Pong請左假9點幾起身食早餐, 11點幾出門口12點20分去做GYM, 可能少做感覺好辛苦, 做完運動去左行玩具店, 比我買左個公仔, 好得意架
聖誕夜無約人6點幾同Pong出尖沙咀行街街, 今年真係無咩燈飾睇
24號我公司搞大食會, 返到公司搞掂自己野, 11點幾就幫手搞大食會野, 食之前影返張先
死啦!!我好似肥左好多
今日放工出旺角, 約左四位舊同學係旺角食飯, 旺角真係好多人要好辛苦先行到去朗豪坊, 7點鐘去到風月堂等位, 嘩!!要等成20張, 咁我地就走左去女人街裡面其中一間餐廳食啦, 一路食一路傾, 雖然我地唔係成日見, 又有各有各生活, 但係我地係有講唔完嘅話題囉, 我終於明白三個女人一個墟, 而且我地係五個女人喎, 最噪就係我地張枱呀
昨日星期六放工去左中環買聖誕禮物比Pong, 買完就坐地鐵去鰂魚涌轉將軍澳線返屋企, 去到銅鑼灣唔知點解會神推鬼拱咁落左車, 個度真係超多人, 行左一陣都無頂唔順坐巴士返屋企, 去到apm買護膚品, 見到我之前想買嘅香水tommy girl以家禮品裝$330送一枝沖涼, 咁就買左返屋企啦
昨日已經出左通告啦, 我地公司由年廿九放到初七, 1月14號annual dinner不過今次唔大搞啦, 只係我地同埋d伙計一齊食, 十幾圍到啦, 今次真係放足一個禮拜呀, 真係有d怕放咁耐到要返工嘅時候會唔習慣添
最衰Pong又無得放咁耐啦
前幾日上網訂左條麵包超人褲仔比晉晉, 其實我覺得應該係大左少少架, 不過太得意啦, 忍唔住手訂左
今年我第一年參加華仔天地下晝收信時見到佢地嘅地址寄黎嘅, 原來係張聖誕咭係好靚嘅一張聖誕咭, 有佢設計嘅兩隻公仔, 做到好似立體咁, 真係好開心
昨日放工去到旺角Pong又未到, 咁我就去馬會對下兩張六合彩, 結果兩張都中, 不過都係幾廿蚊
今日朝早返黎快快手用自己嘅野, 到10點幾5個女仔就開始佈置公司, 個d飾物已經用左好幾年啦
昨晚係公司hea到6點9先放工, 之後坐車去上水等Pong同佢d同事, 一行9人去深圳食小肥羊, 有三對+1個都係一齊玩我玩緊嘅online game嘅同事, 其如兩個就無啦, 好幾個月都無去打邊爐啦, 唔知點解個湯底無以前咁濃同咁辣
