今日都係小姐教我做野, 我開始可以掌握得好啦, 一到6點唔理三七廿一梗係即閃啦(好員工準時返工準時放工嘛), 出到旺角我地無去做gym, 去左pizza hut食晚餐呀
2007年8月27日 星期一
2007年8月26日 星期日
20070826
Pong要幫佢爸爸出街, 所以9點就出左門口, 我就9點15分起身換衫出旺角, 佢係旺角街市得我之後去左大快活食早餐, 食完就去做gym, 我地去到10點50分, 我就用極快速咁換衫, 因為11點要玩body pump, 我落到去剛剛, 我仲幫Pong霸定位, 之後12點10分玩body combat, 1點幾玩完啦, 諗住做一陣機, 點知Pong話佢件衫好臭, 所以要沖涼走啦, 之後就去左朗豪坊嘅i.t, 雖然佢減價, 但我只係買左個Nike嘅護腕咋$20, 之後咩都買唔到, 因為實在太亂太多人啦, 3點行左去先達附近嘅越興苑食野, 食完就搭車返屋企啦
2007年8月25日 星期六
打邊爐
前幾日Pong已經約左佢d舊同學昨晚食飯, 而我本來諗住唔跟佢去, 點知昨日我真係做到, 想放工就即刻見到佢, 所以我就唔去做運動同佢一齊去, 佢地約左7點係觀塘工業區個間好x王度食, 到8點鐘先叫野食, 真係好肚餓呀, 佢地一路食一路吹, 我就係度聽同 笑, 佢地多數都係講八掛野, 所以幾好聽架, 太約10點就埋單走人, 行左去apm Pong就提意去滿x度飲糖水, 我都好耐無飲過啦, 我就叫左碗黑糯米, 好好味架, 佢地一吹就吹到11點幾差唔多12點, 之後就各散東西, 我同Pong就去左租跟蹤, 返到屋企就睇戲, 2點幾就瞓囉
2007年8月24日 星期五
頭都爆
由今日開始直至31號我就要跟小姐做野, 其實同我以家做緊嘅差唔多, 不過真係好煩覆, 唉!以家先交低左一樣, 仲有好幾樣呀, 真係小d心機都唔得。希望直至佢走我可以全部記晒入腦啦, 我怕第時有野問都唔知問邊個好咋, 到時我就再無得依賴人啦。
下晝食完飯又要再努力過啦。
下晝食完飯又要再努力過啦。
2007年8月22日 星期三
唔知點好
話說我公司有個clerk辭左職做到今個月月尾, 頭先個G.M同我講叫我試下做佢D野, 佢叫我諗下明天答覆佢, 如果我做到的話, 會加我人工, 幾多就未知。
唉!原本應該係開心事, 但我怕自己做唔掂, 因為差不多全公司嘅文件都係佢負責嘅, 但係機會唔係成日有, 點好呀
唉!原本應該係開心事, 但我怕自己做唔掂, 因為差不多全公司嘅文件都係佢負責嘅, 但係機會唔係成日有, 點好呀
2007年8月21日 星期二
2007年8月20日 星期一
2007年8月18日 星期六
Cool
前幾日我公司嘅G.M叫左我入佢房吹左一陣, 佢話我好cool喎, 跟住尼幾日我都諗緊尼個問題, 我覺得我淨係同D唔熟嘅人唔講野囉, 有時我唔想講野真係一句野都唔講囉, 不過我都好有禮貌每朝都會同人講早晨架。
2007年8月17日 星期五
矛記性
每日放工我都會check下自己有無留低野, 星期四晚我都係咁做, 上左巴士先記得無攞飯盒, 不過好彩屋企仲有一個, 超大個不過都用住先啦。點知昨晚行到半路先知無攞飯盒, 唉!搞到我今日無得帶飯啦, 連佢媽媽都問我做咩事咁無記性, 連續兩日都無攞。
2007年8月16日 星期四
冷落
自從Pong幫我d/l左隻新game之後, 每日一有時間我就打機, 少左同Pong吹水, 今朝臨出門口前叫Pong起身, 佢發我脾四, 話我唔理佢, 頭先我打比佢講左兩句都無就收左線, 到以家佢都無打過電話比我。唉!
