7點55分準時起身，今日唔洗同佢弟弟爭廁所啦，我用完佢剛剛起身。上到車Pong打比我，佢今日返新地盤呀，不過講左幾句就收線，而且講得好細聲，可能唔方便啦，不過我第一時間梗係問佢有無女仔先？？靚唔靚先？？有兩個，就一般靚喎，一向疑心大嘅我梗係不斷圍繞著女嘅問題啦。去到公司附近買左個面包同一罐咖啡，返到公司都係8點50分，到9點就開始做野，今日唔知咩事有3個同事請假。
10點幾阿叔同我講因為佢要幫會計姐姐出街收票&入票，所以我要幫佢去粉嶺攞禁區證，我一路做野一路同舊同學MSN，唉！又要留意後面有無人經過，所以傾左一陣都係同佢講ByeBye。12點幾有個同事走埋黎問我食咩，因為今日落雨所以叫外賣，二男二女叫左三盒飯食，食完就落樓下攞信。下晝先黎落雨，2點又要出街，好彩我放左對拖鞋係公司啫，一陣變落湯雞返到黎都唔洗焗住隻腳。
今晚9點有Body combat玩...Pong應承左我玩之前同我去Fancl同睇史迪仔精品
沒有留言:
張貼留言