29號個日放下晝返青衣睇晉晉,跟住姐夫就返工,當時晉晉瞓緊覺,我都好輕鬆攤係張床度,當我想瞓嘅時候佢就起身啦,我都無得瞓,陪佢玩
媽媽前幾日係樓梯跌親,跌碎左盤骨,琴日下晝做左手術,放工去左探佢,精神都好好但仲痛,陪左一陣就走啦,因為佢前日應該痛到成晚無瞓
24號放工Pong黎大圍接我,之後去西九海濱行左個圈照左幾張相就去圓方
公司頭先開聖誕爬地,由10點幾開始整野,真係好攰,今年無影食物相影得一張咋
琴日係fb見到有人話Umagazine送相機帶,我係第一次為左贈品買雜誌架...haha
Pong5月買車差唔多7個月啦,以前可以日日揸車返工,以家轉左第二份工係灣仔,無得揸車,淨係可以星期六,日
唉!!以家佢爸爸成日當尼駕私家車係貨車,成日搞到好污糟,好多沙,真係想每個禮拜都洗一洗...
唔知有無機會買過第二駕車呢??
話咁快下個禮拜就係一年一度嘅聖誕啦,公司前幾日就怖置完啦,公司大食會嘅野都搞得8899,星期六返青衣食飯又可以見到晉晉啦
琴日Pong要考試,所以星期日無出街,入左元朗食完lunch就返屋企hea
星期一早左出門口可以係百佳買完野之後先返工,下晝4點幾我就K.O左佢啦,正囉
我同另一個同事又要開始搞聖誕爬地啦,前幾日問老闆贊助本來佢話包底,但我同同事唔識打蛇隨棍上,結果比左1千蚊我地,之後就叫經理同兩老闆啦,我地都要夾埋一份...
星期六短週12點幾返大圍同同事食lunch,3點揀車之後出發大埔
12月2號個日無做gym返左青衣,姐姐去左返學,讀兒童心理學,哈~應該讀完啦,下次返去問下佢學左d咩先...
話咁快又一年啦,點解d時候過得越黎越快呢??
4號要bbq,下個禮拜唔知邊日又去攞帖,月尾又約左愛人(劉華),15號同事又話去唱k,不過我唔想去囉,1月26號又要去飲宴...
好似好忙咁,但全部都係玩嘅,而且又係要洗錢添,唔知今年會唔會加人工呢??