2007年8月15日 星期三
2007年8月14日 星期二
2007年8月12日 星期日
晚餐
因為Pong爸媽返左大陸所以今日晚餐又係我煮, 8點幾Pong去左吉之島買野, 佢仲買左盒士多啤梨比我食添, 好鬼大粒架
個雞排同d菜都係佢媽媽買定比我地今日煮架, 芝士腸同午餐肉係Pong買黎加餸嘅, 三樣餸都煮到我一頭煙, 真係辛苦, 我覺得d菜炒得好過之前幾次不過Pong話啖左少少喎, 不過今次最失敗嘅係d飯硬左少少。
我問Pong今次有幾多分, 佢話有70分, 都唔知講真定講大話嘅。
食完飯我梗係洗碗, 之後就係食士多啤梨啦。
個雞排同d菜都係佢媽媽買定比我地今日煮架, 芝士腸同午餐肉係Pong買黎加餸嘅, 三樣餸都煮到我一頭煙, 真係辛苦, 我覺得d菜炒得好過之前幾次不過Pong話啖左少少喎, 不過今次最失敗嘅係d飯硬左少少。
我問Pong今次有幾多分, 佢話有70分, 都唔知講真定講大話嘅。
食完飯我梗係洗碗, 之後就係食士多啤梨啦。
2007年8月10日 星期五
興奮
今日好幾位同事都無出去食飯, 所以變得好熱鬧, 頭先食完飯, 有個同事嘅媽媽睇完有線新聞話係3點之前掛8號風球, 佢地就好興奮咁嘻哈大笑, 搞到食完飯想瞓嘅同事都瞓唔著...原本聽到鐘響先會開燈嘅, 點知佢地興奮到一早開返D燈。
希望打得成啦
希望打得成啦
2007年8月8日 星期三
打機
尼幾日晚晚打機打到2點幾3點, 頭先打Pong問佢可唔可以唔去做運動, 因為我好肥, 佢話得不過要從公部NSD喎, 要等我好好休息下嘛。
死啦, 以家越食越多, 之前都感覺瘦左D, 但以家又肥返, 慘啦!距離9月13日得返1個月零幾日咋, 點算好呢??唔通真係要節食, 無得食人生仲有D咩樂趣??
死啦, 以家越食越多, 之前都感覺瘦左D, 但以家又肥返, 慘啦!距離9月13日得返1個月零幾日咋, 點算好呢??唔通真係要節食, 無得食人生仲有D咩樂趣??
2007年8月7日 星期二
清潔阿姐
我公司有個做差唔多3個月嘅清潔阿姐,佢返8點半嘅,初初我都覺得佢ok架,不過有樣野我好唔鐘意,咁公司Reception張雲石枱每日都會有一份當日嘅報紙,佢好興隻手一路抹,隻眼一路睇仲要睇好耐都唔捨得放手喎,大嬸呀好心你一早返到公司睇完份報紙先做野啦,最搞笑係聽到有人開門就即刻放低份報紙喎,唉!真係又要睇又要驚喎。
清潔阿姐
我公司有個做差唔多3個月嘅清潔阿姐,佢返8點半嘅,初初我都覺得佢ok架,不過有樣野我好唔鐘意,咁公司Reception張雲石枱每日都會有一份當日嘅報紙,佢好興隻手一路抹,隻眼一路睇仲要睇好耐都唔捨得放手喎,大嬸呀好心你一早返到公司睇完份報紙先做野啦,最搞笑係聽到有人開門就即刻放低份報紙喎,唉!真係又要睇又要驚喎。
2007年8月6日 星期一
2007年8月5日 星期日
20070805
1點幾Pong做完gym返黎, 見無雨所以即刻換衫去, 去到2點半都幾多人, Pong選擇用口吹水泡, 搵好位塗好太陽油梗係落水試下個水泡先啦有個水泡真係玩得開心d, 搞到我都唔係好想上水, 上左水之後就食係吉之島買嘅番茄薯片, 食完就繼續晒太陽。晒晒下我地見到個雨雲係好遠處咁慢慢吹緊過黎, 吹到過黎啦開始好大風有d人都走左, 之後就落雨我地只好係樹下避雨, 大約落左兩、三個字又出太陽又可以繼續落水玩啦,玩到大約4點幾就去沖身起人。
返到屋企沖涼洗野就等食飯
返到屋企沖涼洗野就等食飯
連個天都唔鐘意我
今日9點幾Pong就起身去左做gym, 而我就繼續瞓, 我記得當時係好大嘅太陽, 因為晒到我。之後10點幾Pong打比我話我知落雨, 我個心即係灰晒, 唉!我昨晚滿心歡喜咁灘執好今日去沙游水嘅野, 以家唔洗去啦。
2007年8月4日 星期六
健身 19
好似好耐無上課咁, 我係好唔願意去上堂, 今日教練同我做byebye肉之後, 其餘嘅時間都係同個波有關
我真係從未上過教練堂會流咁多汗, 可能同佢唔熟唔夠膽偷懶, 8點鐘我上完堂去左行路燒下卡路里, 玩左半個鐘就準備9點玩bodycombat, 係更衣室時聞到自己個身d汗味好鬼臭呀, 玩玩下間房嘅冷氣唔知係咪壞鬼左, 個個都覺得超熱, 教練就話我地熱情如火喎
我真係從未上過教練堂會流咁多汗, 可能同佢唔熟唔夠膽偷懶, 8點鐘我上完堂去左行路燒下卡路里, 玩左半個鐘就準備9點玩bodycombat, 係更衣室時聞到自己個身d汗味好鬼臭呀, 玩玩下間房嘅冷氣唔知係咪壞鬼左, 個個都覺得超熱, 教練就話我地熱情如火喎
2007年8月3日 星期五
逛街
昨晚放工去左尖沙咀街行,其實我係想去玩具反斗城睇水泡,去到都無咩款,所以最終無買到。睇完去左肯德雞食左少少野,之後就係尖沙咀周圍行,行到10幾竟然一樣野都無買,可能荷包前個月受過嚴重創傷,所以無咩心機買野。
行完坐巴士返屋企啦,返到屋企,之後就睇電視睇到點幾。
行完坐巴士返屋企啦,返到屋企,之後就睇電視睇到點幾。
2007年8月2日 星期四
訂閱:
文章 (Atom)