期五

藍莓醬芝士蛋糕

今堂阿sir教藍莓醬芝士蛋糕ar,雖然我唔鐘意食,但我都好比心機做,因為Pong鐘意食ar...haha。。。。。

2007年3月1日 星期四

肥vs瘦

今早起身返工換衫時,我揀左一條買左兩年的牛仔褲著,當時係25底腰,但今天穿上,一點鬆都沒有,周圍都好緊咁