2008年8月30日 星期六

週末

今日1點鐘放工, 一個人係尖咀行街, 又多人又熱, 行到兩點幾, 食埋野3點幾返到屋企, 頂唔順沖返個涼舒服晒, 屋企得我一個人無無聊聊攞住部相機, 唔知影d咩

探姐姐

話說昨日零晨姐姐生左個8磅幾嘅bb, 咁我放工即係買左支葡萄適, 係醫院樓下等埋Pong上去探病, 上到去只可以兩個兩個咁入, 入到去同姐姐傾左一陣就比老豆吹返我地出黎, 因為仲有個朋友排隊等緊探姐姐

2008年8月29日 星期五

我做阿姨啦

12點幾時收到姐夫傳黎嘅SMS, 姐姐係零晨時, 生左個8磅幾嘅肥BB, 不過因為姐姐發燒, 所以要開刀, 但係母子平安, 今晚我會去醫院擔佢

2008年8月28日 星期四

泰八郎

6月個時我訂左幅泰八郎眼鏡, 終於係上個禮拜有得攞啦, 因為係日本手製, 而且製造個人已經老啦, 原來要等3個月架, 等到我頸都長埋啦

2008年8月27日 星期三

飯聚

昨日放工同Pong嘅同事去荃灣食飯, 等左差唔多一個鐘

2008年8月25日 星期一

白痴左添

昨日早9點幾同伯母Pong去kfc食早餐, 食飽陪伯母去吉之島買生果, 買完野行返去勁大雨呀, 剛剛洗好d衫又淋濕晒, 又要過清水洗多次

2008年8月23日 星期六

9號風求的下午茶

昨日7點幾已經起左身, 諗住打去天文台聽下天氣, 打左好多個電話都唔通, 之後就開收音機黎聽, 知道唔洗返工之後就繼續瞓, 瞓到11點幾世伯炒年糕比我地食, 食飽就睇奧運, 2點幾瞓左一陣, 4點幾Pong落街買麥記

2008年8月22日 星期五

暴風雨前夕

放工Pong叫我地新城市搵佢, 同我去連城的申一棧度食片皮鴨

我地用嘅餐具

2008年8月21日 星期四

游泳第二回

昨日天氣非常之焗熱, 所以放工返屋企執野同Pong去游水, 7點幾去到, 可能太耐無練習啦, 所以都唔係好記得, 而且又勁多人喎, 游兩步一係比人整到, 一係就整到人, 游到差唔多8點半就沖身走人

2008年8月18日 星期一

小學同學派對@唱K

星期六剪完頭髮返屋企抖一陣, 8點鐘約左個FD食壽司, 係旺角間間都要等, 之後去左北海道個間, 一路吹水一路食, 食到9點幾行一陣旺角, 就去neway city會合同學仔啦, 本來之前話係校服party架, 之後就無左件事, 不過有兩男一女著到好似校服咁, 仲帶埋中學條呔添, 我地總共有20幾個人, 轉過三間房

2008年8月17日 星期日

多d就好啦

昨日星期六放工出左旺角, 首先梗係去投注站, 一注買10期, 哈哈...又比我中左$320

2008年8月14日 星期四

這晚熱辣辣

昨日Pong叫媽媽打邊爐, 佢仲係citysuper買左支紅酒添, 咁我地放工返到屋企又再落街買餸, 真係好耐無打啦, 一路打就一路睇女排, 真係緊張死呀, 咁都可以比人追到嘅, 激鬼死人啦

2008年8月13日 星期三

游泳第一回

昨晚無去做"占", 放左工返到屋企執野去觀塘泳池游水, 出門口之前食左個包, 原來泳池離屋企都幾遠架

2008年8月11日 星期一

忽然喜歡

昨日星期日10點起身, 同Pong & 伯母落街食早餐, 返到屋企執野11點幾去沙灘, 唔係好多人, 潮退仲好污jo添, 咁鋪好沙灘蓆, 諗住吹水泡, 個水泡新買見到有支好細嘅管, 咁我篤入去吹氣個度, 點知篤"村"左, 如果吹得太脹放氣就會放得快, 不過都用到嘅, 真白痴啦, 咁晒左一陣太陽落水啦, 嘩!!!!d水勁黑囉, 又冷喎, 浸左一陣都上返水啦, 晒到2點幾沖身返屋企

2008年8月10日 星期日

為“你”失眠

昨日星期六短週, 8點幾起左身, 10點玩combat, 11點10分玩zumba, 1點20分玩伸展舞蹈, 連玩3個鐘, 玩完沖完涼, 去左食雲吞麵, 當時真係好攰, 之後坐車去中環再去銅鑼灣行左一陣就返屋企

2008年8月7日 星期四

威E

昨日8號風球11點幾上網訂票睇戲, 咁我地食埋中午飯, 1點45分出門口行去apm, 以為打風應該個個都留係屋企, 點知原來唔係架apm係多人囉, 仲有商店、食市開囉

2008年8月6日 星期三

打到黎啦

昨晚放工一個人去做運動, Pong約左同事食飯, 7點幾上bodycombat, 教練話比我地知已經3號風球啦, 之後玩埋yoga先返屋企, 係屋企樓下好大風, 仲要睇埋台劇1點幾先瞓

2008年8月5日 星期二

有機會再食過

昨日星期日我同Pong瞓到下晝4-5點先起身, hea到7點幾落街食野, 去左佢屋企樓下嘅印尼餐廳食野, 間鋪好細可以容納20人到啦, 我地都要等一陣

2008年8月3日 星期日

小欖BBQ

昨日同Pong嘅同事去小欖BBQ, 5點幾係旺角坐小巴, 去到仲好晒好熱, 坐左一陣我就走左去沙灘行下

2008年8月1日 星期五

上個禮拜去做運動之前去左chocoolate睇下林兔個隻杯, 咩顏色都無晒啦, 得返隻銀色, 不過我都照殺, 件衫太大所以比左Pong著, 隻杯好q大又無杯蓋, 而且都幾重下, 都唔知帶唔帶返工用好