由初一開始就忙到初三, 因為初一同Pong屋企人去左佢舅父度拜年, 初二Pong同我返屋企同阿媽打麻雀, 輸左200蚊比阿媽, 之後係青衣城食飯, 佢仲好好比左D錢家姐埋單, 初三佢有親戚黎佢屋企拜年, 我WIN返昨日輸個D
唔知點解屋企陪電腦認唔到相機張咭, 以前都得嘅, 之後我再插返入相機度, 連相機都唔得, 點解呀, 今日我同晉晉影左相架, 會唔會無晒架???
返埋今日就放假啦, Lunch同一班同事出去飲茶, 返到公司先諗起夾錢買六合彩, 之後叫阿叔去買, 我地總共21個人, 21個人裡面有成10個Annual Dinner時中左獎, 一個就剛剛生完仔, 一個就快結婚, 我諗加加埋埋應該都好好運掛....呵呵
返埋聽日就放9日新年假2號返工, 真係好開心, 今日已經開始無心機做野啦, 聽日又同成班同事飲茶, 公司年年都會買吉嘅, 過左年之後我就會食佢d吉架, 酸酸地好好味, 有d就整咸甘吉黎飲
上次去探晉晉隔左兩個禮拜到, 佢又唔同左樣同埋肥左好多, 阿媽要煮飯老豆隻手又痛所以我抱住佢, 我諗抱左唔夠半個鐘, 食飯時攞起個碗, 竟然手震囉
星期六放工自己去左旺角行街街, 買左樣野返屋企, 到8點幾Pong諗住同我去阿葛開個間鋪度睇衫, 出到lift門口望下個銀包先知唔見左張EPS, 搞到無得去返左屋企搵, 之後就打去中銀報失, 我淨係去過一間度買野, 所以上網CHECK佢個電話, 個SALE姐姐話係佢度, 咁我都安心D
14號公司Annual Dinner係沙田嘅京都, 擺左12圍只係請自己人, 食到9點幾開始抽獎啦, 分別$200, $300, $500同$1000
前日星期二Pong考試無返工, 由7點考到9點, 咁我一個人放工去左旺角做gym, 由7點50分做到10點, 攰死左.....佢媽媽爸爸返左大陸, 咁我地就要出街食, 佢考完試出黎旺角, 係稻香攞位, 我做完運動沖埋涼去搵佢, 好耐無打啦
兩條友叫左8碟餸, 食到12點又食淨野啦, 好彩之前沖左涼啫, 返到屋企唔洗沖
我隻眼都就快合埋啦, 超攰超眼瞓呀
一個月前去7仔已經比人買晒, 之後上個禮拜睇到檸檬bb女嘅blog係上個禮拜頭買左, 可能返新貨, 所以我地叫左同事個太太係元朗嘅7仔, 竟然有呀, 咁我地買左三盒
昨日星期日9點幾起身, 10點出門口去麥記食早餐, 之後坐小巴士旺角做gym, 做左一個鐘就走啦, 坐車去中環行街街, 係一間鋪頭睇中左個袋, 第一次Pong睇衫我無試個袋, 第二次再入試上身都無買, 食完野行左一陣又再行返去, 尼次真係買左啦, 仲即刻用添, 之後坐叮叮去銅鑼灣, 睇到好多人遊行
好耐無同晉晉影相啦, 佢個樣真係變左好多呀, 我一個禮拜唔見佢都覺得佢變左, 佢成日都整都塊面花晒, 都唔知係咪佢皮膚唔好, 成日都好紅咁好乾, 可能影相唔覺, 好似兩個蘋果咁勁架
昨日Pong爸媽已經問過黃大仙啦, 已經揀左邊間, 而且仲比訂添
昨日星期日Pong一家6個人9點起身飲茶, 之後坐車去天水圍睇樓, 前幾日佢爸爸媽媽已經睇左幾日啦, 佢倆佬之前去過黃大仙, 佢地問過黃大仙叫佢地住天水圍, 屯門, 荃灣喎
星期五放工幫Pong嘅同事攞個藍芽去整, 之後我係風月堂排隊等位, 我足足等左一個鐘先有位, 我坐左一陣Pong先黎到, 真係未試過等咁耐, 食一餐
除夕夜我地都無慶祝留係屋企瞓覺, 因為Pong病左, 本來有人約佢去bbq都無得去
